چمن زارِ ریاضت پر نہ گُل زارِ عقیدت پر ۔۔ مقصود علی شاہ

چمن زارِ ریاضت پر نہ گُل زارِ عقیدت پر
مدارِ مغفرت ہے آپ کے دستِ شفاعت پر

طلب والے سخن سوچیں، صدا والے دُعا مانگیں
گُزارا ہم فقیروں کا ہے آقا تیری مدحت پر

کسی بھی طَور تجسیمِ کمالِ کُل نہیں ہوتی
وہ اسمِ پاک لکھتا ہُوں مَیں لوحِ نور و نکہت پر

نظر افروز منظر میں بھی پابندِ نظر ہُوں مَیں
سجا رکھی ہیں آنکھیں بھی اگرچہ بامِ حیرت پر

مدینے میں ہیں مہر و ماہ و اختر کے طلب پھیرے
سبھی کشکول بر کف ہیں درِ فیضانِ طلعت پر

نظر ہے میری حالت پر، خبر ہے میری حسرت کی
مَیں حیراں اُس بصارت پر،میں قُرباں اُس سماعت پر

عطاؤں کے زمیں پر ہی اُتر آئے سحابِ کُل
سخی نے اپنا دستِ خیر رکھا دستِ حاجت پر

تصور دم بخود ہے کس تناظر میں اُسے باندھے
صباحت بھی فدا ہو جس کے پاپوشِ ملاحت پر

پلٹ آتے ہیں ایسے جیسے گم شدگاں پلٹ آئیں
کہ نسلوں سے پلے ہیں آپ ہی کے خوانِ نعمت پر

کیا خاکی صفت الفاظ لائے اُس کی عظمت میں
بلاغت سر بہ خَم ہے جس کے پائے شانِ رفعت پر

معاصی کی گرفتِ سر بسر میں ہے تنِ خستہ
بھروسہ ہے مگر مقصود مجھ کو جانِ رحمت پر
------
مقصود علی شاہ
Maqsood Ali Shah
​

 

طلب والے سخن سوچیں، صدا والے دُعا مانگیں
گُزارا ہم فقیروں کا ہے آقاﷺ تیری مدحت پر​

 

مدینے میں ہیں مہر و ماہ و اختر کے طلب پھیرے
سبھی کشکول بر کف ہیں درِ فیضانِ طلعت پر​

 

پلٹ آتے ہیں ایسے جیسے گم شدگاں پلٹ آئیں
کہ نسلوں سے پلے ہیں آپ ہی کے خوانِ نعمت پر​

 

کیا خاکی صفت الفاظ لائے اُس کی عظمت میں
بلاغت سر بہ خَم ہے جس کے پائے شانِ رفعت پر​

 

معاصی کی گرفتِ سر بسر میں ہے تنِ خستہ
بھروسہ ہے مگر مقصود مجھ کو جانِ رحمت پر​

 

سبحان اللہ - جزاک اللہ

 

اللہ تعالٰی آپ کو بھی جزائے خیر عطا کرے آمین