پسندیدہ غزلیات، نظمیات

سودا ہمارے سر میں تجھے چاہنے کا تھا
عہدِ شروعِ عشق بھی کس معرکے کا تھا

محرومِ پیش رفت رہے ہم سے خوش خرام
دشتِ زیاں میں اپنا سفر دائرے میں تھا

پیمائشِ سفر نے کئے حوصلے تمام
ہر سنگِ میل، سنگ مرے راستے کا تھا

میں خود پہ ہنس رہا تھا زمانے کے ساتھ ساتھ
وہ مرحلہ بھی عشق میں کس حوصلے کا تھا !

سن کر ہماری بات یہ کیا حال کر لیا ؟؟؟
تم رو پڑے ؟ یہ وقت دعا مانگنے کا تھا

نکلی تھی مدتوں میں‌ملاقات کی سبیل
تشنہ کہو یہ کون سا موقع گِلے کا تھا

(عالمتاب تشنہ)​

 

:

 

:

(ساری غزل ہی قابلِ تعریف ہے)

 

اتار لفظوں کا اک ذخیرہ غزل کو تازہ خیال دے دے
خود اپنی شہرت پہ رشک آئے سخن میں ایسا کمال دے دے

ستارے تسخیر کرنے والا پڑوسیوں سے بھی بے خبر ہے
اگر یہی ہے عروج آدم تو پھر ہمیں تو زوال دے دے

تری طرف سے جواب آئے نہ آئے پرواہ نہیں ہے اس کی
یہی بہت ہے کہ ہم کو یا رب! تو صرف اذن سوال دے دے

ہماری آنکھوں سے اشک ٹپکیں ، لبوں پہ مسکان دوڑتی ہو
جو ہم نے پہلے کبھی نہ پایا ، تو اب کے ایسا ملال دے دے

کبھی تمھارے قریب رہ کر بھی دوریوں کے عذاب جھیلیں
کبھی کبھی یہ تمھاری فرقت بھی ہم کو لطف وصال دے دے

تیمور حسن تیمور​

 

بہن جی ۔ آپ کی ارسال کردہ غزل بہت عمدہ ہے

 

بہت خوب۔ کیا غضب کا شعر ہے۔ بہت عمدہ


آنٹی مرزا جی ۔ آپ کی غزل بھی بہت اچھی ہے۔

 

شکریہ برادر بھیا۔

غزل تو تیمور حسن کی ہے ۔ داد ان کو دیجیئے

 

فیض احمد فیض کی ایک غزل حاضر ہے

موت اپنی، نہ عمل اپنا، نہ جینا اپنا
کھو گیا شورشِ گیتی میں قرینہ اپنا

ناخدا دور، ہوا تیز، قریں کامِ نہنگ
وقت ہے پھینک دے لہروں میں سفینہ اپنا

عرصہء دہر کے ہنگامے تہِ خواب سہی
گرم رکھ آتشِ پیکار سے سینہ اپنا

ساقیا ! رنج نہ کر جاگ اٹھے گی محفل
اور کچھ دیر اٹھا رکھتے ہیں پینا اپنا

بیش قیمت ہیں یہ غم ہائے محبت مت بھول
ظلمتِ یاس کو مت سونپ خزینہ اپنا

(فیض احمد فیض)​

 

فیض احمدفیض کی تو بات ہی کیا ہے! بہت اچھا انتخاب ہے!

 

درد اپناتا ہے پرائے کون
کون سنتا ہے اورسنائےکون

کون دہرائے وہ پرانی باتیں
غم ابھی سویاہےجگائے کون

وہ جو اپنےہیں کیاوہ اپنےہیں
کون دکھ جھیلے، آزمائے کون

اب سکوں ہے تو بھلانے میں ہے
لیکن اس ہرجائی کو بھلائے کون

آج پھر دل ہے کچھ اداس اداس
دیکھئے آج یاد آئے کون

(جاوید اختر)​

 

اک تیرے جانے سے

اک تیرے آنے سے
چاند بھی چمکتا تھا
چاندنی رواں تھی

اک تیرے جانے سے
چاند بھی بجھا ہے
چاندنی دھواں ہے

 

آپ کا انتخاب بہت اچھا لگا زاہرا بی بی!

 

وہ کیا ہوتے ہیں پر تم ان کو کیا سے کیا سمجھتی ہو
کہ جو بھی ہنس کے مل لے اسے اپنا سمجھتی ہو

محبت کے سفر میں ساتھ رکھو ہم سفر کوئی
وہ اک گہرا سمندر ہے جسے رستہ سمجھتی ہو

چلو ہم مان لیتے ہیں کہ ملنا شرط ہی کب تھی
مگرتم فاصلوں کو بھی کوئی رشتہ سمجھتی ہو

اداسی تم پہ آ جائے تو اس جانب نظر کرنا
جہاں پر کوئی بیٹھا ہو جسے اپنا سمجھتی ہو

تم اس کی ذات کا حصہ تم اس کی سوچ کا محور
تمھارا جسم ہے وہ تم جسے سایہ سمجھتی ہو

نہیں آنسو بہانا تم اگر وہ یاد آئے بھی
تمھارے ساتھ ہے وہ خود کو کیوں تنہا سمجھتی ہو

پلٹ کے دیکھنا تو جاگتے موسم کی ہر رت میں
تمھیں وہ ہی ملے گا جس کو تم پیارا سمجھتی ہو

تری تنہائیوں کو بانٹنے والا وہی اک ہے
جسے ہاشم جو کہتی ہو تو ہاشو سا سمجھتی ہو

ہاشم رضا​

 

باجی جی ۔ غزل تو اچھی ہے۔

لیکن مقطع کیا مزاحیہ شاعری کا ہے ؟؟؟

 

مجھ کو یقیں ہے سچ کہتی تھیں جو بھی امی کہتی تھیں
جب میرے بچپن کے دن تھے چاند میں پریاں رہتی تھیں

ایک یہ دن جب اپنوں نے بھی ہم سے ناطہ توڑ لیا
ایک وہ دن جب پیڑ کی شاخیں بوجھ ہمارا سہتی تھیں

ایک یہ دن جب ساری سڑکیں روٹھی روٹھی لگتی ہیں
ایک وہ دن جب آؤ کھیلیں ساری گلیاں کہتی تھیں

ایک یہ دن جب جاگی راتیں دیواروں کو تکتی ہیں
ایک وہ دن جب شاموں کی بھی پلکیں بوجھل رہتی تھیں

ایک یہ دن جب ذہن میں ساری عیاری کی باتیں ہیں
ایک وہ دن جب دل میں بھولی بھالی باتیں رہتی تھیں

ایک یہ دن جب لاکھوں غم اور کال پڑا ہے آنسو کا
ایک وہ دن جب ایک ذرا سی بات پہ ندیاں بہتی تھیں

ایک یہ گھر جس گھر میں میرا ساز و ساماں رہتا ہے
ایک وہ گھر جس گھر میں میری بوڑھی نانی رہتی تھیں

جاوید اختر​

 

مسز مرزا جی،
کیا بات ھے جاوید آختر صاحب کی،!!!!!!

 

نعیم نے لکھا ہے۔۔۔۔۔

یہ مزاحیہ شاعری نہیں :evil:

تیری دادی کا نواسہ ہے تیری نانی کا پوتا ہے
جسے نعیم بھائی تو کہتی ہو مگر احمق سمجھتی ہو!!

مسز مرزا​

ہاں اس کو آپ شائید کہہ سکتے ہیں

 

شکریہ بہن جی۔ ہم دونوں کے ایک دوسرے کے بارے میں خیالات کتنے ملتے ہیں

 

بہت خوب ہارون رشید بھائی ۔ بہت عمدہ انتخاب کلام ہے

 

جب تیرا حکم ملا ترکِ محبت کر دی
دل مگر اس پہ وہ رویا کہ قیامت کردی

تجھ سے کس طرح میں اظہارِ تمنا کرتا
لفظ سوچا تو معانی نے بغاوت کر دی

میں توسمجھاتھاکہ لوٹ آتےہیں جانےوالے
تو نے جاکر توجدائی میری قسمت کردی

مجھ کو دشمن کے ارادوں پہ بھی پیارآتاہے
تیری الفت نے محبت میری عادت کردی

کیا ترا جسم تیرے حُسن کی حدّت میں جلا؟
راکھ ! کس نے تری سونے کی سی رنگت کردی؟


(احمد ندیم قاسمی)​

 

ہارون بھائی ۔ آپکی سہہ حرفی مصرعہ کی نظم پڑھ کر بہت لطف آیا۔ ماشاءاللہ

 

کیوں نہ سمجھا تو دل کی بات میری
کٹ ہی جاے گی غم کی رات میری

ساتھ اپنے رہے گی تنہائی
زندگی میں یہی ہے مات میری

تم سی بچھڑی تو زندگی بچھڑی
بن تمہارے نہیں حیات میری

بن تیرے ذندگی میں کچھ بھی نہیں
ایک تو ہی ہے کائنات میری

دل یہ کہتا ہے نور لوٹ آو
کاش سن لے کبھی وہ بات میری

 

مرنے کی دعائین کیوں مانگوں جینے کی تمنا کون کرے
یہ دنیا ہو یا وہ دنیا اب خواہش دنیا کون کرے

جب کشتی ثابت و سالم تھی ساحل کی تمنا کس کو تھی
اب ایسی شکستہ کشتی پر ساحل کی تمنا کون کرے

جو آگ لگائی تھی تم نے اسکو بجھایا اشکوں نے
جو اشکوں نے بھڑکائی ہے اس آگ کو ٹھنڈا کون کرے

دنیا نے ہمیں چھوڑا جذبی ہم چھوڑ نہ دیں کیوں دنیا کو
دنیا کو سمجھ کر بیٹھے ہیں اب دنیا دنیا کون کرے

 

ابتدائے عشق سے روتا ہے کیا
آگے آگے دیکھیئے ہوتا ہے کیا

قافلے میں صبح کے اک شور ہے
یعنی غافل ہم چلے سوتا ہے کیا

سبز ہوتی ہی نہیں یہ سر زمیں
خواہش دل میں تو بوتا ہے کیا

یہ نشان عشق ہیں جاتے نہیں
داغ چھاتی کے عبث دھوتا ہے کیا

غیرت یوسف ہے یہ وقت عزیز
میر اس کو رائگاں کھوتا ہے کیا

میر تقی میر​

 

باجی جی ۔ یہ میری پسندیدہ غزلوں میں سے ہے لیکن پہلا مصرعہ کچھ یوں‌ہے

ابتدائے عشق ہے روتا ہے کیا​

‌