پلٹ جانا کوئی مشکل نہیں تھا

پلٹ جانا کوئی مشکل نہیں تھا
مرا ہی واپسی کا دل نہیں تھا

متاعِ زیست لاحاصل نہیں تھا
ولے پانے کے میں قابل نہیں تھا

وہ چھریاں دھار جس پر ہو رہیں تھیں
میرا ہی دل تھا کوئی سل نہیں تھا

کھلا بابِ جنوں جب مجھ پہ یارو
مراتب کوئی مستقبل نہیں تھا

مریضِ عشق ہونے تک سنا ہے
ادھوری ذات تھا کامل نہیں تھا

مجھے غرقاب تھا از حد ضروری
وگرنہ زیست کے قابل نہیں تھا

میں پیاسا تھا مگر ہونٹوں سے محروم
سمندرتھا مگر ساحل نہیں تھا

نہ دو الزام بھنورے کو علی تم
وہ ہرگز پھول کا قاتل نہیں تھا

 

بہت عمدہ جناب

 

بہت عمدہ

 

بہت شکریہ احباب