واجب ہے خدا کی حمد و ثناء سبحان اللہ سبحان اللہ ۔بلال رشید

واجب ہے خدا کی حمد و ثناء سبحان اللہ سبحان اللہ
لازم ہے کہیں ہم صبح و مسا سبحان اللہ سبحان اللہ
معبود بھی وہ مسجود بھی وہ ہے ہر دل میں موجود بھی وہ
ہے کون ہمارا اس کے سوا سبحان اللہ سبحان اللہ
سب پر ہے کرم یکساں اس کا ہے وہ ہی فقط دینے والا
نہیں اس کے سوا کوئی داتا سبحان اللہ سبحان اللہ
جو اس سے آس لگاتے ہیں وہ اپنی مرادیں پاتے ہیں
ہے وہ ہی فقیروں کا ملجا سبحان اللہ سبحان اللہ
جو اس کی حقیقت جان گیا پھر وہ نہ کبھی دردر بھٹکا
ہے اس سے تعلق ہی سچا سبحان اللہ سبحان اللہ
رحمن رحیم و کریم ہے وہ عالم ہے خبیر و علیم ہے وہ
ہے اپنی صفات میں وہ یکتا سبحان اللہ سبحان اللہ
ہے وہ ہی بلال مرا مولا نہیں اس کے سوا کوئی آقا
ہے پاس مرے سب اس کا دیا سبحان اللہ سبحان اللہ
----
بلال رشید

​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین