وجدان پسندیدہ شاعری %امجد اسلام امجد%

غزل

منظر کے اردگرد بھی اور آرپار دُھند
آئی کہاں سے آنکھ میں یہ بےشمار دُھند


کیسے نہ اُس کا سارا سفر رائیگاں رہے
جس کاروانِ شوق کی ہے راہگزار دُھند


ہے یہ جو ماہ و سال کا میلہ لگا ہوا
کرتی ہے اس میں چھپ کر مرا انتظار دُھند


آنکھیں وہ بزم، جس کا نشاں ڈولتے چراغ
دل وہ چمن کہ جس کا ہے رنگِ بہار دُھند


کمرے میں میرے غم کے سوا اور کچھ نہیں
کھڑکی سے جھانکتی ہے کسے بار بار دُھند


فردوسِ گوش ٹھہرا ہے مبہم سا کوئی شور
نظارگی کا شہر میں ہے اعتبار ، دُھند


ناٹک میں جیسے بکھرے ہوں کردار جابجا
امجد فضائے جاں میں ہے یوں بےقرار دُھند

 

جواب: وجدان پسندیدہ شاعری %امجد اسلام امجد%

کمرے میں میرے غم کے سوا اور کچھ نہیں
کھڑکی سے جھانکتی ہے کسے بار بار دُھند

وجدان جی عمدہ شاعری ارسال کی :flor: :wow: :222:

 

جواب: وجدان پسندیدہ شاعری %امجد اسلام امجد%

السلام علیکم
بہت اچھی شاعری شیئر کی ہیں آ پ نے

 

جواب: وجدان پسندیدہ شاعری %امجد اسلام امجد%

آپ نے اچھی شاعری ارسال کی شکریہ