کراچی کے نام ،

میں چپ رہا تو سارا جہاں تھا مری طرف
حق بات کی تو کون کہاں تھا مری طرف

میں نے ستمگروں کو پکارا ہے خود فرازؔ
ورنہ دھیان اُن کا کہاں تھا مری طرف

احمد فرازؔ​

 

جب سازِ سلاسل بجتے تھے، ہم اپنے لہو میں سجتے تھے
وہ رِ یت ابھی تک باقی ہے، یہ رسم ابھی تک جاری ہے

احمد فراز​

 

انا کی چیخ نے انور مجھے____ بیدار کر ڈالا
میرا سر گرنے والا تھا میری دستار سے پہلے​

 

میرے شہروں کو کس کی نظر لگ گئی
میری گلیوں کی رونق کہاں کھوگئی
روشنی بجھ گئی، آگہی سوگئی
ہم تو نکلے تھے ہاتھوں میں سورج لئے
رات کیوں ہوگئی رات کیوں ہوگئی؟
طالبانِ سحر!
ہم سے کیوں روشنی نے یہ پردہ کیا
کیوں اندھیروں نے رستوں پہ سایہ کیا؟
آؤ سوچیں ذرا!
ہم بھی سوچیں ذرا، تم بھی سوچو ذرا
آگہی سے پرے، روشنی کے بنا
جتنے امکان ہیں، سارے مر جائیں گے
جو بھی تخلیق ہے، وہ بکھر جائے گی
زندگی اپنے چہرے سے ڈر جائے گی
طالبانِ سحر آؤ سوچیں ذرا، آؤ دیکھیں ذرا!
آرزو کے ستاروں سے دمکا ہوا
پرچمِ روشنی کس طرح پھٹ گیا!
کون سا موڑ ہم سے غلط کٹ گیا!
پھول رت میں خزاں کس طرح چھا گئی
بیج کیا بوگئی!
ہم تو نکلے تھے ہاتھوں میں سورج لئے
رات کیوں ہوگئی!

امجد اسلام امج​

 

اگر تم دل گرفتہ ہو
کہ تم کو ہار جانا ہے
تو پھر تم ہار جاؤ گے
اگر خاطر شکستہ ہو
کہ تم کچھ کر نہیں سکتے
یقینا کر نہ پاؤ گے
یقیں سے عاری ہو کر
منزلوں کی سمت چلنے سے
کبھی منزل نہیں ملتی
کبھی کنکر کے جتنے حوصلے والوں
سے بھاری سل نہیں ہلتی
زمانے میں ہمیشہ کامیابی
ان کے حصے میں ہی آتی ہے
جو اول دن سے اپنے ساتھ
اک عزم مصمم لے کے چلتے ہیں
کہ جن کے دل میں عزم و حوصلہ ایک ساتھ پلتے ہیں
اگر تم چاہتے ہو کامیاب و کامراں ہونا
تو بس رخت سفر میں
تم یقین و عزم کی مشعل جلا رکھنا
سفر دشوار تر ہو
تب بھی ہمت ، حوصلہ رکھنا
سفر آغاز جب کرنا
تو بس اتنا سمجھ لینا
جہاں میں کامیابی کی یقیں والوں سے یاری ہے
اگر تم بھی یقیں رکھو
تو پھر منزل تمھاری ہے

 

گلیوں میں خون کے دریا تھے
گھر گھر ماتم برپا تھے
کس گلشن کے کتنے پھول گئے
کیا ساتھی تم سب بھول گئے ؟؟

 

ہماری جیب سے جب بھی قلم نکلتا ہے
سیاہ شب کے یزیدوں کا دم نکلتا ہے

 

ایک ٹوٹی ہوئی زنجیر کی فریاد ہیں ہم
اور دنیا یہ سمجھتی ہے کہ آزاد ہیں ہم
۔
کیا اس لئے تقدیر نے چنوائے تھے تنکے ؟
بن جائے نشیمن تو کوئی آگ لگا دے

 

آج جو ہمیں غدار بولتے تھے
وہ غداری کے مرتکب ہو رہے ہیں
وہ کسی کو نظر نہیں آرہا
ہمارے منہ پر تالے لگا دیے اور
خود بھونک رہا ہے وہ
وہ سنائی نہیں دے رہا
وہ جو ایجنٹ کی کہانی سنا کرتے تھے
آج سامنے کھڑا ہے گالیوں سے #نواز رہا ہے
وہ دیکھائی نہیں دے رہا
آج تاحیات نااہلی کا تمغہ سجا کر کھڑا ہے
یہ بد دعاؤں کا ثمر ہے
یہ سب نظر آرہا ہے
#حنا شیح ​

 

وطن تھا تو آزادی ڈھونڈتا تھا
آزاد ہوں تو وطن ڈھونڈتا ہوں

 

اپنے وطن میں قید ہوں آزادی چاہتا ہوں
بے نام جہموریت کی زنجیریں کھولنا چاہتا ہوں

#حناشیخ ​

 

ابھی تک پاؤں سے چمٹی ہیں زنجیریں غلامی کی
دن آجاتا ہے آزادی کا ، آزادی نہیں آتی

 

۔
۔
۔ ۔ ۔

 

یاد ایاّم کہ یہاں ترک شکیبائی تھا
ہر گلی شہر کی یہاں کوچۂ رسوائی تھا

 

اس کے دشمن ہیں بہت آدمی اچھا ہوگا
وہ بھی میری ہی طرح شہر میں تنہا ہوگا

 

دل کو کراچی سمجھ رکھا ہے تم نے
آتے ہو ، جلاتے ہو، چلے جاتے ہو

 

شہیدوں کا لہو ہی سحر کا نقیب ہے
ہم کو یہ یقین ہے کہ فتح اپنا نصیب ہے

 

کراچی میرا شہر ہے رونق ہر پل ہر پہر ہے
یہ جو چند ایک کی غنڈہ گردی ہے شاید خدا کا قہر ہے

 

آبادی کا دباؤ کراچی شہر کی جانب بڑھتا جا رہا ہے
چھوٹا پڑتا جارہا ہے کراچی شبر ، چھوٹا پڑتا جا رہا ہے
صبح مسئلہ کچھ رہا ، تو دو پہر پھر شام بھی مسئلے بنے
اسطرح یہ شہر پورا کا پورا مسائلستان بنتا جا رہا ہے

بجلی ، پانی اور ٹرانسپورٹ کے مسئلے ہونہی بڑھتے رہے
پارکنگ مسئلہ بنا ، تو وھیکلز فٹ پاتھ پر چڑھتے رہے
شہر کا مصروف حصہ تھا کشادہ ، وہ تنگ بنتا جا رہا ہے
اسطرح یہ شہر پورا کا پورا ، مسائلستان بنتا جا رہا ہے

قبضہ گروپ سڑکوں پے ، گلیوں میں ، کہیں فٹ پاتھ پر
کرکے قبضہ بیٹھا ہوا ہے ، ہاتھ رکھے اپنے ہاتھ پر
بن کے یہ کینسر شہریوں کیلئے وبال جان بنتا جا رہا ہے
اسطرح یہ شہر پورا کا پورا ، مسئلستان بنتا جا رہا ہے

پائیں بھلا کیسے قابو ٹریفک کے اس اژدہام پر
تجاوزات ، ریڑیاں ، ٹھیلوں کی کثرت ہو جس مقام پر
شاہراہوں پر کہیں کھڈا ، کہیں کوہان بنتا جا رہا ہے
اسطرح یہ شہر ہورا کا ہورا ، مسائلستان بنتا جا رہا ہے

کراچی الیکٹرک سپلائی کارپوریشن کا یہ کیسا ہے مشن
چھین لے گی شہر کی روشنی لگتا ہے ایسا ہے مشن
لوڈ شیڈنگ کبھی بریک ڈائون بد ترین بحران بنتا جا رہا ہے
اسطرح یہ شہر پورا کا پورا ، مسائلستان بنتا جا رہا ہے

عبادت گاہیں ، کالج ، یونیورسٹی ، اسکول اور مدرسے
بڑھ گئی تعداد طالب ، مقامے گھٹ گئے اپنی قدر سے
رفتار آبادی کی دھن ، کنبہ بڑا اک شان بنتا جا رہا ہے
اسطرح یہ شہر پورا کا پورا ، مسائلستان بنتا جا رہا ہے

یہ رہا ہسپتال وہ رہا لیبارٹری ، دیکھو ذرا یہ ڈسپنسری
ہر طرف تنگی ہی تنگی ، غور سے دیکھو یا ڈالو نگاہ سرسری
یہ ہا ہا کار پبلک ، دکھ بے درماں ہر آن بنتا جا رہا ہے
اسطرح یہ شہر پورا کا پورا ، مسائلستان بنتا جا رہا ہے

رہزنی ، چوری ، ڈاکہ ذنی ، دھوکہ دہی ، سٹہ اور قمار
کچھ تو باہر کے ہیں ماہر، کچھ کراچی کے جواں بیروزگار
خود کشی دستور مفلسی و مجبوری انسان بنتا جارہا ہے
اسطرح یہ شہر پورا کا پورا ، مسائلستان بنتا جا رہا ہے

 

علم حق اٹھا کر چلے
نظر سے نظر ملا کر چلے
دست قاتل پر بیعت نہیں کی
وفا پرست کی شمع جلا کر چلے

 

شہرِ کراچی یاد تو ہو گا ، تیرے شب بیداروں میں
مرزا رسا ؔچغتائی بھی تھا، یار ہمارا یاروں میں

 

مقتل جہاں سجے ہیں وہ بازار تھے کبھی
ہیں مقبرے جہاں وہ ہمارے مکان تھے کبھی
وردی پہ تیری جن کے لہو کا نشان ہے
وہ نوجوان میرے قبیلے کی شان تھے کبھی

 

شہر کو گھیر لے تاریکی سرِشام اب کے
شہر کا نام تو بس رہ گیا ہے نام اب کے
اپنے ہی گھر میں سکوں ملنا ہے دشوار بہت
جنگلوں میں ہی چلو کرنے کو آرام اب کے

 

سراپا عشق ہوں میں اب بکھر جاؤں تو بہتر ہے
جدھر جاتے ہیں یہ بادل ادھر جاؤں تو بہتر ہے
ٹھہر جاؤں یہ دل کہتا ہے تیرے شہر میں کچھ دن
مگر حالات کہتے ہیں کہ گھر جاؤں تو بہتر ہے

 

میری شناخت کتنی آسان ہوگئی
قومی زبان موت کا سامان ہوگئی
۔
۔
۔ ۔ ۔

 

ٹوٹ جائے گا جہل کا جادو،
پھیل جائے گی ان دیاروں میں،
علم و دانش کی روشنی ہر سو،
اے شبِ تار کے نگہبانو!
شمعِ عہدِ‌زیاں کے پروانو!
شہرِظلمات کے ثناء خوانو!
شہرِ ظلمات کو ثبات نہیں،
اور کچھ دیر صبح پر ہنس لو،
اور کچھ دیر۔۔۔۔۔۔ کوئی بات نہیں!!

 

کرب و بلا کراچی میں یزید کا لشکر
اور میں تنہا کھڑا تھا ہو کے انکاری
صرف جان ہی تھی سو لٹائی تم پر
بہت ہی سادہ سی ہے رسم وفا داری

 

قاتل میرا نشاں مٹانے پہ ہے بضد
میں بھی سناں کی نوک پہ سر چھوڑ جاؤں گا
لشکر کریں گے میری دلیری پہ تبصرہ
مر کر بھی زندگی کی خبر چھوڑ جاؤں گا

 

راحت اندوری سے معذرت کے ساتھ مقطع میں یک لفظی تبدیلی کے ساتھ عرض ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اگر خلاف ہیں، ہونے دو، جان تھوڑی ہے
یہ سب دھواں ہے، کوئی آسمان تھوڑی ہے

لگے گی آگ تو آئیں گے گھر کئی زد میں
یہاں پہ صرف ہمارا مکان تھوڑی ہے

میں جانتا ہوں کہ دشمن بھی کم نہیں لیکن
ہماری طرح ہتھیلی پہ جان تھوڑی ہے

ہمارے منہ سے جو نکلے وہی صداقت ہے
ہمارے منہ میں تمہاری زبان تھوڑی ہے

جو آج صاحبِ مسند ہیں، کل نہیں ہوں گے
کرائے دار ہیں، ذاتی مکان تھوڑی ہے

سبھی کا خون ہے شامل یہاں کی مٹی میں
کسی کے باپ کا یہ پاکستان تھوڑی ہے

 

اظہارِ مسرت کے لیے شکریہ