نواب اکبر بگٹی کی ہلاکت

السلام علیکم ورحمتہ اللہ وبرکاتہ


نواب اکبر بگٹی کی ہلاکت کے بعد مختف فورمز پر بحث مباحثہ ہو رہا ہے

اور میں یہاں بھی ساتھیوں کی رائے لینے کے لیے یہ لڑی شروع کر رہا ہوں‌۔۔۔

بی بی سی پر کچھ لوگوں کی رائے دیکھی ہے تو عجیب و غریب سا لگا

کوئی کہہ رہا تھا کہ بلوچستان میں امن فوج تعینات کی جائے اب

کوئی کہہ رہا تھا پاکستان کو ون یونٹ بنا دیا جائے اور کوئی کہہ رہا تھا پنجاب کے سولہ صوبے بنائے جائیں

آپ ان سب حالات پر کیا رائے دیتے ہیں


خوش رہیں

 

جو بھی ہوا بہت برا ہوا۔
اکبر بگٹی جی رہا تھا تو وخت ڈالتا رہا مر گیا تو بھی چین نہیں۔ اور حکومت بھی غلطی پر غلطی کررہی ہے اب تدفین کے لیے تو کم از کم اس کی لاش ورثاء کو دے دیتے۔ طاقت کا استعمال بہت برے نتائج لائے گا۔

 

حکومت نے اتنے سال امریکہ کا ساتھ دیا مگر اس سے کچھ نہیں سیکھا۔ طاقت کا استعمال انتہائی خطرناک ہوا کرتا ہے خاص طور پر جب وہ اس سطح کا ہو۔ امریکہ نے اسامہ کو ہمیشہ روپوش رکھا اور اس کی آڑ میں اس کے ممکنہ ساتھیوں پر ہر ملک میں دھاوا بولا اور دنیا سے اپنی من مرضی کا جواز بھی لے لیا۔ مگر حکومت اس سے بق نہیں سیکھ سکی۔

ون یونٹ نئے مسائل کو جنم دے گا۔ البتہ صوبوں کی تعداد بڑھانے کے لئے ڈویژنوں کو صوبوں کا درجہ دے دینے سے قومیت کی بنیاد پر قائم ہونے والے صوبوں کا صوبائی عفریت کافی حد تک کنٹرول میں آ سکتا ہے۔ مگر اس میں نیک نیتی کو کافی دخل حاصل ہے، جو ہمارے یہاں کے سیاستدانوں میں بالعموم نہیں پائی جاتی۔

 

مجھے لگ رہا ہے اس کا انجام صوبوں کی تعداد میں بڑھاوا ہی ہوگا۔ ہوبھی جائے تو کیا برا ہے۔

 

بی بی سی کے حوالے سے میں نے یہ نوٹ کیا ھے کہ یہ لوگ ہر وہ بات جو پاکستان کے خلاف جاتی ہو اسے بڑھا چڑھا کر پیش کرتے ھیں۔ اکبر بگٹی کی وفات یقینا ایک سانحہ ہے لیکن بی بی سی والے اسکوپاکستان توڑنے کا جواز بنا کر پیش کریں گے۔

 

علی بھائی ہماری اردو پر خوش آمدید

آپ کی بات سو فیصد درست ہے۔ مغربی میڈیا کبھی بھی اسلامی ملکوں میں استحکام گوارا نہیں کرتا۔ اور ان کی ہر ممکن کوشش یہ ہوتی ہے کہ کسی نہ کسی طرح انتشار پھیلائے رکھیں تاکہ اسلامی ممالک میں سر اٹھا کر چلنے کی سکت نہ آ جائے۔ ہمارے ہاں ہونے والے ہر واقعہ کو وہ اسی طرح سے پیش کرتے ہیں اور ان کی تقلید میں ہمارے اپنے ذرائع اِبلاغ بھی اسی وطیرے کو اپنائے ہوئے ہیں۔

صحافت دراصل نام ہی اسی چیز کا ہے کہ روز لوگوں کو کچھ نیا دیا جائے۔ معمول کی خبریں تو لوگوں کو ملتی ہی رہتی ہیں۔ چنانچہ کوئی بھی بات معمول سے ذرا مختلف ہو اسے یوں مرچ مصالحہ لگا کر پیش کیا جاتا ہے جیسے روئے زمین پر انسانی تاریخ میں ایسا واقعہ پہلی بار ہوا ہے۔ خاص طور پر شام کے اخبارات اس کی بدترین مثال ہیں۔

 

بالکل وہ لوگ ایسا ہی کرتے ہیں ان کو تو بہانا چاہئے

 

ع س ق: لفظ وطیرہ نہیں وتیرہ ہے جس کے معنی طریقہ، شیوہ، راہ، روش۔ کے ہیں۔ املاء کی غلطی درست کرلیجیے گا۔

 

شکریہ دوست، آپ نے بجا فرمایا۔ یہ ایسا کثیر متداول غلط العام ہے کہ بس لکھتے وقت یاد ہی رہا۔