نور مطلق کے رنگیں نظارے کہاں ۔۔۔ بے ہوش محبوب نگری

نور مطلق کے رنگیں نظارے کہاں
روئے احمدﷺ کہاں چاند تارے کہاں

مل سکیں گے یہ دونوں کنارے کہاں
عشق اپنا کہاں حق کے پیارے کہاں

چاند شق ہو گیا آبرو پا گیا
یہ کہاں اور ان کے اشارے کہاں

سبز گنبد حجاب نظر بن گیا
سچ تو یہ ہے محمدﷺ سدھارے کہاں

ہم کو لے دے کے اس در کا ہے آسرا
اُٹھ کے جائیں نگاہوں کے مارے کہاں

کالی کملی نہیں بحر رحمت ہے یہ
منہ چھپائیں گے عصیاں کے دھارے کہاں

آپ کے ہوتے اے سرورِ انبیاء
ڈھونڈنے جائے اُمت سہارے کہاں

بجلیاں تاک میں ہیں مدد کیجئے
اک نشیمن کہاں، سو شرارے کہاں

خاکِ نعلین ملنا بھی معراج ہے
اتنے اونچے مقدر ہمارے کہاں

یاد فرمایئے اپنے بے ہوش کو
ہجر میں زندگانی گزارے کہاں
٭٭
بے ہوش محبوب نگری ۔۔۔ (ہوشِ نعتﷺ )​

 

اللہ تعالیٰ آپ کو بھی جزائے خیر عطا کرے آمین

 

نور مطلق کے رنگیں نظارے کہاں
روئے احمدﷺ کہاں چاند تارے کہاں​

 

ہم کو لے دے کے اس در کا ہے آسرا
اُٹھ کے جائیں نگاہوں کے مارے کہاں​

 

آپ کے ہوتے اے سرورِ انبیاء
ڈھونڈنے جائے اُمت سہارے کہاں​

 

یاد فرمایئے اپنے بے ہوش کو
ہجر میں زندگانی گزارے کہاں​

 

سبحان اللہ ۔ جزاک اللہ

 

اللہ تعالیٰ آپ کو بھی جزائے خیر عطا کرے آمین

​

 

ماشاءاللہ
عمدہ کلام
جزاک اللہ خیراً کثیرا​

 

اللہ تعالٰی آپ کو بھی جزائے خیر عطا کرے آمین

​