پسندیدہ پنجابی شاعری

ربّ
ربّ اِک گُنجھلدار بُجھارت
ربّ اِک گورکھ دھندہ
کھولن لگیاں پیچ ایس دے
کافر ہو جائے بندہ
کافر ہونوں در کے جیویں
کھوجوں مُول نہ کھُنجیں
لائی لگ مومن دے نالوں
کھوجی کافر چنگا


تیری کھوج وچ عقل دے کھنبھ جھڑ گئے

تیری بھال وچ تھوتھا خیال ہوئیا

لکھاں اُنگلاں گُنجھلاں کھول تھکیاں

تیری زُلف دا سِدھا نہ وال ہوئیا

گھگّی بَجھ گئی سنکھاں دِی رو رو کے

پِٹ پِٹ کے چُور گھڑیال ہوئیا

چِیک چِیک کے قلم دی جیبھ پاٹی

اجے حل نہ تیرا سوال ہوئیا

تیری سِک کوئی سجری سِک تاں نئیں

ایہہ چروکنی گلے دا ہار ہوئی

ایہہ اُدوکنی،جدوں دا بُت بنیا

نالے دل دی مٹی تیار ہوئی

تیرے ہِجر وچ کسے نے کن پاڑے

اتے کسے نے جٹاں ودھائیاں نیں

بُوہے مار کے کسے نے چِلّے کٹے

کسے رڑے تے راتاں لنگھائیاں نیں

کوئی لمکیا کھوہ دے وچ پُٹھا

اتے کسے نے دھونیاں تائیاں نیں

تیرے عاشقاں نے لکھاں جتن کیتے

پر تُوں مونہہ توں زُلفاں نہ چائیاں نیں

تیری سِک دے کئی تہائےمر گئے

اجے تیک نہ وصل دا جُرعہ لبھا

لکھاں سسیاں مر گئیاں تھلاں اندر

تیری ڈاچی دا اجے نہ کُھرا لبھا

کسے پُھل قران دا پاٹھ کیتا

کسے دل دا پتّرا کھولیا وِے

کسے نیناں دے ساگر ہنگال مارے

کسے ہِک دا کھُونجا پھرولیا وے

کسے گلھاں دے دیوے دی لو تھلے

تینوں زُلفاں دی رات وچ ٹو لیا وے

رو رو کے دنیا نے راہ پائے

پر توں ہس کے اجے نہ بولیا وے

دیدے کلنج مارے تیرے عاشقاں نیں

اجے اتھرو تینوں نہ پوہے کوئی

تیری سونہہ کُجھ رون دا مزہ ای نئیں

پُونجھن والا جے کول نہ ہوئے کوئی

تیری مانگ دی سڑک تے پیا جیہڑا

اُس نوں حِیلیاں نال پرتائیا تُوں

حِرصاں، دولتاں، حُسناں، حکومتاں دا

اوس دے راہ وِچ چوگا کھِنڈایا تُوں

کسے قیس نُوں لگّا جے عِشق تیرا

اُس نُوں لَیلیٰ دا لِیلا بنایا تُوں

کسے رانجھے نُوں چڑھیا جے چاء تیرا

اُس نُوں ہیر دِی سیجے سوائیا تُوں

ساڈے ہنجواں کیتا نہ نرم تینوں

ساڈی آہ نے کیتا نہ چھیک تینوں

اسیں سڑ گئے وچھوڑے دی اگ اندر

لاگے وسدیاں آیا نہ سیک تینوں

کسے چھنّاں بنایا جے کھوپڑی دا

توں بُلیاں نال چھوہائیاں نہ

کسے دل دا رانگلا پلنگ ڈاہیا

تیرے ناز نوں نیندراں آئیاں نہ

کسے جُتیاں سیتیاں چم دیاں

تیری بے پرواہی نے پائیاں نہ

رگڑ رگڑ کے متھے چٹاخ پِے گئے

اجے رحمتاں تیریاں چھائیاں نہ

مار سُٹیا تیریاں روسیاں نیں

پُھوک سُٹیا بے پرواہی تیری

لے کے جان توں اجے نہ گُھنڈ چایا

خبرے ہور کیہ اے مُنہ وِکھائی تیری

جے تُوں مونہہ توں زُلفاں ہٹا دیویں

بِٹ بِٹ تکدا کُل سنسار رہ جائے

رہ جائے بھائی دے ہتھ وِچ سنکھ پھڑیا

بانگ مُلّاں دے سنگھ وِچکار رہ جائے

پنڈت ہوراں دا رہ جائے سندھور گھُلیا

جام صُوفی دا ہویا تیار رہ جائے

قلم ڈیہہ پئے ہتھوں فلاسفر دی

مُنکر تکدا تیری نُہار رہ جائے

اک گھڑی جے کُھلا دیدار دے دئیں

ساڈا نِت دا ریڑکا چُک جاوے

تیری زُلف دا سانجھا پیار ہووے

جھگڑا مندر مسیت دا مُک جاوے
​

 

جواب: پسندیدہ پنجابی شاعری

آیاں نال اشتاب اتاولے دے لیکے پریاں دے وانگ اڈاریاں نی
اک دوئی نوں آکهدی چلو آڑیو کرو ہیر دے نال تیاریاں نی
چلو ہیر دے نال اُٹھ چلیے نی لئے وچ دریا دے تاریان نی
جیہڑا هیر دی سیج تے نظر آوے اونہوں مار کرئے رلّ کے ساریاں نی
نگاھ ٹیہڈڑی ویکھ کے پھٹ سٹن نین تکهڑے تیز کٹاریاں نی
اکو جیڈیاں حسن گمان سندر وچ عمر دے خاص مٹیاریاں نی
نین شربتی کاتیاں سوئن چڑیاں عطر بھنیاں پریم پیاریاں نی
پنچھی ڈهین آسماندے زمیں اُتے سن کے جهانجراں دیاں چهنکاریاں نی
ہتهیں پکڑ کے کانیاں شاھ پریاں دوروں کردیاں ماروماریاں نی
نیڑے انکے کڑکیاں وانگ بدلی نیڑے آن هویاں ٹوونے ہاریاں نی
مکھ کھول دکهائیکے پُٹ سٹن لہو پیندیاں پریم پیاریاں نی
وارثشاھ جهبیل تے گُڑ اوٹھا ہتهیں چابکاں دیاں ہتھیاریاں نی
​

 

جواب: پسندیدہ پنجابی شاعری

میں ویسے وی سب توں کم عمر ممبر آں فورم دا اس لئی نا راض ہوون دا سوال ای پیدا نئیں‌ہوندا
کوشش کراں گا کہ پنجابی لکھنی آ جائے

 

جواب: پسندیدہ پنجابی شاعری

چھوٹیاں چھوٹیاں گلّاں اتّے
اَینویں نہ تو لَڑیا کر
ایڈیاں سوہنیاں اَکھاں دے وِچ
ہنجو نہ تو بھریا کر
جیہڑے کَم نئیں تیرے چَندا
تُو اوہ کَم نہ کریا کر​

طارق عزیز

 

جواب: پسندیدہ پنجابی شاعری

ٹھنڈے برف وجوداں اندر بندے
شل پے جاندے نیں
کدی کدی تے کوڑے رشتے
اپنے گل پے جاندے نیں
اپنیاں گنجھلاں کھولن لگیا
بہتے ول پے جاندے نیں​

 

جواب: پسندیدہ پنجابی شاعری

کراں دے ہے نہیں‌ ،،،:rona:

 

جواب: پسندیدہ پنجابی شاعری

​

 

جواب: پسندیدہ پنجابی شاعری

پتا نہیں کدوں‌کراو گے

 

جواب: پسندیدہ پنجابی شاعری

او وی خوب دیہاڑے سن
بھک لگدی سی
منگ لیندے ساں۔
مل جاندا سی
کھا لیندے ساں۔
نئیں ملدا سی
تےرو پیندے ساں۔
روندے روندے سو ں رہندے ساں۔

ایہہ وی خوب دیہاڑے نیں
بھگ لگدی اے
منگ نئیں سکدے
ملدا اے تے
کھا نئیں سکدے۔
نئیں ملدا تے
رو نئیں سکدے۔
ناں روئیے تے سوں نئیں سکدے۔

۔۔۔۔منو بھائی ​

 

جواب: پسندیدہ پنجابی شاعری

​

 

جے کوئی میرے جیہا ملے تاں
اوس نال پیار ودھاویں ناں
اوس دے درد ونڈھاویں ناں
اوس نوں اِنج تڑفاویں ناں
اوّل میرے جیہے کسے نال
پیار دی پینگ ودھاندے نئیں
جے تقدیریں اکھ لڑ جاوے
فیر او اکھ چروندے نئیں
ساری حیاتی اوس بندے نوں
اپنے دلوں بھلاؤندے نئی ​

​

۔۔ طارق عزیز ۔۔​

 

خالص مکھن دودھ مکھانے کتھے گئے
باسمتی دے چول پرانے کتھےگئے


کاٹھے گنے دیسی دانے کتھے گئے
تندرستی دےضامن کھانے کتھےگئے

وید . حکیم. دناء سیانے کتھے گئے
کرماں والے بیبےرانے کتھےگئے

خالص مرچ تے خالص ہلدی کتھے گئی
اینی چینی اینی جلدی کتھے گئی



جیہڑی دال سی چھیتی گلدی کتھے گئی
روپ جوانی ڈھلدی ڈھلدی کتھےگئی

مجرم پھڑن والے ٹھانے کتھے گئے
کرماں والے بیبے رانے کتھےگئے

ہویا ایڈا گھپ ہنیرا دس دا نیئں
اپنی منزل اپناڈیرا دس دانیئں


سجن متر تیرامیرا دس دا نیئں
بتی والا کوئی بنیرا دس دانیئں​

​

مہر محبت پیار پرانے کتھے گئے
کرماں والےبیبے رانے کتھےگئے

​

 

بہت ودھیا کلام اے بھائی جان رب سوہنا تہاڈے زوق نوں سلامت رکھے