نہیں زخم دل کا دکھانے کے قابل------برائے اصلاح

شکیل احمد خان
@محمّد سعید سعدی
----------
نہیں زخم دل کا دکھانے کے قابل
مرا غم نہیں ہے سنانے کے قابل
-------------
خفا مجھ سے جتنے وہ اب ہو گئے ہیں
رہی بات کب ہے بنانے کے قابل
-------------
مری ذات میں جو نقائص نکالے
نہ چھوڑا مجھے منہ دکھانے کے قابل
----------------
محبّت دلوں سے ہوا ہو گئی ہے
رہے اب نہ ملنے ملانے کے قابل
--------------
یہ جھوٹی انا آدمی کی ہے دشمن
نہیں چھوڑتی مان جانے کے قابل
-------------
خطا سے بچو گے اگر اس جہاں میں
رہو گے تبھی سر اٹھانے کے قابل
-----------
لگی آگ نفرت کی جتنی جہاں میں
کہاں اب رہی ہے بجھانے کے قابل
------------
مری بے گناہی کو مانے نہ کوئی
نہیں سامنے سچ کو لانے کے قابل
------------------
جو کرتے ہو باتیں وہ سچی ہیں ارشد
ہیں مشکل مگر مان جانے کے قابل
-----------

 

بہت عمدہ۔۔

 

مری ذات میں وہ نقائص نکالے
نہ چھوڑا مجھے منہ دکھانے کے قابل

۔۔۔۔شعر کا طرۂ امتیاز یہ ہے جیسے عام بات چیت کے انداز میں خاص بات اور کبھی کبھی خاص الخاص بات کہہ دی
۔۔۔۔میرے کام میں وہ وہ عیب نکالے کہ میں تو گڑکے رہ گیا
۔۔۔۔میرے کام میں وہ وہ عیب نکالے کہ میں تو گڑکے ہی رہ گیا
۔۔۔۔میرے کام میں وہ وہ عیب نکالے کہ میں تو گڑ کے ہی نہیں رہ گیا!۔۔۔۔۔۔۔۔۔(یہاں خاص طور پر تحیرو استعجاب کی علامت ہے)
میر تقی میر کا شاعری میں اور بابائے اُردُو مولوی عبدالحق کا نثر میں یہ کمال ہے کہ اُس کاایک ایک مصرع اور اِن کا ایک ایک جملہ سہلِ ممتنع کا شہکار
ہےاور لفظ کے برمحل برتے جانے میں ۔۔۔۔۔۔۔۔آپ اپنا جواب ہے۔

 

جو کہتے ہو ارشد ہے سچ تو یہی پر
ہے مشکل سے یہ مان جانے کے قابل۔۔۔۔۔۔۔۔۔۔۔۔۔(معنی درشکمِ شاعر است)

معنی درشکمِ شاعر یا معنی فی البطن شاعریوں کہ جو کہتے ہو ارشد ۔۔۔۔۔۔۔۔ الخ ارشد صاحب نے کیا کہا؟ شاعر نے بتایا ہی نہیں
ہے مشکل سے یہ مان ۔۔۔۔۔۔۔۔۔الخ
یعنی ارشدصاحب کا نامعلوم فرمان ۔۔۔۔۔۔۔۔۔۔۔۔۔۔۔۔تو جب بات صاف اور براہِ راست نہ ہو تو یہ معنی درشکم ِ شاعرہے۔
غالب کے ہاں اس کی مثال یہ شعر ہے۔۔۔۔۔۔۔۔۔۔۔۔۔۔۔کوئی دن گر زندگانی اور ہے۔۔ اپنے جی میں ہم نے ٹھانی اور ہے
مطلب: اول تو عشق کی سختیاں زندہ نہ رہنے دیں گی۔ بالفرض زندہ رہ گئے تو ہم نےکچھ اور ہی کرگزرنا ہے ۔۔۔۔۔۔۔۔۔۔۔
کیا کرگزرنا ہے؟؟؟؟شاعر بالکل خاموش ہے۔۔۔۔۔۔۔۔۔۔۔۔۔۔۔۔۔یہی خامشی معنی درشکمِ شاعر ہے یعنی مطلب شاعر کے
پیٹ میں (خوداپنے تک ہی محدود) ہے۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

تھا میرا ہی دل غم اٹھانے کے قابل
نہیں ۔ داستاں ۔یہ سنانے کے قابل۔۔۔۔۔۔۔۔۔۔۔۔۔(مطلع)

 

وہ برہم ہیں مجھ پر تو میں سوچتا ہوں
رہی بات کیااب بنانے کے قابل

 

محبت دلوں سے ہوئی جیسے رخصت
نہیں کوئی ملنے ملانے کے قابل۔۔۔۔۔۔۔۔۔۔۔۔(رہے ہم نہ ملنے ملانے کے قابل)

 

یہ جھوٹی انا اور غرور آدمی کا۔۔۔۔۔۔۔۔۔۔۔۔۔۔(آدمی کو)
نہیں چھوڑتا جگمگانے کے قابل

 

وہ پھیلی ہے نفرت کی آگ اِس جہاں میں۔۔۔۔۔۔۔۔۔۔۔۔۔۔۔۔(لگی آگ نفرت کی ایسی جہاں میں
کہ شاید ہی اب ہو بجھانے کے قابل÷÷÷÷÷÷÷÷÷÷÷÷÷÷÷رہی اب کہاں یہ بجھانے کے قابل)

 

شکیل بھائی بہت خوبصورت مشورے ہیں ، مطلع کمزور تھا آپ نے مسئلہ حل کر دیا ، باقی تبدیلیاں بھی بہت خوب ہیں

 

بہت شکریہ محترم ،خدا آپ کو خوش رکھے، آمین !

 

۔۔۔۔استادِمحترم کے ریمارکس پڑھنے کے بعد!

مرا دل ہی تھا غم اٹھانے کے قابل۔۔۔۔۔۔۔۔۔۔۔۔۔یا۔۔۔وہ اک میں ہی تھا غم اٹھانے کے قابل
یہی داستاں ہے سنانے کے قابل۔۔۔۔۔۔۔۔۔۔۔۔۔۔۔۔۔۔سو اب تک ہوں آنسو بہانے کے قابل

 

یہ جھوٹی انا اور غرور آدمی کو
نہیں چھوڑتا دل لگانے کے قابل۔۔۔۔۔۔۔۔۔۔۔۔۔۔۔۔۔۔۔نہیں چھوڑتا مسکرانے کے قابل۔۔۔۔۔۔یا۔۔۔۔۔۔بنا چھوڑتا ہے مٹانے کے قابل

 

​

 

بہت خوبصورت خان بھائی ،
اساتادِ محترم یہ غزل دیکھ چکے ہیں اب وہاں تبدیلیاں کرنے کی بجائے اپنے ریکارڈ میں یہ خوبصورت تبدیلیاں محفوظ کر لی ہیں ، بہت بہت شکریہ۔ ایک اور غزل پر کام کر رہا ہوں ابھی مکمّل نہیں ہے ۔ مطلع لکھ رہا ہوں اس پر رائے دیجئے تاکہ آگے چلاؤں
جسے یہ دنیا نہ دیکھ پائے ، نگاہِ مومن وہ دیکھتی ہے
کہاں ہے جانا کہاں سے آئے ، نگاہِ مومن وہ دیکھتی ہے
---------------

 

شکریہ محترم۔
جسے یہ دنیا نہ دیکھ پائے نگاہِ مومن وہ دیکھتی ہے
کہاں ہے جانا کہاں سے آئے نگاہِ مومن وہ دیکھتی ہے
وہ چاند سورج حسیں ستارے خدا کی قدرت کے ہیں اشارے
ہزار کوئی نظر چرائے نگاہِ مومن وہ دیکھتی ہے