ویسٹرن سٹروم نے ویمنز کرکٹ سپر لیگ کا ٹائٹل جیت لیا

ویسٹرن سٹروم نے ویمنز کرکٹ سپر لیگ کا ٹائٹل جیت لیا

فائنل میں سدرن وائپرز کو 6 وکٹوں سے ہرا یا،ہیتھر نائٹ میچ کی بہترین پلیئر قرار
لندن (سپورٹس ڈیسک)ویسٹرن سٹروم نے ویمنز کرکٹ سپر لیگ کا ٹائٹل جیت لیا۔ فائنل میں ویسٹرن سٹروم نے سدرن وائپرز کو 6 وکٹوں سے ہرا کر ٹائٹل اپنے نام کیا۔ ہیتھر نائٹ کو 78 رنز کی دلکش اننگز کھیلنے پر میچ کی بہترین پلیئر قرار دیا گیا۔ ہوو میں کھیلے گئے ٹورنامنٹ کے فائنل میں سدرن وائپرز نے پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 172 رنز بنائے ۔ ڈینئل وائٹ نے 73 رنز کی عمدہ اننگز کھیلی، اینا شربسول نے دو کھلاڑیوں کو آؤٹ کیا۔ جواب میں ویسٹرن سٹروم نے مطلوبہ ہدف کپتان ہیتھر نائٹ کی جارحانہ بیٹنگ کی بدولت 19 اوورز میں 4 وکٹوں کے نقصان پر حاصل کر لیا۔​