نفرتیں سب زمانے کی سہتا رہا-----برائے اصلاح

شکیل احمد خان
محمد سعید سعدی
----------
(خان بھائی یہ غزل ابھی استادِ محترم کے سامنے پیش نہیں کی ،اس کے قوافی ایک نظر دیکھ لیں )
فاعِلن فاعِلن فاعِلن فاعِلن
نفرتیں سب زمانے کی سہتا رہا
درسِ الفت ہی پھر بھی میں دیتا رہا
----------
ہم کو شیطان کھینچے گا اپنی طرف
بچ کے چلنا یہاں سب سے کہتا رہا
----------
جانتا تھا کہ منزل بہت دور ہے
پھر بھی جانب اسی کی میں چلتا رہا
--------------
مجھ پہ میرے خدا کا کرم تھا بہت
کام بگھرا نہیں میرا بنتا رہا
-------------
بے حسی ہر جگہ پر ہے چھائی ہوئی
خونِ ناحق زمانے میں بہتا رہا
---------
مشکلیں تھیں بہت پھر بھی ہارا نہیں
سوئے منزل ہمیشہ ہی بڑھتا رہا
-----------
جو دیا چاہتوں کا جلاتے رہے
بعد تیرے بھی جانے کے جلتا رہا
-------------
داغ ارشد کی چادر پہ لگتے رہے
وہ انہیں خون اپنے سے دھوتا رہا
--------

 

محترم!
خیر سے قوافی تمام دُرست ہیں۔۔۔۔۔۔۔۔۔۔۔۔۔
سہتا رہا۔۔۔۔۔۔۔۔۔۔ سہ تا رہا ۔۔ردیف رہی
دیتا رہا۔۔۔۔۔۔۔۔۔۔دے تارہا۔۔
کہتا رہا۔۔۔۔۔۔۔۔۔۔کہ تارہا
چلتارہا۔۔۔۔۔۔۔۔۔۔ چل تارہا
اور پھر ۔۔بنتا رہا،بہتارہا،بڑھتا رہا،جلتا رہا،دھوتا رہا
مشترک حروف تا
قوافی سہہ، دے،کہہ،چل،بن،بہہ،بڑھ،جل، دھو۔۔۔۔۔۔۔۔۔۔۔۔۔
گوکہ یہ بات میری بھی سمجھ میں نہیں آتی کہ مشترک حروف کی تکرا ر میں میرے کہے ہوئے
قوافی کے الفاظ نکال دیں تو یہ تو باہم ایک آواز نہیں بنتے مگر دیگر شعرا کی غزلوں کا بنظرِ غائر مطالعہ ۔۔۔۔۔۔۔۔۔۔۔۔۔۔۔(کوئی صاحب اِس پر کچھ روشنی ڈالیں تو عنایت ہوگی)
کیا تو دیکھا کہ ۔۔۔۔۔۔۔۔۔۔۔۔ہمیں اور بھی زیادہ پڑھنے کی ضرورت ہے۔۔۔۔۔۔۔۔۔۔ایک
مثال پیش ہے:
وفا کرتے اسے دیکھا نہیں ہے
مگر وہ بے وفا لگتا نہیں ہے

دل برباد تجھ کو کیا ہوا ہے
سرائے میں کوئی بستا نہیں ہے

اسے پتھر بنا دیتی ہے دنیا
جو دریا ہے مگر بہتا نہیں ہے

یہ دنیا پھر نمایاں ہو رہی ہے
اندھیرا عمر بھر رہتا نہیں ہے

مرا ہمدرد ہے آئینہ ناظمؔ
میں روتا ہوں تو یہ ہنستا نہیں ہے

مزید:


جو شخص سارے زمانے کا رنج سہتا تھا
وہ آج راہ میں مثل غبار بیٹھا تھا

یوں بت بنا وہ کھڑا تھا کہ کیا بتاؤں تمہیں
میں اس کو چھونے سے پہلے خیال سمجھا تھا

میں سو رہا تھا کہ وہ خواب مجھ پہ ٹوٹ پڑا
میں کیسے بچ کے نکلتا کہ میں تو اندھا تھا

ہزار نام تھے جو لوح دل پہ لکھے تھے
مگر وہ نام کہ جیسے چراغ جلتا تھا

برس رہا تھا قیامت کا ابر سر پہ مرے
مگر یہ بات عجب تھی میں پھر بھی پیاسا تھا

نہ اس نے مجھ سے کہا تھا کہ ٹھہرو رک جاؤ
نہ سنگ سرخ کو میں نے پلٹ کے دیکھا تھا

بلائے شہر مجھے ڈھونڈھتی تھی گلیوں میں
میں اپنے آپ کو گھر میں چھپائے بیٹھا تھا

ہوائے سرو نے پتھر چلائے تھے کیا کیا
ہرا بھرا وہ شجر ایک پل میں ننگا تھا

سبھی سے ملتا ہے لیکن وہ اب کسی کا نہیں
عظیمؔ تم نے بھی دیکھا کہ وہ تمہارا تھا

ایک اور مثال پیشِ خدمت ہے:

آخرش مر ہی گیا یخ بستگی سہتا ہوا
وہ جو زندہ پل مری مٹھی میں تھا جکڑا ہوا

اب کسی کو دیکھنا ان کو گوارا ہی نہیں
دیکھ کر تجھ کو زمانے بھر سے دل اندھا ہوا

ہر بن مو گوش بر آواز ہے اس کے لیے
وہ مگر خاموش میری ہر صدا سنتا ہوا

پر سلامت ہیں مگر پھر بھی وہ اڑ سکتا نہیں
اک پرندہ کینوس پر کب سے ہے بیٹھا ہوا

وقت کے سارے ستم ہم نے سہے مل کر تو پھر
چاند میرے ساتھ آخر کیوں نہیں بوڑھا ہوا

جان کر اپنا ہی گھر اب درد رہتا ہے یہاں
دل کو خالی اس کی خاطر تو نہ تھا رکھا ہوا

یوں مسلط زندگی کر دی گئی اعصاب پر
بوجھ یہ ڈھونے میں شل احساس کا کندھا ہوا

ہو گئے تحلیل سب منظر چھوا جب آئنہ
کھل گیا یہ بھید عکس خواب تھا پھیلا ہوا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ربِ کریم ہی حقیقی علیم و خبیر ہے کہ جس کہ لیے اُس کے فرشتوں نے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نے سرجھکا کے اقرار کیا۔۔۔۔’’۔ سبحانك لا علم لنا إلا ما علمتنا ۖ إنك أنت العليم الحكيم۔‘‘

 

۔۔۔۔۔۔۔۔۔۔یہاں سوال تو یہ پیدا ہوتا ہے کون ایسا کرتا رہا؟
نفرتیں میں زمانے کی سہتا رہا
درسِ الفت بھی دنیا کو دیتا رہا

 

یاد رکھنا کہ شیطان بھی ہیں یہاں
اُن سے بچنا یہ سب سے میں کہتا رہا

 

۔۔۔۔۔۔۔۔پھر بھی پیہم اُسی سمت چلتا رہا

 

یہ خدا کا ہی لطف و کرم تھا کہ جو
کام بگڑا نہیں میرا بنتا رہا

 

راہ مشکل تھی لیکن تھی سچی لگن
اپنی منزل کیجانب میں بڑھتا رہا

 

دیپ چاہت کا جو تم جگا کر گئے۔۔۔۔۔۔۔۔۔۔۔۔۔۔۔۔یا۔۔۔۔۔دیپ چاہت کا جو تم جلا کر گئے
وہ دل و جاں کو روشن ہی کرتا رہا

 

داغ ارشد کے دامن پہ جو جو لگے
خون سے اُن کو اپنے وہ دھوتا رہا۔۔۔۔۔۔۔۔۔۔۔۔۔۔۔یہاں خونِ دل ۔۔آجائے تو کیا بات ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔خونِ دل سے انھیں وہ تو دھوتا رہا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔خونِ دل سے وہ ان کو بھی دھوتا رہا
۔۔۔۔۔۔۔۔۔۔۔۔۔۔۔،،،۔۔۔۔۔۔۔۔۔۔۔۔۔۔۔خونِ دل سے ہی ان کو وہ دھوتا رہا
داغ ارشد کے دامن پہ لگتے رہے
اور انہیں خونِ دل سے وہ دھوتا رہا

 

خان بھائی آپ نے بہت اچھا کیا محفل میں اپنے کومنٹس لکھ کر۔آیندہ کے لئے رہنمائی ملے گی۔خدا کرے اساتذہ دہکھیں اور رہنمائی فرمائیں

 

نشہ پلا کے گرانا تو سب کو آتا ہے

مزا تو تب ہے کہ گرتوں کو تھام لے ساقی​