کراچی ایئر پورٹ پر حملہ

طالبان نےجناح انٹرنیشنل ایئرپورٹ پرحملے کی ذمہ داری قبول کر لی
https://awazepakistan.wordpress.com

 

اب آزمائش کا وقت ہے کون کیا فیصلہ کرتا ہے؟

 

طالبان دہشتگرد ملک کو اقتصادی اور دفاعی طور پر غیر مستحکم اور تباہ کرنے پر تلے ہوئے ہیں اور ملک اور قوم کی دشمنی میں اندہے ہو گئے ہیں . انتہا پسند قوتیں پاکستان میں سیاسی اور جمہوری عمل کو ڈی ریل کرنے کی کو ششیں کر رہی ہیں. دہشت گرد خود ساختہ شریعت نافذ کرنا چاہتے ہیں اور پاکستانی عوام پر اپنا سیاسی ایجنڈا مسلط کرنا چاہتے ہیں جس کی دہشت گردوں کو اجازت نہ دی جا سکتی ہے۔ کسی بھی مسلم حکومت کے خلاف علم جنگ بلند کرتے ہوئے ہتھیار اٹھانا اور مسلح جدوجہد کرنا، خواہ حکومت کیسی ہی کیوں نہ ہو اسلامی تعلیمات میں اجازت نہیں۔ یہ فتنہ پروری اور خانہ جنگی ہے،اسے شرعی لحاظ سے محاربت و بغاوت، اجتماعی قتل انسانیت اور فساد فی الارض قرار دیا گیا ہے۔ دہشت گرد ،اسلام کے نام پر غیر اسلامی و خلاف شریعہ حرکات کے مرتکب ہورہے ہیں اور اس طرح اسلام کو بدنام کر رہے ہیں۔
طالبان اور القائدہ ملکر پاکستان بھر میں دہشت گردی کی کاروائیاں کر رہے ہیں ۔ دہشت گرد گروپوں کےطاقت کے بل بوتے پر من مانی کرنے کے بڑے دورس نتائج نکل سکتے ہیں۔
۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔

طالبان نےجناح انٹرنیشنل ایئرپورٹ پرحملے کی ذمہ داری قبول کر لی
https://awazepakistan.wordpress.com

 

کئی لوگ کولڈ سٹوریج میں لگی آگ کےباعث پھنس جانے کے بعد اپنے عزیزوں سے رابطہ کرکے اپنی بے بسی کا رونا روتے رہے مگر کوئی ریسکیو آپریشن نہیں ہوا۔۔۔۔۔۔۔۔۔۔۔۔۔۔۔۔۔ افسوس!

 

کراچی ایئر پورٹ پر تحریک طالبان پاکستان کا حملہ

ہم اتوار کے روز کراچی ايئرپورٹ پر ہونے والے دہشتگرد حملے کے تمام متاثرين کے خاندان والوں کو گہری دلی تعزيت پيش کرتے ہيں جس ميں تقريبا" چودہ معصوم جانيں ضائع‏ ہوئيں۔ یہ نہايت دکھ کی بات ہے کہ يہ انتہا پسند درندے پاکستان میں زندگی کے تمام شعبہ جات سے تعلق رکھنے والے لوگوں کو جان بوجھ کر نشانہ بناتے ہيں۔ مقامی کمیونٹی کارکن، اقليتوں اور سيکورٹی اھلکاروں سے ليکر کوئی بھی انکی دہشتگردی، تشدد ،قتل وغارت، اور جاری درندگی سے محفوظ نہيں ہيں۔




اتوار کے روز کراچی ايئرپورٹ پر ہونے والا يہ خوفناک دہشتگرد حملہ ان انتہا پسندوں کی پاکستان میں جاری دانستہ قتل وغارت اور تباہی کی ايک واضح مثال ہے جو وہ اپنے مذموم سیاسی عزائم کے حصول کے لئے بروۓ کار لارہے ہيں ۔ عوامی مقامات پر جاری حملوں نے ان انتہاپسندوں کے حقيقی سیاہ اور بدنما چہروں کو بے نقاب کر دیا ہيں۔ ان دہشتگرد عناصر نے اپنے سياسی مقاصد کے حصول کيلۓ مذہب کی آڑ ميں معصوم لوگوں کو قتل کرنا اپنی حکمت عملی کا ايک مرکزی جز بناليا ہيں۔ ہم کراچی ایئرپورٹ پر ہونے والےاس دہشت گرد حملے کی بھرپور مذمت کرتے ہيں-

معصوم عوام کے خلاف جاری تشدد آميز کارروائياں پاکستانی عوام کے اقدار پر حملہ اور ملک کی خوشحال مستقبل کے لئے ایک خطرہ ہے۔ باہمی پارٹنرز کی حيثيت سے ہميں دہشتگردی اور انتہاپسندی کی اس لعنت کو مٹانے کيلۓ اپنی مشترکہ عزم اور ولولے کو ڈگمگانے سےمحفوظ رکھنا چاہيۓ ۔ ہم پاکستانی بہادر عوام کے ساتھ ان شیطانی اور درندہ صفت انتہا پسندوں کے خلاف ان کی جاری جنگ میں اپنی طویل الميعاد عزم کی توثیق کرتے ہیں جو جان بوجھ کر معصوم عوام کے قتل و غارت ميں ملوث ہيں اور پاکستانی سالميت کيلۓ ايک خطرہ بن چکے ہيں ۔ انتہاپسندی کےخلاف جاری جدوجہد ميں ہم پاکستانی حکومت اور اسکی سيکورٹی فورسزز کے ساتھ کھڑے ہيں۔

ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
www.state.gov
https://twitter.com/#!/USDOSDOT_Urdu
http://www.facebook.com/USDOTUrdu

 

تحریک انصاف پہلے بھی طالبان سے بات کے حق میں تھی اوراب بھی ہے، جاوید ہاشمی​

پاکستان میں دہشت گردی کی کارروائیوں میں بیرونی قوتیں بھی ملوث ہیں، جاوید ہاشمی فوٹو: فائل​

اسلام آباد: پاکستان تحریک انصاف کے صدر مخدوم جاوید ہاشمی کہتے ہیں کہ ان کی جماعت پہلے بھی طالبان سے بات کے حق میں تھی اوراب بھی ہے۔

اسلام آباد میں میڈیا سے بات کرتے ہوئے مخدوم جاوید ہاشمی کا کہنا تھا کہ دہشت گردوں نے بیرونی دنیا میں پاکستان کا امیج خراب کیا ہے، پاکستان میں دہشت گردی کی کارروائیوں میں بیرونی قوتیں بھی ملوث ہیں، ہر پاکستانی کو پاک فوج کی قربانیوں پر فخر ہے لیکن ان کی جماعت پہلے بھی طالبان سے بات کے حق میں تھی اوراب بھی ہے کیونکہ ہماری نظر میں مذاکرات ہی ملک میں امن کا راستہ ہے۔

جاوید ہاشمی کا کہنا تھا کہ کراچی ایئرپورٹ پر سیکیورٹی کی ذمہ داری وفاقی اور صوبائی حکومتوں کی تھی لیکن انٹیلی جنس اداروں کی جانب سے کئی مرتبہ متنبہہ کئے جانے کے باوجود کراچی ایئرپورٹ پر سیکیورٹی کے مناسب اقدامات نہیں کئے کئے۔

 

ایئرپورٹ پر حملہ آوروں کے ہتھیار بھارتی ساخت کے تھے۔
اوردہشتگردوں کے سامان سے بھارتی فوج کے زیراستعمال فیکٹرایٹ انجیکشن بھی برآمد ہوئے


فیکٹر ایٹ انجیکشن کا استعمال عام طور پر بھارتی فوجی زیادہ کرتے ہیں، طبی ماہرین فوٹو؛اے ایف پی

کراچی: جناح انٹرنیشنل ایئرپورٹ پر حملے میں ملوث دہشت گردوں کے سامان سے بھارتی فوجیوں کے زیر استعمال فیکٹر ایٹ انجیکشن برآمد ہوئے ہوئے ہیں۔

ایکسپریس نیوز کے مطابق گزشتہ رات کراچی ایئرپورٹ پر حملہ کرنے والے دہشت گردوں کے سامان سے بھارتی فوجیوں کے زیر استعمال فیکٹر ایٹ برآمد ہوئے جو عام پر طور مارکیٹ میں دستاب نہیں ہوتے۔ طبی ماہرین کے مطابق فیکٹر ایٹ انجیکشن جنگ کے محاذ پر فرنٹ لائن پر لڑنے والے فوجیوں کو فراہم کئے جاتے ہیں تاکہ گولی لگنے کی صورت میں جسم سے خون کے اخراج کو روکا جاسکے اور عام طور پر بھارتی فوجی اس انجیکشن کا استعمال زیادہ کرتے ہیں۔

اس سے قبل ایئرپورٹ پر حملہ کرنے والے دہشت گردوں کے حوالے سے ترجمان رینجرز نے انکشاف کیا تھا کہ مارے گئے دہشت گردوں کے پاس سے جو جدید ترین ہتھیار ملے ہیں وہ بھارتی ساختہ تھے جب کہ دہشت گردوں کو انتہائی جدید ہتھیار استعمال کرنے کی باقاعدہ تربیت حاصل تھی۔

ایکسپریس نیوز