پُر لطف زندگی ہے مری لاجواب ہے ۔۔۔ سبحان الدین گل بخشالوی

پُر لطف زندگی ہے مری لاجواب ہے
مجھ پر مرے خدا کا کرم بے حساب ہے

رہتا ہے مرے دل میں خدا اور مصطفیٰﷺ
خوشبو مرے وجود میں مثلِ گلاب ہے

واحد تو لاشریک تری شان اے خدا
تیری تجلیات میں میرے جناب ہے

مٹی کے ہر وجود کو کیا کچھ نہیں عطا
یہ چاند ، کہکشاں یہ ترا آفتاب ہے

ارض وسما میں تو ہے تری شانِ کبریا
جینے کی ہر ادا کو عطا بھی نصاب ہے

اللہ تیری شان کو دیکھوں میں رات دن
کعبے کے ہر طواف میں گل کامیاب ہے
٭٭٭
گلستانِ نعتﷺ ۔۔ سبحان الدین گل بخشالوی​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ـ جزاک اللہ

 

اللہ تعالیٰ آپ کو بھی جزائے خیر عطا کرے آمین