نَظر شہرِ اِمامت پر جَمی ہے ۔ بلال رشید

نَظر شہرِ اِمامت پر جَمی ہے
مری حَسرت نَجف کی حاضری ہے
قَسم مُجھ کو حَدیثِ مُصطفٰی کی
درِ مولا ہی رحمت کی گَلی ہے
علی سرتاج ہے بِنتِِ نَبی کا
علی کی کس سے ممکن ہمسری ہے
اُسی کے لال ہیں جنت کے حاکم
علی کی یہ فضیلت ہی بڑی ہے
عَلالت کے سَبب مَجبور ہُوں میں
عَیاں مولا پہ میری بے بسی ہے
نہیں میثم سا مومن آج کوئی
کُھلا دربارِ حیدر آج بھی ہے
بِلالِ حَق نَوا اہلِ وِلا کی
نَجف والے کے دَر سے لَو لَگی ہے
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین