1. اس فورم پر جواب بھیجنے کے لیے آپ کا صارف بننا ضروری ہے۔ اگر آپ ہماری اردو کے صارف ہیں تو لاگ ان کریں۔

پاکستان کبڈی ورلڈ کپ جیت کر عالمی چیمپئن بن گیا، بھارتی ٹیم چاروں شانے چت

'کھیل کے میدان' میں موضوعات آغاز کردہ از intelligent086, ‏17 فروری 2020۔

  1. intelligent086
    آف لائن

    intelligent086 ممبر

    شمولیت:
    ‏28 اپریل 2013
    پیغامات:
    3,935
    موصول پسندیدگیاں:
    578
    ملک کا جھنڈا:
    پاکستان کبڈی ورلڈ کپ جیت کر عالمی چیمپئن بن گیا، بھارتی ٹیم چاروں شانے چت
    Kabbadi1.jpg
    پاکستان نے کبڈی ورلڈ کپ 2020ء کے فائنل میں روایتی حریف بھارت کو سنسنی خیز مقابلے کے بعد شکست دے کر پہلی مرتبہ چمپیئن بننے کا اعزاز حاصل کر لیا ہے۔

    اتوار کو کبڈی ورلڈ کپ کے فائنل میں روایتی حریفوں پاکستان اور بھارت کے درمیان معرکہ آرائی ہوئی۔ دونوں جانب سے سخت زور آزمائی کی گئی تاہم پاکستانی پہلوانوں کا پلہ بھاری رہا۔انہوں نے بھارتی پہلوانوں کو چاروں شانے چت کر دیا۔ کھیل ختم ہونے سے ایک منٹ قبل تک پاکستان نے مزید پوائنٹس حاصل کیے جس پر پاکستان کا سکور 43 اور بھارت کا 39 ہوگیا۔
    پاکستان کو پوائنٹس ملنے پر بھارتی پہلوان رونے لگے اور محض ایک منٹ رہ جانے پر بھارتی آفیشلز میدان میں آگئے اور اپنے کھلاڑیوں کو میدان چھوڑنے کا کہہ دیا۔
    بھارتی ٹیم نے ایک پوائنٹ پر اعتراض کیا اور کھیل کو گندا کرنے کی روایت برقرار رکھتے ہوئے ورلڈ کپ 2014ء اور ایشیا کپ 2016ء کی تاریخ دہرا دی، تاہم بھارتی اعتراضات کام نہ آسکے۔ کھیل ختم ہونے تک پاکستان کا سکور 43 اور بھارت کا سکور 41 رہا۔
    Kabbadi2.jpg
    چیرمین سینیٹ صادق سنجرانی نے قومی کبڈی ٹیم کو ورلڈ کپ جیتنے پر مبارکباد پیش کی ہے۔ اپنے تہینتی پیغام میں صادق سنجرانی نے کہا کہ قومی کبڈی ٹیم نے فائنل میں بھارت کے خلاف شاندار کھیل پیش کیا۔ امید ہے ٹیم آئندہ بھی ایسی فتوحات کا سلسلہ جاری رکھے گی۔ پاکستان کھیلوں کے لیے پرامن ملک ہے۔ امید ہے دیگر غیر ملکی ٹیمیں بھی جلد پاکستان کا دورہ کریں گی۔
    خیبر پختونخوا کے وزیراعلیٰ محمود خان نے بھی کبڈی ورلڈ کپ جیتنے پر پاکستان ٹیم کو مبارکباد پیش کی۔ ان کا کہنا تھا کہ کھیلوں کی دنیا میں کھلاڑی پاکستان کا نام روشن کرینگے۔ ہم نے کھیلوں کے فروغ کے لئے صوبائی اور قومی سطح پر بہتری کے اقدامات تیز کیے ہیں۔ وہ دن دور نہیں جب پاکستان سپورٹس کی دنیا میں سب سے آگے ہوگا۔ ملک اور صوبے میں بین الاقوامی کھیلوں کے مقابلے منعقد کرائینگے۔
    خیال رہے کہ گذشتہ روز پہلے سیمی فائنل میں دفاعی چیمپئن بھارت نے آسٹریلیا کو ٹف مقابلے کے بعد بیالیس، بتیس سے پچھاڑ دیا تھا۔ دوسرے میچ میں میزبان پاکستان نے ایران کو تیس کے مقابلے میں باون پوائنٹس سے ہرا کر آؤٹ کیا۔
    کبڈی ورلڈ کپ کے فائنل میچ کے موقع پر پنجاب پولیس کی جانب سے سکیورٹی کا سخت انتظام دیا گیا تھا۔ 5 ہزار سے زائد پولیس اہلکار سکیورٹی پر مامور تھے جبکہ سی سی ٹی وی کیمروں کی مدد سے ٹیم روٹ اور سٹیڈیم کی کڑی نگرانی کی گئی۔
    وزیر خارجہ مخدوم شاہ محمود قریشی نے بھی ‏کبڈی ورلڈ کپ جیتنے پر ٹیم اور پوری قوم کو مبارکباد دیتے ہوئے کہا ہے کہ فائنل میں بھارت کو شکست دے کر ورلڈ کپ میں کامیابی قوم کے لئے تحفہ ہے۔ کامیابی پر تمام کھلاڑی اور ٹیم مینجمنٹ مبارکباد کی مستحق ہے۔ پاکستانی کھلاڑیوں نے بہت عمدہ کھیل پیش کیا۔ کامیابی پر پوری قوم کو مبارکباد پیش کرتا ہوں۔
    آرمی چیف جنرل قمر جاوید باجوہ نے کبڈی ورلڈ کپ جیتنے پر قومی ٹیم کو مبارکباد کرتے ہوئے کہا ہے کہ تمام ٹیموں نے عمدہ کھیل پیش کیا۔ بریکنگ فائنل مقابلے میں کھیل کا معیار بہت عمدہ تھا۔ فائنل کھیلنے والی دونوں ٹیموں نے بہترین کھیل پیش کیا۔
     

اس صفحے کو مشتہر کریں