نہیں کسی کو بھی میرا خیال قسمت ہے

نہیں کسی کو بھی میرا خیال قسمت ہے
اجڑنے کا مرے دل کو ملال قسمت ہے

کبھی وہ لوٹ کے آئے کبھی چلا جائے
محبتوں میں عروج و زوال قسمت ہے

کبھی تو زیست کے لمحات بھول جاؤں گی
ملا ہے مجھ کو ہمیشہ ملال قسمت ہے

غرور تم کبھی اس بات پر نہیں کرنا
اگر ملے تمہیں حسن و جمال قسمت ہے

گلؔ ایک سوچ سے قائم ہیں میرے ہوش و حواس
نہ جائے دل سے یہ تیرا خیال قسمت ہے

زنیرہ گلؔ

 

ماشاء اللہ

 

پکی شاعرہ ہوگئی ہو اب آپ

 

آپ کے الفاظ میرے لیے اعزاز ہیں
بہت بہت شکریہ جناب