پسندیدہ غزلیات، نظمیات

بہت خوب۔ سب کی غزلیں اور پسند بہت اچھی ہے
لیکن نعیم صاحب والا کلام میرا بھی پسندیدہ ہے۔ فراز نے خوب لکھا اور لتا نے بہت ہی خوب گایا ہے۔

میری پسند کی ایک غزل حاضر ہے :

آج جانے کی ضد نہ کرو
یونہی پہلو میں بیٹھے رہو۔
ہائے مر جائیں گے
ہم تو لٹ جائیں گے
ایسی باتیں کیا نہ کرو
آج جانے کی ضد نہ کرو

تم ہی سوچو ذرا کیوں نہ روکیں تمھیں
جان جاتی ہے جب اٹھ کے جاتے ہو تم
تم کو اپنی قسم جانِ جاں
بات اتنی میری مان لو
آج جانے کی ضد نہ کرو
یونہی پہلو میں بیٹھے رہو

وقت کی قید میں زندگی ہے مگر
چند گھڑیاں یہی ہیں جو آزاد ہیں
ان کو کھو کر میری جانِ جاں
عمر بھر نہ ترستے رہو
آج جانے کی ضد نہ کرو
ہائے مر جائیں گے
ہم تو مٹ جائیں گے
ایسی باتیں کیا نہ کرو

کتنا معصوم رنگین ہے یہ سماں
حسن اور عشق کی آج معراج ہے
کل کی کس کو خبر جانِ جاں
روک لو آج کی رات کو
آج جانے کی ضد نہ کرو
یونہی پہلو میں بیٹھے رہو
آج جانے کی ضد نہ کرو

 

بہت خوب زاہرا جی۔ بہت Touchy قسم کی غزل ہے۔

 

تیری خوشبو نہیں ملتی

زاہرا اسے حبیب ولی محمد نے گایا بھی ہے نا، آپ نے سنا ہے ان کی آواز میں، نوشی کی ایک غزل جس کا ایک شعر دوسری لڑی میں لکھا ہے ہم نے، پوری غزل یہاں لکھ دیتے ہیں

تری خوشبو نہیں ملتی، ترا لہجہ نہیں ملتا
ہمیں تو شہر میں کوئی ترے جیسا نہیں ملتا

یہ کیسی دھند میں ہم تم سفر آغاز کر بیٹھے
تمہیں آنکھیں نہیں ملتیں ہمیں چہرا نہیں ملتا

زمانے کو قرینے سے وہ اپنے ساتھ رکھتا ہے
مگر میرے لیے اس کو کوئی لمحہ نہیں ملتا

مسافت میں دعائے ابر ان کا ساتھ دیتی ہے
جنہیں صحرا کے دامن میں کوئی دریا نہیں ملتا
ٕ
جہاں ظلمت رگوں میں اپنے پنجے گاڑ دیتی ہے
اُسی تاریک رستے پر دیا جلتا نہیں ملت​

ا

 

ندیم بھائی ! بہت لطف آیا کلام پڑھ کر۔ بہت خوب

وہ جانتا ہے رسم و رہِ دنیا نبھانا بھی
فقط ہم سے مل پانا اسے اچھا نہیں لگتا​

 

میں‌کب کہتا ہوں کہ وہ اچھا بہت ہے
مگر اس نے مجھے چاہا بہت ہے

خدا اس شہر کو محفوظ رکھے
یہ بچوں کی طرح ہنستا بہت ہے

میں ہر لمحے میں صدیاں‌دیکھتا ہوں
تمہارے ساتھ اک لمحہ بہت ہے

میرا دل بارشوں میں پھول جیسا
یہ بچہ رات میں روتا بہت ہے

وہ اب لاکھوں دلوں‌سے کھیلتا ہے
مجھے پہچان لے اتنا بہت ہے

(ڈاکٹر بشیر بدر)

 

ناصر کاظمی کی غزل

اپنی دُھن میں رہتا ہوں
میں بھی تیرے جیسا ہوں

او پچھلی رت کے ساتھی
اب کے برس میں تنہا ہوں

اپنی لہر ہے اپنا روگ
دریا ہوں اور پیاسا ہوں

تیری گلی میں سارا دن
دکھ کے کنکر چنتا ہوں

مجھ سے آنکھ ملائے کون
میں تیرا آئینہ ہوں

تو جیون کی بھری گلی
میں جنگل کا رستہ ہوں

آتی رت مجھ روئے گی
جاتی رت کا جھونکا ہوں

(ناصر کاظمی)​

 

میں تیرے تن کا کپڑا ہوں

بہت خوب نعیم بھائی، ناصر کی یہ غزل ہماری پسندیدہ غزلوں میں سے ہے، ہمیں دو اشعار یاد آئے ہیں، ٹھیک سے تو یاد نہیں مگر لگتا ہے اسی غزل سے ہیں یہ بھی

تیرے سوا مجھے پہنے کون
میں تیرے تن کا کپڑا ہوں
میرا دیا جلائے کون
میں تیرا خالی کمرا ہوں​

 

میرا قاتل ہی میرا منصف ہے

آدمی آدمی کو کیا دے گا
جو بھی دے گا وہی خدا دے گا
میرا قاتل ہی میرا منصف ہے
کیا میرے حق میں فیصلہ دے گا
زندگی کو قریب سے دیکھو
اس کا چہرا تمہیں رلادے گا
ہم سے پوچھو نہ دوستی کا صلہ
دشمنوں کا بھی دل ہلا دے گا
عشق کا زہر پی لیا فاکر
اب مسیحا بھی کیا دوا دے گا​

ا

 

محبت ترک کی میں نے

واہ بہت خوب ہے

اُن کا آنا ہی نظر آتا ہے مجھ کو دشوار
موت کا کیا ہے، وہ آ جائے گی آسانی سے

ہم نے سوچا آج کچھ نیا کیا جائے، ساحر لدھیانوی کی ایک غزل ہماری آواز میں سنیئے، اپنی قوت سماعت اور برداشت کا امتحان لیجیئے
http://www.geocities.com/prince_of_oceans/mohabat.rm

 

لتا جی کی گائی ہوئی ایک پسندیدہ غزل حاضر ہے
لتا جی کی گائی ہوئی ایک پسندیدہ غزل

دھواں بنا کے فضا میں اُڑا دیا مجھ کو
میں جل رہا تھا کسی نے بجھا دیا مجھ کو

کھڑا ہوں آج بھی روٹی کے چار حرف لیے
سوال یہ ہے کتابوں نے کیا دیا مجھ کو؟

سفید سنگ کی چادر لپیٹ کر مجھ پر
فصیلِ شہر میں کس نے لگا دیا مجھ کو؟

میں ایک ذرہ بلندی کو چھونے نکلا تھا
ہوا نے دھم سے زمیں پر گِرا دیا مجھ کو​

 

ماشاء اللہ ندیم بھائی بہت پیاری آواز ہے۔ آپ کو تو ریڈیو اناؤنسر ہونا چاہیے تھا۔ بہت اچھی آواز، خوبصورت لہجہ اور ادائیگی بھرپور دسترس۔ واہ بھئی واہ

 

محبت ہو بھی سکتی ہے

پگھل پتھر بھی سکتے ہیں
الٹ دریا بھی سکتا ھے
کوئی آوارہ سا پنچھی
پلٹ کر آ بھی سکتا ھے
کہ جو شب مجھ پر ہنستی ھے
وہی شب رو بھی سکتی ھے
محبت ھو بھی سکتی ھے

 

خوبصورت

نعیم بھائی یہ غزل تو ہمیں بھی بہت پسند ہے، بہت اچھا انتخاب ہے، یوں تو لتا نے بہت سی غزلیں گائی ہیں اور بہت اچھی گائی ہیں مگر یہ اور ‘اے دل ناداں‘ ہمیں زیادہ پسند ہیں۔

 

شکریہ ندیم بھائی ! آپ نے لتا جی کی گائی ہوئی یہ غزل بھی یقیناً سن رکھی ہو گی

آنکھ سے دور نہ ہو دل سے اتر جائے گا
وقت کا کیا ہے گذرتا ہے گذر جائے گا

اتنا مانوس نہ ہو خلوتِ غم سے اپنی
تو کبھی خود کو بھی دیکھےگا تو ڈرجائےگا

زندگی تیری عطا ہے تو یہ جانے والا
تیری بخشش تیری دہلیز پہ دھر جائے گا

اب تو کہتا ہے کہ موت آئی تو مر جاؤں گا
مر کے بھی چین نہ آیا تو کدھر جائے گا​

 

احمد فراز

جی نعیم بھائی سنی ہے، احمد فراز کی لکھی ہوئی ہے نہ، اور اس کے بارے میں کیا خیال ہے

اے دلِ ناداں آرزو کیا ہے جستجو کیا ہے
اے دلِ ناداں آرزو کیا ہے جستجو کیا ہے

ہم بھٹکتے ہیں، کیوں بھٹکتے ہیں دشت و صحرا میں
ایسا لگتا ہے موج پیاسی ہے اپنے دریا میں
کیسی الجھن ہے، کیوں الجھن ہے
ایک سایہ سا روبرو کیا ہے

کیا قیامت ہے، کیا مصیبت ہے
کہہ نہیں سکتے کس کا ارماں ہے
زندگی جیسے کھوئی کھوئی ہے حیراں حیراں ہے
یہ زمیں چپ ہے، آسماں چپ ہے
پھر یہ دھڑکن سی چار سو کیا ہے​

 

واہ ندیم بھائی۔۔ بہت عمدہ کلام ہے

 

سب نے بہت اچھی نظمیں اور غزلیں لکھیں
ندیم صاحب ہم نے آپ کی آواز میں غزل سنی بہت اچھی ہے اور لہجہ بھی کمال پایا ہے ہمیں بہت پسند آئی

 

شکریہ

کومل جی آپ کو غزل اچھی لگی، شکریہ، جیوسٹیز پر کچھ اور وائس کلپس بھی ہیں، وہ بھی آپ سے شیئر کر لیں کہ نہیں، فیصلہ نہیں کر پا رہے، وہ کیا ہے نہ کہ کچھ عجیب سا لگتا ہے۔

 

عجیب لگتا ہے تو مت شئیر کریں۔۔۔۔۔۔۔۔۔۔

وہ قیامت ہو ستارہ ہو کہ دل
کچھ نہ کچھ ہجر میں ٹوٹے تو سہی

ہم وہیں خود کو بسا لیں گے
وہ کبھی راہ میں روکے تو سہی

سب سے ہٹ کر ہی منانا ہے اسے
ہم سے اک بار وہ روٹھے تو سہی

دل اسی وقت سنبھل جائے گا
دل کا احوال وہ پوچھے تو سہی

اس کی نفرت بھی محبت ہو گی
میرے بارے میں وہ سوچے تو سہی

اس کے قدموں میں بچھا دوں آنکھیں
میری بستی سے وہ گزرے تو سہی

اس کے سب جھوٹ بھی سچ ہیں محسن
شرط اتنی ہے وہ بولے تو سہی

 

آنکھیں

عجیب سا تو لگتا ہے مگر آپ دوستوں کو پہلی غزل پسند آئی اور ہمیں آپ کی خوشی عزیز ہے تو ایک اور لنک پوسٹ کرتے ہیں، ساحر ہی کی ایک نظم، برداشت کیجئے

http://www.geocities.com/prince_of_oceans/aankhein.rm

لاحاصل آپ نے بہت خوبصورت غزل پوسٹ کی ہے، اچھی لگی

 

بہت خوب ندیم بھائی !
بارِ دیگر آپ کی دلکش آواز سن کر بہت اچھا لگا۔

 

اپنا دل پیش کروں

بہت شکریہ عبدالجبار بھائی، محبت ہے آپ کی ورنہ آواز تو بس یونہی ہے، ساحر لدھیانوی کی ہی ایک اور نظم آپ کے لیے
http://www.geocities.com/prince_of_oceans/dil.rm

 

عبد الجبار بھائی ! واپسی مبارک۔
خوشی ہوئی آپ کو یہاں دیکھ کر۔ ماشاءاللہ کیسے ہیں اب آپ ؟
اور ہاں آپکی غزل اچھی ہے۔

ندیم بھائی ! آپ کی پیاری آواز میں ایک اور غزل سن کر اچھا لگا۔

 

تجھے بھی جانچتے اپنا بھی امتحان کرتے
کہیں چراغ جلاتے کہیں دھواں کرتے

سفینہ ڈوب رہاتھا تو کیوں نہ یاد آیا
تری طلب، ترے ارماں کو بادباں کرتے

ہوا تھی تیز، جلاتے رہے دلوں کے چراغ
کٹی ہے عمر، لہو اپنا رائیگاں کرتے

وہ بے جہت کا سفر تھا، سوادِ شام نہ صبح
کہاں پہ رکتے، کہاں یادِ رفتگاں کرتے

دیارِ خواب میں ٹھہرے، حصارِ گل میں رہے
مگر یہ غم ہی رہا خود کو شادماں‌کرتے

(مظہر امام)​

 

بہت خوب واصف بھائی !
اب ذرا نانا پاٹیکر کے لہجے میں سنا بھی دیں نا

 

یہ نانے نواسے کی کیا بات چھیڑ دی آپ نے!