چوتھا ون ڈے: پاکستان کو میچ جیتنے کے لیے 267 رنز درکار

واشنگٹن — جنوبی افریقہ نے چوتھے ایک روزہ بین الاقوامی کرکٹ میچ میں پاکستان کو میچ جیتنے کے لیے 267 رنز کا ہدف دیا ہے۔
جمعے کو ابو ظہبی میں ہونے والے میچ میں جنوبی افریقہ نے ٹاس جیت کر پہلے بیٹنگ کا فیصلہ کیا اور مقررہ 50 اوورز میں پانچ وکٹوں کے نقصان پر 266 رنز بنائے۔
جنوبی افریقہ کے اوپنر کوئنٹن ڈی کوک نے 112 رنز کی شاندار اننگز کھیلی اور اپنی ٹیم کا عمدہ بنیاد فراہم کی جسے ان کے بعد آنے والے بلے بازوں نے مزید مستحکم کیا۔
ہاشم آملہ نے 46 رنز بنائے۔ پاکستان کی جانب سے جنید خان اور محمد حفیظ نے دو، دو کھلاڑیوں کو آؤٹ کیا جب کہ محمد عرفان نے ایک وکٹ لی۔
سیریز میں جنوبی افریقہ کو دو، ایک سے برتری حاصل ہے اور اس میچ میں فتح کی صورت میں وہ سیریز کا فاتح ہوگا۔
آج کے میچ کے لیے پاکستانی ٹیم میں وہاب ریاض اور عمر امین کی جگہ جنید خان اور صہیب مقصود کو شامل کیا گیا ہے۔ صہیب اپنے کیریئر کا پہلا ایک روزہ بین الاقوامی میچ کھیل رہے ہیں۔
http://www.urduvoa.com/content/cricket-pakistan-south-africa-4th-odi-08nov2013/1786189.html