چراغِ عشقِ محمدﷺ جلائے بیٹھے ھیں ۔۔ جامی مصطفائی

چراغِ عشقِ محمدﷺ جلائے بیٹھے ھیں
دل و نظر کو منور بنائے بیٹھے ھیں

تمھاری صورت_زیبا کو اے شہ_خوباں
نگار خانہء _دل میں سجائے بیٹھے ھیں

جنھوں نے اسم_محمدﷺ کو لکھ لیا دل پر
حقیقتوں کو وہی لوگ پائے بیٹھے ھیں

برس رہی ھے گھٹا رحمتوں کی پھر سر پر
ہمارے دل کے مکاں میں وہ آئے بیٹھے ھیں

اسی ہجوم کا حصہ ہوں شکر ھے رب کا
جو بار_ عشق خوشی سے اٹھائے بیٹھے ھیں

جنھیں اٹھا دیں وہ کوئی گرا نہیں سکتا
نہ اٹھ سکیں گے جنھیں وہ گرائے بیٹھے ھیں

تری طلب کے چراغوں سے اے شہ_ عالم
ہم آرزو کے مکاں کو سجائے بیٹھے ھیں

جزا میں ان کو ملی منزل_بقا جامی
وقار_ شاہ پہ وہ جو سر کٹائے بیٹھے ھیں
-----
جامی مصطفائی
​

 

سبحان اللہ جزاک اللہ