پارلیمنٹ لاجز میں بدکاری، شراب نوشی اور چرس جیسی غیراخلاقی سرگرمیوں کا انکشاف

پارلیمنٹ لاجز میں غیراخلاقی سرگرمیوں کا انکشاف ​

’پارلیمنٹ لاجز میں غیراخلاقی سرگرمیاں ہوتی ہیں۔ یہاں شراب اور چرس کا دھندا ہوتا ہے اور باہر سے لڑکیاں لائی جاتی ہیں‘: جمشید دستی​

کراچی — پاکستان کے ایوان زیریں میں آزاد رکن اسمبلی کی حیثیت رکھنے والے جمشید دستی نے الزام لگایا ہے کہ پارلیمنٹ لاجز میں غیراخلاقی سرگرمیاں ہوتی ہیں، یہاں شراب اور چرس کا دھندا ہوتا ہے اور باہر سے لڑکیاں لائی جاتی ہیں۔

جمشید دستی نے یہ الزامات جمعرات کو قومی اسمبلی میں اظہار خیال کے دوران لگائے، جنہیں سن کا قومی اسمبلی میں ہلچل مچ گئی، جبکہ ایک اور رکن اسمبلی نبیل گبول نے اقرار کیا کہ انہیں بھی اس بات کا علم ہے کہ لاجز میں باہر سے لڑکیاں لائی جاتی ہیں، وہ خود اس بات کے عینی شاہد ہیں۔

جمشید دستی کا یہ بھی کہنا تھا کہ پارلیمانی لاجز ہر سال چار سے پانچ کروڑ روپے کی شراب آتی ہے، جبکہ لاجز میں مجرے بھی عام ہیں۔

انہوں نے اسپیکر سے کہا کہ وہ الزامات کی تصدیق کے لئے سی سی ٹی وی فوٹیج دیکھیں، جبکہ وہ مزید ثبوت بھی سامنے لانے کو تیار ہیں۔ انہوں نے مطالبہ کیا کہ اراکینِ پارلیمنٹ کا میڈیکل ٹیسٹ کرایا جائے، تاکہ حقائق سامنے آ سکیں۔

بحوالہ خبر
اُن کا کہنا تھا کہ موجودہ حکومت نے برسرا قتدار آتے ہی پارلیمنٹ لاجز کے سیکورٹی سسٹم کو فعال بنا دیا تھا۔ لاجز میں سی سی ٹی وی کیمرے نصب ہیں، جبکہ گزشتہ ایک ماہ کی فوٹیج بھی ریکارڈ پر موجود ہے۔

اسپیکر نے کہا کہ جمشید دستی ثبوت دیں۔ بقول اُن کے،’ اگر اُن کے الزامات درست ہوئے تو ملزمان کے خلاف سخت کارروائی کی جائے گی، بصورتِ دیگر جمشید دستی کو دی جانے والی سزا کا فیصلہ ایوان کرے گا‘۔

 

حتی کہ سپیکر نے بھی پارلیمنٹ میں تقریر کے دوران جمشید دستی کا مائیک بند کرکے کہا تھا کہ " دستی صاحب ! آپ کو زیادہ مسئلہ تھا تو " معزز ایوان " کی بجائے میرے چیمبر میں آکر ذاتی طور پر مجھے بتا دیتے "

 

نبیل گبول نے اقرار کیا کہ انہیں بھی اس بات کا علم ہے کہ لاجز میں باہر سے لڑکیاں لائی جاتی ہیں، وہ خود اس بات کے عینی شاہد ہیں۔


اس خبر سے یہ بھی تاثر ملتا ہے کہ شاید پارلیمنٹیرین دلالی کے مرتکب تو نہیں ہورہے ورنہ یہ معرکے تو قائدعوام اور شیر پنجاب نے بھی بہت انجام دیئے ہیں (خاموشی سے)۔​

 

ثبوت اکٹھے کرنا کوئی مشکل کام نہیں۔ بلکہ بعض ٹی وی چینلز پر ایسے کلپس ہیں جس میں دستی نے پارلیمنٹ لاونجز کے احاطے سے دیسی و ولایتی شراب کی خالی بوتلیں جمع کرنے کی ویڈیوز بنائی ہوئی ہیں۔ دیکھیں اب اونٹ کس کروٹ بیٹھتا ہے۔

لیکن شاید ہمیں یاد ہو لانگ مارچ جنوری 2013 میں ڈاکٹر طاہرالقادری کے مطالبے کے مطابق اگر الیکشن کمیشن آرٹیکل 62-63 پر عملداری کو یقینی بنا دیتا تو یہ شرابی و بدکار لوگ اسمبلی تک پہنچ ہی نہ پاتے۔ لیکن سپریم کورٹ کی چیف جسٹس سمیت ہر ادارے نے الیکشن کمیشن کو تحفظ دیا۔
اب بھی اگر آئین کے تحت ان اراکین پارلیمنٹ کو پرکھا جائے تو شاید الا ماشاءاللہ 80-90 فیصد ویسے ہی اسمبلی سے باہر نکال کر جیلوں میں بٹھادیے جانے کے قابل ہیں۔

 

تحریر نظر نہیں آرہی

 

سماع ٹی وی کو پچھلے ہفتے انٹرویو میں ڈاکٹرطاہرالقادری نے بتایا تھا کہ
سوئس بنکوں میں صرف آصف زرداری ہی نہیں بلکہ موجودہ حکمرانوں سمیت دیگر بہت سے کرپٹ سیاستدانوں اور ایک بہت بڑے "مولانا" کا بھی سرمایہ جمع ہے

 

اکیلا چنا پہاڑ نہیں پھوڑ سکتا۔

برائی اپنی انتہاء پر پہنچنے کے بعد بہت بھیانک طریقے سے ختم ہوتی ہے۔

ہمارے وطن عزیز میں برائی اس قدر عام ہوگئی ہے کہ اپنی ہیئت ہی کھو بیٹھی ہے اس کا خاتمہ بآسانی نہیں ہوگا۔

چونکہ برائی کو فروغ دینے میں عالمی طاقتیں ملوث ہیں چنانچہ یہی عالمی طاقتیں جب آمنے سامنے آئیں گی تبھی کوئی اچھائی متوقع ہوسکتی ہے۔
​

 

9سی ڈیز اور دیگر شواہد دیدئیے‘ سپیکر نے ذمہ داروں کے خلاف کارروائی کا وعدہ کر لیا: جمشید دستی
04 مارچ 2014

​

اسلام آباد (نوائے وقت رپورٹ) رکن قومی اسمبلی جمشید دستی نے پارلیمنٹ لاجز میں غیر اخلاقی سرگرمیوں کے مبینہ ثبوت سپیکر قومی اسمبلی کو پیش کر دیئے۔ نجی ٹی وی سے گفتگو میں جمشید دستی کا کہنا ہے سپیکر نے تحقیقات اور ذمہ داروں کے خلاف کارروائی کا وعدہ کیا ہے۔ انہوں نے کہا اس معاملے کو اٹھانے کا مقصد کسی کی تضحیک نہیں تھا تحقیقات میں سامنے آ جائے گا کہ کون کون ملوث ہے۔ پکڑے جانے والوں کو کس نے چھڑایا؟۔ ایک وفاقی وزیر اور سابق خاتون ایم این پر الزامات کے حوالے سے جمشید دستی نے کہا وہ صرف ان کے رشتے کی وضاحت چاہتے ہیں۔ پارلیمنٹ لاجز میں کافی لوگ دوسرے کے نام پر الاٹ کمروں میں رہ رہے ہیں۔ انہوں نے کہا ثبوت پیش کر کے میں نے تنقید کرنے والوں کو چپ کرا دیا ہے۔ انہوں نے کہا سپیکر کو 9 سی ڈیز اور کچھ دیگر شواہد دیئے ہیں۔ سپیکر نے ثبوتوں کا جائزہ لینے کی یقین دہانی کرائی ہے میرا کام برائی کی نشاندہی کرنا ہے۔ سرکاری رہائش ایک خاتون کے زیر استعمال ہونے کی نشاندہی کی ہے۔ خواجہ آصف اور کشمالہ طارق سے کوئی ذاتی جھگڑا نہیں۔ تحقیقات میں سامنے آ جائے گا کون کون ملوث ہے۔ پارلیمنٹ لاجز میں کافی لوگ غیر الاٹ شدہ کمروں میں رہتے ہیں۔

بشکریہ نوائے وقت

 

اللہ نہ کرے کوئی کیچڑ اچھلے اور کچھ دامن داغ دار ہوکر ظاہر ہوں۔
برائی کی جڑیں کہاں کہاں پہنچ چکی ہیں کہ بڑے بڑے بھی محفوظ نہیں رہے۔

استغفراللہ ربی من کل ذنب واتوب الیہ

 

جب سے پاکستان بنا ہے ہم پر حکمران مسلط کئے جاتے رہے ہیں۔

انتخابات صرف ایک ظاہری کاروائی ہے جس میں لوگ اپنے قیمتی ووٹ کو ایمان داری سے کاسٹ کرتے ہیں مگر نتیجہ بنانے والی مشینری (بیوروکریسی یا استعمار کا عطا کردہ نظام) کے تحت کامیاب وہی قرار پاتا ہے جس کا ووٹ طاقتور ممالک کی طرف ہو۔