پہلا ٹیسٹ: پاکستان کی سری لنکا کے خلاف بیٹنگ

پاکستان نے ٹاس جیت کر پہلے بیٹنگ کا فیصلہ کیا تھا لیکن جلد ہی اس کے دونوں ابتدائی بلے باز صرف 19 کے مجموعی اسکور پر آؤٹ ہو چکے تھے۔

پاکستان اور سری لنکا کے درمیان دو ٹیسٹ میچوں کی سیریز کا پہلا میچ بدھ کو گال میں کھیلا جارہا ہے۔
پاکستان نے ٹاس جیت کر پہلے بیٹنگ کا فیصلہ کیا تھا لیکن جلد ہی اس کے دونوں ابتدائی بلے باز صرف 19 کے مجموعی اسکور پر آؤٹ ہوچکے تھے۔
پہلی وکٹ احمد شہزاد کی گری جنہیں پراساد نے بولڈ کیا اور اس وقت پاکستان کا مجموعی اسکور صرف چار رنز تھا۔ دوسری وکٹ بھی پراساد کے حصے میں آئی جنہوں نے خرم منظور کو ایل بی ڈبلیو آؤٹ کیا۔
پہلے دن کھانے کے وقفے تک پاکستان کا اسکور تین وکٹوں پر 59 رنز تھا۔
تیسرے آؤٹ ہونے والے کھلاڑی اظہر علی تھے جنہیں ہیراتھ نے بولڈ کیا۔ انھوں نے 30 رنز بنائے۔
بارش کی وجہ سے یہ میچ تقریباً نصف گھنٹے کی تاخیر سے شروع ہوا تھا۔
پاکستانی ٹیم نے تقریباً سات ماہ سے کوئی ٹیسٹ میچ نہیں کھیلا ہے جب کہ سری لنکا کی ٹیم اس دوران ٹیسٹ میچوں کے علاوہ کرکٹ کے ایک روزہ اور ٹی ٹوئنٹی میچوں میں خاصی مصروف رہی ہے۔
اس ٹیسٹ سیریز کی ایک خاص بات یہ بھی ہے کہ سری لنکا کے سابق کپتان اور نامور بلے باز مہیلا جے وردنے کے کیرئیر کی یہ آخری ٹیسٹ سیریز ہے۔ وہ دوسرے ٹیسٹ میچ کے بعد ریٹائر ہو جائیں گے۔
ٹیسٹ کرکٹ کی عالمی درجہ بندی میں پاکستان تیسرے جب کہ سری لنکا چھٹے نمبر پر ہے۔
http://www.urduvoa.com/content/pakistan-sri-lanka-first-test-match/1972539.html