وہ تیرگی کو اجالا خیال کرتے ہیں ۔بلال رشید

وہ تیرگی کو اجالا خیال کرتے ہیں
ترے سوا جو کسی سے سوال کرتے ہیں
ہے زکر مشرق و مغرب میں تیرا ہی جاری
تری ہی حمد جنوب و شمال کرتے ہیں
جو صرف کرتے ہیں حمد و ثنا پہ اپنا سخن
سخن وری سے وہ شاعر کمال کرتے ہیں
بروز حشر وہ انعام تجھ سے پائیں گے
سدا جو تیری ثنا ذوالجلال کرتے ہیں
خدا کی حمد و ثنا ذکر اور جہاد و نماز
کہ جو بھی کرتے ہیں ہم لا زوال کرتے ہیں
خدا سے عشق و محبت کے باب میں ہم تو
ادب سے پیش نبی کی مثال کرتے ہیں
ردائے لطف و کرم ہم پہ تان دیتا ہے
بیان اس سے جو ہم اپنا حال کرتے ہیں
اسی کے لطف و کرم کا یہ سلسلہ ہے بلال
جو حمد کہنے کی ہم بھی مجال کرتے ہیں
یہ اس کریم و مکرم کی آپ پر شفقت
جو حمد آپ خدا کی بلال کرتے ہیں
----
بلال رشید

​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین