پاکستان بنگلہ دیش وومن کرکٹ سیریز کا شیڈول جاری

پاکستان بنگلہ دیش وومن کرکٹ سیریز کا شیڈول جاری

پاکستان اور بنگلہ دیش کی وومن کرکٹ سیریز کا شیڈول جاری کر دیا گیا، ٹائیگرز کی ویمن ٹیم 3 ٹی ٹونٹی اور 2 ایک روزہ میچز کھیلے گی۔

دنیا نیوز کے مطابق پاکستان میں کرکٹ کی بحالی کے لیے پی سی بی سر توڑ کر کوششیں کر رہا ہے، متوقع دورہ سری لنکا آئندہ ماہ ہو گا جس کے بعد بنگلہ دیش کی وومن ٹیم پاکستان کا دورہ کرے گی اور سونے میدان آباد کرے گی، اسی پر پی سی بی کی طرف سے بنگلہ دیشی وومن ٹیم کے دورہ کا شیڈول جاری کر دیا گیا ہے، اس دورے کے دوران مہمان ٹیم تین ٹی ٹونٹی اور دو ایک روزہ میچز پر مشتمل سیریز کھیلے گی، یہ تمام میچز قذافی سٹیڈیم لاہور میں ہونگے۔شیڈول کے مطابق وومن کرکٹ سیریز 26 اکتوبر سے 4 نومبر تک کھیلی جائے گی، سیریز کا پہلا ٹی ٹونٹی میچ 26 اکتوبر کو کھیلا جائے گا، دوسرا میچ 28 اور تیسرا 30 اکتوبر کو قذافی سٹیڈیم لاہور میں ہو گا۔

مزید برآں دونوں ٹیموں کے درمیان پہلا ایک روزہ میچ 2 نومبر اور دوسرا 4 نومبر کو کھیلا جائے گا، مہمان ٹیم 23 اکتوبر کو پاکستان پہنچے گی۔​