پہلا نعتیہ کلام---تخیل کو وضو دے کر لکھوں تیری ثنا مولا

تخیل کو وضو دے کر لکھوں تیری ثنا مولا

نہیں ممکن بیاں لیکن یہ ہے تیری عطا مولا

کہاں میں ابتدا لکھوں نہیں ممکن بیاں یہ بھی

جو میں سر کو جھکا دوں تو لکھوں خاک شفا مولا

ہے دیدہ تر کھلا دامن گناہوں س بھرا ہے دل

تیری جانب نظر اٹھے کروں جو التجا مولا

ملائک کل سلامی دیں نہ ہو تیری ثنا پھر بھی

کہاں اوصاف طیبہ کے گلی کی ابتدا مولا

میرے آقا کا یہ فرمان عالیشان آیا ہے

علی ہر اس کا مولا جس کا ہوگا مصطفی' مولا

جہاں تک سوچتا ہوں تو ہی تو اعلی' و اکرم ہے

تیری مدح کہ تو افضل ہوا بعد از خدا مولا

تیری مدح میں ہیں شامل ملائک لم یزل کے ساتھ

ہوا ہے حکم ہم کو بھی کرو صل علی' مولا

غلاموں کے غلاموں میں میرا بھی ذکر ہو جائے

میری بخشش میں یہ نسبت میرا ہے آسرا مولا

تیرا یہ طرز آقائی غلاموں کے بھرے کاسے

تجھی سے ہے جسے بھی جو جہاں میں ہے ملا مولا

دہائی ہے کہ محشر میں منادی ہو سنو لوگو

حسن کو مل گئی ہے جا پڑوس خاک پا مولا

حسن محمود جماعتی
(سننے کے لیے لنک ملاحظہ کریں)
https://soundcloud.com/hassan-mehmood-12/takhayul-ko-wuzo-dey-kr

 

میرے آقا کا یہ فرمان عالیشان آیا ہے
علی ہر اس کا مولا جس کا ہوگا مصطفی' مولا

سبحان اللہ ۔ محترم جماعتی صاحب۔ خوبصورت گلہائے عقیدت ہیں۔
اللہ کریم و رسول کریم کی بارگاہ میں قبولیت ہو۔ آمین

 

جزاک اللہ نعیم بھائی۔ نوازشات پر آپ کا شکریہ۔

 

سبحان اللہ ۔۔۔۔۔۔۔۔۔۔۔۔۔۔ بہت خوب