کام لکڑی سے لیا ہے آپ نے تلوار کا....... نعت شریف

یہ قلم میرا، تفکر میرے لالہ کار کا
خاک ہوگا ذکر، اوجِ احمدِ مختار کا

چاہئے گر ذکر کرنا، اس گلِ گلزار کا
لائیے پھر شاخِ طوبی سے قلم معیار کا

شاعرانِ کل جہاں محوِ تفکر ہیں ابھی
وصف کیسے ہو بیاں ان کے لب و رخسار کا

ہم سخنور تیری مدحت کا احاطہ کیا کریں
دم نکلتا ہے تری سرکار میں افکار کا

شاعری بہرِ بیانِ وصف نور اللہ نہیں
اک ذریعہ ہے محبت کے فقط اظہار کا

ذرہ ذرہ سر نگوں ہے آپ کی سرکار میں
کام لکڑی سے لیا ہے آپ نے تلوار کا

سر جھکاؤ، دل بچھاؤ، عشق کی سوغات لو
تذکرہ ہوتا ہے لوگو اب خدا کے یار کا

ثانئ احقر ترا طرزِ تخیل ہیچ ہے
کیا محمد مصطفے! کیا دم ترے اشعار کا

فقیر سعادت علی (ثانی مرادآبادی)

 

پسندیدگی کے لیے شکر گزار ہوں

 

بہت اچھی نعت ہے

 

مشکور و ممنون ہوں

 

ماشاء اللہ بہت خوبصورت کلام

 

کرم فرمائی جناب کی

 

سبحان اللہ ۔ ثانی بھائی بہت عمدہ نعتیہ کلام ہے۔
تقبل اللہ ورسولہ صل اللہ وعلیہ وآلہ وسلم۔

 

آمین ثم آمین

نعیم بھائی، بہت بہت شکر گزار ہوں توجہ کے لیے