پیار محبت اور عشق میں کیا فرق ہے ؟

السلام علیکم
دوستوں یہ مضمون میں نے ہلا گلا ڈوٹ کام پر لکھا تھا اب اسے کچھ تبدیلیوں کے ساتھ یہاں لکھ رہا ہوں ، امید ہے پسند آئے گا ۔
میری رائے سے اتفاق کرنا یا نہ کرنا ضروری نہیں ممکن ہے میں غلط ہی ہوں ۔

پیار محبت اور عشق میں کیا فرق ہے ؟​

سب سے پہلے تو میرے خیال میں ہمیں محبت کو سمجھ لینا چاہیے، عموما لوگ، پیار، محبت اور عشق کو ایک ہی چیز سمجھتے ہیں میں نے ’لکی‘ کی تھریڈ میں اِس پر بحث کی تھی مگر اب دوبارہ لکھ دیتا ہوں۔
پیار :۔
پیار انسان کی فطرت میں شامل ایک جزو ہے، بلکل اِسی طرح جس طرح سانس لینا، کھانا کھانا، پانی پینا، سونا، جاگنا، انسانی فطرت کے جزو ہیں، اِسی لیے ہم ہر انسان سے بحیثیت انسان پیار کرتے ہیں، ہم فطرت سے پیار کرتے ہیں، ہم اپنے دوستوں سے پیار کرتے ہیں، اپنے عزیزوں اور رشتے داروں سے پیار کرتے ہیں اپنے گھر والوں سے، ماں ،باپ، بھائی، بہن، بیوی بچوں سے پیار کرتے ہیں، اپنے گھر، گلی، گاؤں، شہر اور ملک سے پیار کرتے ہیں، اور جانوروں سے پیار کرتے ہیں ، یہ سب پیار کی مثالیں ہیں۔
محبت:۔
محبت بھی پیار ہی کی طرح ایک فطری جزبہ ہے مگریہ پیار سے کچھ بڑھا ہوا ہوتا ہے اِس میں ایک خاص بات ہے اور وہ یہ کہ یہ عموما صرف ایک شخص سے ہوتی ہے، مگر کبھی کبھی ایک سے زیادہ لوگ بھی اِس کی تحریک کا سبب بن جاتے ہیں مگر اِس کی خاصیت یہ ہے کہ اِس جزبے کا محرک شخص باقی سب لوگوں سے خاص ہو جاتا ہے، اور اِس کے لیے بھی کسی باہمی رشتے کی ضرورت نہیں ہوتی، عموما یہ مرد اور عورت کے درمیان ہوتی ہے مگر یہ ضروری نہیں یہ کسی کو کسی سے بھی ہوسکتی ہے، کوئی شخص اپنے ملک سے بھی محبت کر سکتا ہے، یعنی اُس کے لیے اپنا ملک باقی دنیا سے ممتاز ہوجاتا ہے منفرد ہو جاتا ہے ، ایک ماں کے دس بیٹے ہو سکتے ہیں مگر ممکن ہے اُن میں سے کسی ایک سے کچھ زیادہ انسنیت ہو جائے، وہ باقی بھائیوں کے مقابلے ماں کو زیادہ محبوب ہو جائے، دوستوں میں سے کسی دوست سے طبیعت زیادہ میلان کھاتی ہو، کسی کے پاس کئی جانور ہوں مگر ایک اُن مین سے کچھ زیادہ ہی پسند ہو، ایسی کئی مثالیں دی جاسکتی ہیں، مگر ہم اگر صرف مرد اور عورت کے درمیان ہونے والی محبت کا ذکر کریں تو بھی یہ اپنی خاصیت یونہی برقرار رکھتی ہیں، ایک محلے میں کئے خاندان رہتے ہیں اُن سب میں باہمی پیار ہمیشہ رہتا ہے مگر کسی نوجوان کو خاندان یا محلے کی کوئی لڑکی اچانک باقی لڑکیوں سے ممتاز لگنے لگے یا کسی کی کوئی ادا کوئی بات دوسروں سے منفرد لگنے لگے تو یہی محبت کی ابتداء ہے،اور یہی سب کچھ لڑکیوں کے ساتھ بھی ممکن ہے۔
میں یہاں اپنے ایک دوست کی مثال دونگااُسے اپنی ایک کزن کی صرف یہ بات اچھی لگی کہ اُس نے ہمارے دوست کو اپنے گھر آنے پر چائے پیش کی اور اُنہیں اُسکی چائے پیش کرنے کی ادا پسند آگئی جس کی سزا وہ آج اُنکی بیوی بن کر بھگت رہی ہیں۔
اب آتے ہیں عشق کی طرف !
عشق:۔
عشق اِن دونوں سے الگ ایک خوبصورت ترین جزبہ ہے، اور اِس کی خاص بات یہ ہے کہ یہ موحد ہوتا ہے، یعنی یہ جزبہ عمر بھر میں کسی ایک ہی ہستی کے لیے بیدار ہوتا ہے، یہ کبھی بھی ایک سے زیادہ لوگوں کے لیے نہیں ہوسکتا، البتہ اِس کی دو قسمیں ہیں۔
۱۔ عشق حقیقی
۲۔ عشق مجازی
اور دونوں کی ابتداء ہی دیوانگی ہے، اور انتہا فنا پر ختم ہوتی ہے،
عشق حقیقی :۔
انسانی جزبوں میں سب سے اعلی جزبہ ، سب سے مقدس ترین جزبہ، یہ عشق ذاتِ باری تعالی سے ہوتا ہے اور ہمارے پاس اِس کے کئی مثالیں ہیں، مگر میںہمیشہ صرف حضرت بلال ؓ کے عشق کی بات کرتا ہوں کہ اُمیہ بن خلف جلتے کویلوں پر لٹا کر سینے پر بھاری پتھر رکھ دیتا ہے مگر آپ ؓ کی زبان سے اُحد اُحد ہی جاری رہتا ہے۔
عشق مجازی :۔
عشق حقیقی کے بعد یہ جزبہ سب سے افضل ہے، کہ یہ ہوتا تو عشق ہی ہے مگر یہ مخلوق سے ہوتا ہے، اور اِس کی سب سے اعلی شکل خیر البشر ﷺ سے عشق کی شکل میں ہیں اور میں ہمیشہ اِس کی مثال میں بھی حضرت بلالؓ کا نام لیتا ہوں ، کہ یہ اُنکے عشق کی انتہا ہی تھی کہ آپ ﷺ نے اُنہیں اپنا مؤذن مقرر کیا تھا ۔
میرے خیال میں آپ دوستوں کو میرا موقف سمجھ آگیا ہو گا مگر میں ایک بار پھر واضع کرتا چلو کہ میری رائے کوئی حتمی بات نہیں اگر کسی دوست کا نظریہ اور دلائل مجھ سے بہتر ہوئے تو میں اپنی بات سے رجوع کر سکتا ہوں ۔

آصف احمد بھٹی​

 

جواب: پیار محبت اور عشق میں کیا فرق ہے ؟

جس کا نا ٹھیک بھی تمہیں ٹھیک لگے تو سمجھو تم کو اس سے پیار ہوگیا ہے

 

جواب: پیار محبت اور عشق میں کیا فرق ہے ؟

چاچا جی !‌ میرے پاس ہیں نہیں ورنہ میں آپ کو دے دیتا یقین کریں کہ آپ نے دس لاکھ بلکہ اس سے بھی کہیں زیادہ کی بات کی ہے ۔

 

جواب: پیار محبت اور عشق میں کیا فرق ہے ؟

کوئی بات نہیں پتر آپ کے پاس ہوں تو بھی کیاپرائے ہیں کیا

 

جواب: پیار محبت اور عشق میں کیا فرق ہے ؟

پیار محبت اور عشق میں لین دین کا کیا کام

 

جواب: پیار محبت اور عشق میں کیا فرق ہے ؟

پیار انسان کی فطرت ہے
محبت کچھ خاص ہوتی ہے
محبت میں جب انسان انتہا کو پہنچتا ہے وہ عشق ہوتا ہے

 

جواب: پیار محبت اور عشق میں کیا فرق ہے ؟

مختصر مگر جامع تشریع

 

جواب: پیار محبت اور عشق میں کیا فرق ہے ؟

:n_TYTYTY:

 

جواب: پیار محبت اور عشق میں کیا فرق ہے ؟

میرے خیال میں پیار مُحبّت عشق ایک ہی لڑی کے تین درجے ہیں
پیار جب بڑہتا ہے تو مُحبّت اور پھِر اِنتہائی درجے پر پُہنچ کرعشق ہو جاتا ہے
بے خطر کُود پڑا آتِشِ نمرُود میں عِشق
عقل تھی مِحوِ تماشا لبِ بام ابھی

 

جواب: پیار محبت اور عشق میں کیا فرق ہے ؟

غوری بھائی ! اور آپ سب احباب سے مودبانہ گزارش ہے کہ میں پیار محبت اور عشق کے بارے میں اپنے پچھلے تمام نظریات سے رجوع کر چکا ہوں ، اس لیے اوپر جو کچھ لکھ چکا ہوں اُسے کاٹا ہوا ہی سمجھیں ۔

 

جواب: پیار محبت اور عشق میں کیا فرق ہے ؟

جناب عالی !
بہت ہی آسان سی بات ہے ، میں پیار محبت اور عشق کے بارے میں اپنے ان تمام نظریات کو کہ جو میں اوپر لکھ چکا ہوں اب غلط تسلیم کر چکا ہوں ۔ اور ان سے رجوع کر چکا ہوں ، یعنی میں سمجھتا ہوں کہ اوپر جو کچھ میں نے لکھا تھا وہ سب غلط ہے ۔

 

جواب: پیار محبت اور عشق میں کیا فرق ہے ؟

جناب عالی ! کچھ وقت عنایت کریں ، فرصت ملتے ہی اپنا تبصرہ آپ کی نظر کرونگا ۔

 

جواب: پیار محبت اور عشق میں کیا فرق ہے ؟

محترم جناب غوری صاحب !
کیا :139: اس بے لگامی کے بعد میرے کچھ کہنے کی ضرورت رہی ہے ؟