کبھی مجھ سے نظریں ملا کر تو دیکھو----برائے اصلاح

شکیل احمد خان
محمد سعید سعدی
-------------
کبھی مجھ سے نظریں ملا کر تو دیکھو
مجھے دل میں اپنے بسا کر دیکھو
------------
وہ ایسی جگہ ہے جہاں غم نہیں ہیں
محبّت کی نگری میں آ کر تو دیکھو
-------------
تمہارے غموں کو بنا لوں گا اپنا
کبھی مجھ کو اپنا بنا کر تو دیکھو
-----------
تمہاری یہ آنکھیں کبھی نم نہ ہوں گی
محبّت کے سپنے سجا کر تو دیکھو
----------
ہوا دل ہے روشن ، یہ محسوس ہو گا
محبّت کی شمعیں جلا کر تو دیکھو
----------
دلوں میں زمانے کے زندہ رہو گے
کبھی کام لوگوں کے آ کر تو دیکھو
----------
(اگر مل بھی جائے یہ دنیا تو کیا ہے)
کبھی دل سے دنیا بھلا کر تو دیکھو
----------
خدا بخش دینے پہ مائل ہے ارشد
خطا اس کو اپنی بتا کر تو دیکھو
---------

 

استادِ محترم کے توصیفی کلمات اِس غزل کی خوبی کے لیے سند ہیں
لہٰذا میری طرف سے مبارکباد قبول فرمائیں ۔ حالیہ شاعری میں
مطالعے کے اثرات نمایاں ہیں۔۔۔۔۔۔۔۔۔مطالعہ بھی جاری
رکھیں اور۔۔۔۔۔۔۔۔۔۔۔۔۔۔۔۔گُل بھی بکھیرتے رہیں:

تیری نوازشوں نے بکھیرے ہزارگُل
لیکن میں اپنی تنگیٔ داماں کو کیا کروں۔۔۔۔۔۔۔۔۔۔۔۔(احساس مرادآبادی)​