پری سیزن کیمپ ،قومی بلے بازوں کی ماربل سلیب پرپریکٹس

پری سیزن کیمپ ،قومی بلے بازوں کی ماربل سلیب پرپریکٹس

قذافی سٹیڈیم پرفیلڈنگ کوچ گرانٹ بریڈبرن نے شارپ کیچز کی خصوصی ٹریننگ کرائی
لاہور(سپورٹس رپورٹر) پری سیزن کنڈیشننگ کیمپ میں قومی کھلاڑیوں کی ٹریننگ کا سلسلہ جاری ہے۔ بورڈ ترجمان کے مطابق بدھ کی سہ پہر کھلاڑیوں نے قذافی سٹیڈیم پر ٹریننگ سیشن کے دوران کیمپ کمانڈنٹ مصباح الحق کیساتھ اپنی کارکردگی کو بہتر بنانے پر دھیان دیا ۔ فیلڈنگ کوچ گرانٹ بریڈبرن نے کھلاڑیوں کو شارپ کیچز کی خصوصی پریکٹس کرائی ۔ اس موقع پرامام الحق، حارث سہیل ، شان مسعود اور عثمان شنواری خاصے متحرک نظر آئے ۔ اظہر محمود،عابد علی اور دیگر بیٹسمینوں کی بیٹنگ میں خامیوں کو دور کرنے پر بھی توجہ دی گئی۔ بیٹنگ سیشن کے دوران روایتی وکٹ کے علاوہ ماربل سلیب پر بھی کھلاڑی مسلسل پریکٹس کرتے رہے تاکہ ٹائمنگ اورفٹ ورک بہتر ہو سکے ۔​