کرایہ نام (منظور شدہ)

میں‌کرایہ نامہ پیش کر رہیا واں، ایہہ تمام مالکان دی مدد واسطے اور تمام کرایہ دار حضرات نوں متنبہ رکھن واسطے ہے، تاکہ اس نوں پڑھ کے اوہ محتاط رہ سکن۔

کرایہ نام


تساں جے کرائے اتے لینا ایہہ مکان اے ۔۔۔۔۔۔۔۔۔۔میری کجھ شرطاں‌دا رکھنا دھیان اے
میرے اگے کدی وڈیائی نہیں‌جے کرنی۔۔۔۔۔۔۔۔۔۔۔۔گھروچ جھگڑا لڑائی نہیں‌جے کرنی
مینوں میرے پچھوں‌کدی واج وی نہیں‌مارنی۔۔۔۔۔۔۔۔۔۔۔ سنک وچ چولاں چوں پچھ نہیں‌نتارنی
بھانویں ہن کوجے بھانویں‌سوہنے ایتھے آن ناں۔۔۔۔۔۔۔۔۔۔تساں ایتھے رہناں ایہہ تے پروہنے ایتھے آن ناں
بچے تھواڈے گلیاں وچ رولا رپا پان ناں۔۔۔۔۔۔۔۔۔۔اوہناں بارے محلے وچوں الامے مینوں‌آن ناں
ویکھاں ناں‌میں‌بالاں دیاں آنیاں‌تے جانیاں۔۔۔۔۔۔۔۔۔۔تھواڈے وچوں‌کسے نہیں‌ٹیوشناں پڑھانیاں
بار بار پوڑیاں‌توں اتے تھلے جانا نہیں‌۔۔۔۔۔۔۔۔۔۔۔بہتا ہمسائیاں نال پیار تسی پانا نہیں
کوٹھے تے کھیڈناں نہیں‌کدی گیندبیٹ وی۔۔۔۔۔۔۔۔۔۔۔مچھر دے مارنے نوں‌لانا روز میٹ وی
گھڑی مڑی کوئی منجی چکے ناں تےڈاوے ناں ۔۔۔۔۔۔۔۔۔۔۔ ٹی وی دی آواز ساڈے کناں‌تک آوے ناں
کنداں نال فرشاں تے داغ کوئی لانا نہیں۔۔۔۔۔۔۔۔۔۔۔۔کپڑے نوں رنگ دے کے جنگلے تے پانا نہیں
نواں کل ٹھوکنا نہیں‌پہلا نہیں‌اکھاڑنا۔۔۔۔۔۔۔۔۔۔۔۔چھت اتے ڈش انٹینا وی نہیں چاڑنا
روز روز کھولنے نہیں‌بکسے تے پیٹیاں۔۔۔۔۔۔۔۔۔۔۔۔محلے وچ پانیاں‌نہیں‌کدھرے کمیٹیاں
کوئی پھیری والا بوئے اگے نہیں‌کھلارنا۔۔۔۔۔۔۔۔۔۔۔۔۔کندھ اتے بیٹھی ہوئی مکھی نوں‌نہیں‌مارنا
ایس پنے اتے اخبار وی لواناں نہیں‌۔۔۔۔۔۔۔۔۔۔۔۔۔۔۔باتھ روم وچ کدی کھڑے ہو کے نہانا نہیں‌
خوشیاں دے موقع اے ہوناں‌تھواڈا رول کی۔۔۔۔۔۔۔۔۔۔۔۔۔سن لو پہلے کے نہ وجے ایتھے ڈھولکی
اگاں بال بال ایتھے دیگاں نہیں‌پکانیاں۔۔۔۔۔۔۔۔۔۔۔۔۔۔نالے شب رات نوں ہوائیاں‌نہیں‌چلانیاں
شادی تیل مہندی شادی ھال جاکےکرنی۔۔۔۔۔۔۔۔۔۔۔۔۔چوری دی رپورٹ میرے نال جاکے کرنی
دودھ تسی مہینے دے ادھار اتے لاناں نہیں‌۔۔۔۔۔۔۔۔۔۔۔گول گپے، املی، اچار تسی کھانا نہیں
ایہہ گل سن کے حیرانی تہوانوں ہووے گی۔۔۔۔۔۔۔۔۔۔۔۔کھنگ توانوں لگی پریشانی سانوں ہووے گی
مالٹا مسمی گھر بھول کے لیانا نہیں‌۔۔۔۔۔۔۔۔۔۔۔۔۔۔چوپنی گنڈیری نہیں پینا یخ پانی نہیں
پیدا انج نزلہ زکام نہیں‌جے کرنا۔۔۔۔۔۔۔۔۔۔۔۔۔۔۔نچھاں‌مار مار بے آرام نہیں جے کرنا
بل تسی سارے ڈیوڈیٹ تے بھر آنے نے۔۔۔۔۔۔۔۔۔۔۔۔۔جان لگیاں‌ساڈے بل نال لے کے جانے نے
بدلوں جے گھر تن مہینے دی معیاد اے۔۔۔۔۔۔۔۔۔۔۔۔۔تساں‌دینی لکھ کے زبانی مینوں یاد ایہہ
باقی گلاں‌چلدیاں رہن گیاں نال نال۔۔۔۔۔۔۔۔۔۔۔۔۔جیویں جیویں‌ودھے گا کرایہ نوے سال سال
میریاں‌شرطاں دا رکھو گے دھیان جے۔۔۔۔۔۔۔۔۔۔۔۔۔ست بسم اللہ تہاڈا اپنا مکان جے



(شاعر نامعلوم)

ایہہ نظم میں‌کسی کولوں سنی سی،،،،،،، اچھی لگی تے دوستاں دے سامنے پیش کر دتی۔۔۔۔۔۔۔۔۔
چونکہ میں‌اس نوں کسے کتاب وغیرہ توں نہیں‌پڑھیا ،،، اس لئی اس دے کسی شعر وچ ادل بدل ہو گیا ہوے تے شاعر صاحب نال معذرت ۔۔۔۔۔۔۔۔۔۔۔۔۔۔۔

 

--

واہ جی واہ تسیں تہ کمال کردتا

 

بہت زبردست اے اسلوب بیان توں لگدا اے کہ اے انور مسعود جی دی ہوسکدی اے پر اے میرا صرف خیال ای اے۔

 

سوری میں پنجابی نہیں پڑھ سکتا لہذا تبصرہ بھی نہیں کر سکتا :baby:

 

:haha: :haha:

مریم جی تھوڈا تے چوکا ہو گیا 4 4 4

پر مسئلہ ایہہ ہے کہ ایتھے امب وی نہیں ملدے۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

میرا ذاتی خیال اے کہہ جیہڑا بندہ پنجابی بول سکدا اے، پنجابی لکھ سکدا اے تے اردو پڑھ سکدا اے۔۔ اوہ تھوڑی جِنّی توجہ نال پنجابی پڑھ وی سکدا اے۔ گل صرف توجہ کرن دی اے۔
لہذا زمرد رفیق پہائی دا مخول کرن دی بجائے بہتر اے کہ انہاں دی حوصلہ افزائی کرکے انہاں نوں پنجابی پڑھن دی پریکٹس دی ترغیب دتی جاوے۔ شکریہ

 

میں برادر بھائی دی گل دی تائید کرکے کہواں گا کہ زمرد بھائی ۔ تسی پنجابی پڑھنے لکھنے دی کوشش کرو۔ بہت جلد ماہر ہوجاؤ گے۔ انشاءاللہ

 

برادر پا جی تے نعیم پا جی اسی تے خود وہ ایہہ ہی چاہنے آں۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ اسی زمرد پائی دی پنجابی دا کدی وی مخول نہیں بناواں گے ، اوہ کوشش تے کرن،،،،،،،،،،،،،،،،،،،،،،،،،،،،،،،،،،،،

زمرد پا جی میں شائید پہلاں وی درخواست کیتی سی کے تسی ہمت کرو، وقت دے نال نال سب ٹھیک ہوجاندا ایہہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

ساگراج جی بہت خوب ویسے پنجابی پڑھنا کوئی آسان کام نہیں


خان جی کو ہی دیکھ لیں پورا سال لگا ان کو یہ پڑھنے میں ، مگر ان کے بہانے میں نے بھی پڑھ لی


شکریہ خان جی اس لڑی کوڈھونڈ نکالنے کا اور بہت عمدہ ساگراج جی

 

شکر ھے ہارون جی کو بھی کسی ا ور کی بات پہ ہنسی آئی ورنہ یہ صرف اپنی باتوں پہ ہی ہنستے ھیں

 

اے ہارون جی وہ کدی کدی چنگی گل کر ای دیندے نے لگدا میرے کولوں سکھدے پے نے ہولی ہولی :201:

 

خان توں مراد تسی ای او محبوب خان جی


ایتھے پنجابی لکھن دا مینوں وی نئی سی پتہ پر میری کی گل اے مینوں تے کسے وی گل دا پتہ نئیی ہوندا

 

میری گل پڑھ کے کی ہو گیا جے خان جی اے میں ای لکھیا سی ٹی وی وچ نئیی آیا :201:

 

ہارون جی نکی جئی گل کرن دا انسائیکلوپیڈیا :201:

 

[/quote:2at4zhp6]
گھڑی مڑی کوئی منجی چکے ناں تےڈاوے ناں ۔۔۔۔۔۔۔۔۔۔۔ ٹی وی دی آواز ساڈے کناں‌تک آوے ناں
نواں کل ٹھوکنا نہیں‌پہلا نہیں‌اکھاڑنا۔۔۔۔۔۔۔۔۔۔۔۔چھت اتے ڈش انٹینا وی نہیں چاڑنا


محبوب بھائی لگدا اے تساں نے کرایہ نامہ دی ایہہ شرطاں غور نال نئیں‌پڑہیاں
:neu:

 

سوری میں ایس لکڑی دا پہلا صفھہ فیر نئیی پڑھیا ہن اے نہ کہیو جے کہ اے کہیڑی نیوی گل اے مینوں دس دیو ایسا لڑی وچ کس ٹاپک تے گل کرنی وے

 

خوشی ایسی کوئی گل نہیں۔ میں تے اپنے ولوں محبوب بھائی نال مذاق کیتا سی کہ اونہاں نے جو سمائیلی ٹی وی والی لگا دتی ایہہ۔ اوہ کرایے نامے دے شرطاں دی خلاف ورزی لگدی اے۔ اے تے بس اتفاق ایے کہہ اونہاں نے اوہ سمائیلی لگا دتی۔ میں ناراض نہیں‌ہویا ساں، بلکہ مذاق کرن دے کوشش کیتی سی۔