پنجاب تے پنجابی

جواب: پنجاب تے پنجابی

محسن ندیم جی السلام علیکم ۔
پاکستان داپنجاب پاکستان دا سب توں وڈا صوبہ ہے
انڈیا دا پنجاب انڈیا دا سب توں وڈا صوبہ ہے سی پر اوس دے دو ٹوٹے کر دتے گئےنیں۔
اک دا ناں پنجاب تے دوجے دا ناں چندی گڑھ
ہن پاکستانی پنجاب دے وی ٹوٹے کرن دے مشورے ہو رہے نیں
پنجاب۔۔۔ فارسی دے دو لفظا ں دے ملاپ نال بنیاں اے۔
پنج آب
جہدا مطلب اے
پنج دریا
ستلج ۔ راوی ۔ چناب ۔ جہلم ۔ سندھ
امید اے جے سوال دا جوب مل گیا ہووے گا
والسلام۔۔۔۔۔۔۔۔۔۔۔۔۔۔۔۔۔۔۔۔۔

 

جواب: پنجاب تے پنجابی

محترم محسن ندیم جی ایہہ نقشہ تے ایس وچ دتی گئی ونڈ بہت پُرانی ایں
کوئی نواں نقشہ وی تے لبھ کے لیاؤ
ویسے ایس وچ وی بُہت معلومات ہین
کوئی نواں نقشہ لیاؤ تے باقی گل بات دا سواد آوے

 

جواب: پنجاب تے پنجابی

محسن ندیم جی السلام علیکم
جناب لہجیاں دی ونڈ لگ بھگ انج اے
ستلج توں چڑہدے پاسے۔۔۔پودھی۔ مالوی۔بھٹیانی۔تے باگڑی
ستلج تے بیاس دے وچکار۔۔۔۔۔بلاسری تے دوآبی
ستلج تے راوی دے وچکار۔۔۔۔ چھمبیالی۔کانگڑی ۔ ماجھی تے ٹکسالی
راوی تے چناب دے وچکار۔۔۔۔۔ ڈوگری۔ ڈرب۔ماجھی ۔ ٹکسالی۔شاہپوری۔جانگلی۔جھنگوچی۔ ملتانی
چناب تے جہلم دے وچکار۔۔۔۔۔۔پہاڑی۔ماجھی۔شاہپوری۔جانگلی ۔جھنگوچی
جہلم تے سندھ دے وچکار۔۔۔۔۔۔ چھناچھی۔پوٹھوہاری۔گھیبی۔دھنی۔جنڈالی۔شاہپوری۔تھلوچی۔چناوری۔ ملتانی
سندھ توں لہندے پاسے۔۔۔۔ ہندکو۔کوہاٹی۔جافری۔ملتانی۔ڈیری۔
تے بہاولپور دے نیڑے۔۔۔۔ ریاستی
جناب ہور کوئی حکم ؟

 

جواب: پنجاب تے پنجابی

الکرم جی !
بہت ودھیا گلاں دی دس پائی تساں!
معلومات ودھان دا شکریہ!

 

جواب: پنجاب تے پنجابی

محسن ندیم جی السلام علیکم
میں کوئی باقائیدہ اُستاد نئیں آں ۔
پر اک گل ضرور اے۔ اوہ ایہہ جے تساں مینوں اس پاسے لایا ۔تے چنگا لایا اے
بُہت چنگی گل اے ۔ میں وی چاہندا ہاں جے کوئی تے ہووے جہڑا دل دی ہواڑ کڈھے تے کڈھاوے
اس سلسلے نوں چلنا چاہی دا اے

 

جواب: پنجاب تے پنجابی

محسن ندیم جی السلام علیکم
جناب ایہہ شعر میاں محمد بخش جی ہوراں دا لکھیا ہویا اے
اتے پیر وارث شاہ ہوراں دا تھورا جیہا ویروا حاضر ہے
آپ جنڈیالہ شیر خان ضلع شیخوہ پورا وچ پیدا ہوئے
تاریخ پیدائش وچ اختلاف ہین زیادہ 1722 عیسوی منی جاندی اے
آپ دے والد گرامی دا ناں سید گل شیر ہے سی
آپ دا شجرہ تئیسویں پُشت وچ حضرت امام جعفر جی نال ملدا اے
بابا بُلھے شاہ جی تے پیر وارث شاہ جی دونویں ہم عصر نیں تے دوہاں نے اکو استاد
جناب غلام مُرتضٰی قصوری جی کولوں مڈھلی تعلیم حاصل کیتی۔
آپ جناب مخدوم جہاں جہانیاں دے مُرید ہوئے۔
آپ دا وصال 1790 وچ ہویا۔
آپ دا مزار جنڈیالہ شیر خان وچ اے۔
ہور جناب؟
والسلام۔۔۔۔۔۔۔۔۔۔۔۔۔۔

 

جواب: پنجاب تے پنجابی

الکرم جی بڑی ودھیا معلوماتی لڑی جے ۔ اینوں چلاؤ جیویں ایدے چلن دا حق اے ۔ میربانی تہاڈی

 

جواب: پنجاب تے پنجابی

جناب تہاڈا وی بہت شُکریہ۔ جے تسیں وی تشریف لیائے او
کُجھ حصہ پاو نا تسیں وی
اسیں ہن دو بندے ہی ایہنوں کیویں دھکا لاندے رہیے
ہور تے ایہدر آ ہی نہیں رہیا

 

جواب: پنجاب تے پنجابی

جی مبارک ہووے ایس فورم تے آؤن دی
تسیں آو تے سہی
ایہہ بعد وچ پتہ چلے گا کہ کؤن کہدے کولوں سوال کردا اے؟

 

جواب: پنجاب تے پنجابی

جناب محسن ندیم جی ہیر رانجھے دا قصہ یا واقع بالکل اصل حقیقت ہے
ایہہ وکھری گل اے جے واث شاہ ہوراں نے اوس نوں کہڑے رنگ وچ لکھیا اے
ایہہ گل سی سچی اے ۔ کردار وی سچے نیں تے اوہ تھانواں جو کہ وارث شاہ جی نے دسیاں نیں ٹھیک نیں
تھلے ہیر رانجھے دے اصل مزار دی وڈیو دے رہیاں واں جو کہ میں آپ وی ویکھ کے آیاں ہاں

 

جواب: پنجاب تے پنجابی

محسن ندیم جی اج اک سوال میرا تہاڈے کولوں
تسیں تصوف بارے کی کُجھ جاندے او ؟
محسن ندیم جی قصہ ہیر رانجھا نوں
اک درویش فقیر تصوف نال نئیں جوڑے گا تے کیہ کرے گا
کیوں جے درویش عشقِ حقیقی دا پرچارک ہوندا اے۔ عشقِ مجازی دا نئیں
انڈیا دی فلم نالوں تسیں پاکستانی فلم ہیر انجھا ویکھو جو کہ قصہ ہیر وار شاہ دے بُہت نیڑے ہے !
تاشقند فلمی میلے وچ اس فلم نوں بہت واہ واہ ملی سی

 

جواب: پنجاب تے پنجابی

محسن ندیم جی اوہ فلم میں‌وی ویکھی اے
پر مینوں وی اک گل سمجھ نئیں آئی
اوہ ایہہ جے حاکمِ وقت ساز تے ناچ گانے تے پابندی لاندا اے۔
وارث شاہ ہوراں دے مُرشد نوں‌پھڑ لیا جاندا اے
تے اک پاسے بُلھے شاہ ہوریں اوسے دؤر وچ کنجراں نال رل کے اپنے مُرشد نوں مناون لئی گھُنگرو بنھ کے نچدے وی نیں تے گاندے وی نیں۔
ایس فرق دا اجے تک میرے کولوں نکھیڑ نئیں ہویا

تے دوجی گل
ہیر رانجھے دی گل پہلاں وی مشہور سی اوس دا ثبوت ایہہ ہے کہ وارث شاہ ہوراں توں پہلاں وی
ہیر لکھی گئی ۔
پر جے چنگی تے ڈاہڈی شُہرت دی گل کریے تے اوہ وارث شاہ ہوراں توں بعد ہی ایس قصّے نوں ملی اے

 

جواب: پنجاب تے پنجابی

محسن ندیم جی جے ذرا جیہا غؤر کردے تے ایس سوال دا خیال ہی نہ آوندا
پہلی گل ہے کہ عشقَ‌حقیقی دی پہلی پؤہڑی عشقِ مجازی اے ۔جے کوئی عشقِ مجازی نوں نہ سمجھدا ہووے اوہنےعشقِ حقیقی نوں کیہ جاننا اے۔ اک بات تے خیال کرنا، اوہ ایہہ کہ عشق تے ہوس وچ زمین آسمان دا فرق اے، اس واسطے عشقِ مجازی نوں ہوس دے معنیاں وچ نئیں لینا۔
دوجی گل۔۔۔ وارث شاہ ہوراں فرمایا اے
وارث شاہ اوہ سدا ای جیوندے نیں جنہاں کیتیاں نیک کمائیاں نیں۔
تے میاں رانجھ ہوراں کولوں کجھ گلاں کرامت والیاں بھی دسیاں گئیاں نیں
تیجی گل ایہہ مزار اوتھے بنیاں اے جہڑا کہ ہیر دی برادری دا علاقہ اے
جے ایہناں وچ کجھ زور نہ ہوندا تے کیہ اوہ لوک ایہہ مزار بنن دیندے سن۔ تے مزار وی دوہاں دا اکٹھا، تے اک ہی قبر۔
تیجی گل ۔۔۔۔۔ ایناں کجھ ہون تے وی اوہناں نوں رحمتُ اللہ علیہ کوئی نئیں لکھدا
میری اینی گل کرن دا مقصد ایہہ جے کہ
اوہ کجھ کجھ فقیر لوک ثابت ہوئے سن
باقی گلاں فیر
رب راکھا

 

جواب: پنجاب تے پنجابی

محسن ندیم جی ۔ السلام علیکم ۔
جناب سسٹم گڑ بڑ کر رہیا اے اس لئی میں کافی غیر حاضریاں کر گیا واں
ہن کُجھ ٹھیک ہویا اے تے حاضر ہو گیا واں
جناب سیف ولملوک وچ جناں پریاں زنگی سگ سر تے باقی ہور جتنے وی عجیب مخلوقات
دسی گئی اے اوہ سبھ کُجھ جسم تے روح ، آخرت ، حیاتی تے حیاتی وچ آون والیاں مشکلاں
دکھ سکھ ۔ تے ایہو جہیاں ہور گلاں لئی استعارے دے طؤر تے ورتیاں گئیاں نیں
ایہناں دا حقیقت نال کوئی جوڑ نئیں ۔
واسلام۔۔۔۔۔

 

جواب: پنجاب تے پنجابی

فیصل سادات جی بڑی مہربانی تُہاڈی