چالیس مختلف اقسام کا پھل دینے والا ایک درخت

شکاگو (نیوز ڈیسک) ایک امریکی پروفیسر نے کئی سالوں کی محنت کے بعد ایک ایسا درخت اگالیا ہے جو ایک سال کے دوران 40 مختلف اقسام کے پھل پیدا کرتا ہے۔ سیرا کیوز یونیورسٹی کے پروفیسر وان ایکن کو 2008ءمیں معلوم ہوا کہ نیویارک شہر میں قدیم درختوں کا ایک باغ فروخت کیا جارہا ہے۔ اس باغ میں گیری دار پھلوں کے قدیم نسل کے درخت تھے۔ پروفیسر ایکن نے یہ باغ خرید لیا اور قدیم نسل کے پھلدار درختوں کو بچانے کیلئے مختلف قسموں کو ایک ہی درخت پر پیوند کرنا شروع کردیا۔ پانچ سال کے عرصہ تک وہ مسلسل مختلف قسم کے درختوں کی شاخوں کو ایک درخت پر پیوند کرتا رہا جس کے نتیجہ میں ایک ایسا درخت تیار ہوگیا جو سال کے مختلف حصوں میں مختلف قسم کے پھل پیدا کرتا ہے۔ اس درخت پر اخروٹ، بادام، کاجو، پستہ، آلو بکارا، خوبانی، آڑو اور چیری سمیت 40 قسم کے پھل لگتے ہیں اور اس کے پھل اور پتے سرخ، گلابی، نارنجی، سفید، نیگلوں غرضیکہ درجنوں مختلف رنگوں کا ناقابل یقین حد تک حسین و متزاج پیش کرتے ہیں۔ پروفیسر ایکن اب تک اس قسم کے 16 درخت تیار کرچکے ہیں اور ان کا عزم ہے کہ قدیم نسل کے پھلوں کو محفوظ کرنے کیلئے وہ ایک پورا باغ تیار کریں۔
http://dailypakistan.com.pk/daily-bites/22-Jul-2014/125566

 

اگر ایسا ایک درخت صحن میں لگا لیں تو چالیس پھل گھر میں ہی ہو جائیں گے

 

ملتان میں آم کے باغوں میں آپ کو ایک سے زیادہ قسم کے آم دینے والے درخت مل جاتے ہیں۔ ایک ہی درخت پر چونسہ، لنگڑا اور انور رٹول آم لگے ہونا عام نظارہ ہے مگر چالیس قسم کے پھل واقعی کارنامہ ہے۔

 

آم کےایک درخت پر مختلف قسم کے آم بھی بہت بڑا کارنامہ ہے ۔ مجھے یہ آپ کی پوسٹ سے پتہ چلا ہے بہت شکریہ ۔

 

انکی کوالٹی یقینا اعلی ہو گی

 

جی آپ کی بات درست ہے ۔ اس میں کوئی شک نہیں ۔لیکن پیوند کاری تو صدیوں سے ہو رہی ہے ۔اور ملتان کے آم پوری دنیا میں پسند کئے جاتے ہیں اور ان کا مقابلہ کوئی اور آم نہیں کر سکتا ،یہ سب پیوندکاری سے ہی وجود میں آئے ہیں ۔چالیس پھل والا درخت بھی پیوندکاری سے وجود میں آیا ہے ۔اور اسے پیوند کاری کرنے والا ایک پروفیسر ہے ،جس نے کہیں سال پیوندکاری کر کے یہ درخت اتنے پھل دینے کے قابل بنایا ہے ۔کام تو انسان کرتا ہے لیکن
قدرت اچھے کام میں اسکی مدد کرتی ہے

 

زبردست معلومات ہیں۔
اور @غوری بھائی کی بات بھی قابل غور ہے۔
شکریہ پاکستانی جی

 

اس سلسلے میں حتمی بات تو کوئی ماہر نباتات ہی بتا سکتا ہے لیکن جس حد تک میں پیوندکاری کو سمجھتا ہوں یہ کوئی جینیٹک انجنیرنگ نہیں ہے بلکہ قدرتی طریقہ ہی ہے۔ فرق صرف اتنا ہے کہ دوسرا پھلدار درخت پہلے سے لگے ہوئے درخت میں سے خوارک اور پانی حاصل کرتا ہے۔ یعنی بنیادی درخت جوکہ زمین میں لگا ہوا ہے اس میں دوسرے درخت کو پیوند کیا جاتا اس طرح دوسرا درخت بنیادی درخت کی شاخ کے طور پر اگتا ہے۔
آپ کو یقیناً معلوم ہو گا کہ کینو اور مالٹا بھی اصل میں کھٹی کے درخت پر پیوند کیے جاتے ہیں۔
اس لیے میری رائے کے مطابق پیوند شدہ درخت کا پھل طبی طور پر کسی نقص یا بیماری کا موجب نہیں ہونا چاہیے۔ واللہ اعلم۔

 

پیوند کاری ایک درخت کی ٹہنی دوسرے درخت پر لگا کر بھی ہوتی ہے ۔بیری کی پیوند کاری ہوتی ہوئی میں نے دیکھی ہے ۔