نواۓ اہل الفت حمد باری ۔ بلال رشید

نواۓ اہل الفت حمد باری
سعادت ہی سعادت حمد باری
وظیفہ ہے یہی تو صوفیا کا
سکھاتی ہے طریقت حمد باری
نہیں قطعا خدا کو اس کی حاجت
بشر کی ہے سعادت حمد باری
ہیں سب عاجز بجا لانے پہ جس کے
ہے اک ایسی عبادت حمد باری
سنائے گی ہمیں قرآں ابد تک
تری اک ایک آیت حمد باری
ہے نعت مصطفی میرا وطیفہ
مگر ہے دل کی راحت حمد باری
بناۓ کیوں نہ ہم معمو ل اس کو
ہے بخشش کی ضمانت حمد باری
نہ کیوں اترے گی پھر رحمت خداکی
کرے جو مل کے امت حمد باری
خدا ہی لایق مدحت ہے تنہا
یہی دیتی ہے دعوت حمد باری
بلال حق نوا بخشش کی خاطر
بنالے اپنی عادت حمد باری
----
بلال رشید

​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین