وفور شوق کی حسرت ، مرے سرکار کی چوکھٹ ۔۔محمد عارف القادری چشتی ربانی

وفور شوق کی حسرت ، مرے سرکار کی چوکھٹ*
*خیال و فکر کی ندرت ، مرے سرکار کی چوکھٹ*

*جہاں والوں کی چوکھٹ سب کی نظروں میں گراتی ہے*
*عطا کرتی ہے بس رفعت مرے سرکار کی چوکھٹ*

*مری فکر و نظر کے زاویے ہیں صرف طیبہ تک*
*مرے احساس کی دولت ، مرے سرکار کی چوکھٹ*

*جبین شوق میں میری بھی ، اک سجدہ مچلتا ہے*
*ادا کرلوں جو دے مہلت مرے سرکار کی چوکھٹ*

*میں طیبہ سے، یہ کہتا ، بادل ناخواستہ ، لوٹا*
*رلائیگی تری فرقت ، مرے سرکار کی چوکھٹ*

*اسی چوکھٹ کی خاطر اہل دل کے دل دھڑکتے ہیں*
*یہی ہے باعث الفت مرے سرکار کی چوکھٹ*

*لپٹ کر خوب رونا جاکے عارف اور یوں کہنا*
*مجھے ہرگز نہ دے رخصت مرے سرکار کی چوکھٹ*
--------
*نتیجہء فکر*
*رضاکار۔ محمد عارف القادری چشتی ربانی*
بزم اردو اساتذہ کا 65/واں مشاعرہ برائے نعتﷺ
مورخہ۲۵/صفر المظفر ۱۴۴۱
مطابق25/اکتوبر 2019​

 

*مری فکر و نظر کے زاویے ہیں صرف طیبہ تک*
*مرے احساس کی دولت ، مرے سرکار کی چوکھٹ*​

 

اسی چوکھٹ کی خاطر اہل دل کے دل دھڑکتے ہیں*
*یہی ہے باعث الفت مرے سرکار کی چوکھٹ​

 

سبحان اللہ جزاک اللہ

​

 

اللہ تعالٰی آپ کو بھی جزائے خیر عطا کرے آمین

​