نعیم رضا کی شاعری

محمود بھائی ۔
آپ جیسے صاحبِ ذوق اور اہل قلم کی طرف سے یہ الفاظ سوائے اعزاز اور ذرہ نوازی کے اور کیا ہوسکتے ہیں۔
وگرنہ مجھے اپنی کم علمی اور کم مائیگی کا بخوبی شعور ہے۔
بہت بہت شکریہ

 

بہت تلاش چکا بزمِ دوستاں کہ جہاں
وفا سی جنس بعوضِ خلوص ملتی ہے

 

واہ جی واہ

بہت تلاش چکا بزمِ دوستاں کہ جہاں
وفا سی جنس بعوضِ خلوص ملتی ہے

 

حوصلہ افزائی کا شکریہ شامی بھائی ۔
آپ کی محبت اور ذرہ نوازی ہے۔

 

حیاتِ جاودان میں سکون کی خاطر
کہاں تلک مسافت کروں گا میں آخر
جسے سکندر نے آب حیات تھا جانا
تھا اشکِ غم کہ جوآیا نہ چشم سے باہر

محمد نعیم رضا​

 

وہ نعیم بھائی بہت خوب :a172:

 

حیاتِ جاودان میں سکون کی خاطر
کہاں تلک مسافت کروں گا میں آخر
جسے سکندر نے آب حیات تھا جانا
تھا اشکِ غم کہ جوآیا نہ چشم سے باہر

،،،،،،،،،،،،،،،،،،،،،،،،،،،،،،،، ما شاءاللہ ، نعیم بھائی ۔۔۔۔۔۔۔۔۔ بہت خوب

 

حسن رضا بھائی اور بےباک بھائی
قطعہ کی پسندیدگی اور محبتوں کا بہت شکریہ ۔

 

چاچو نعیم ۔ :a180:

 

نعیم بھائی مزید شاعری کا انتظار ہے

 

شکریہ عبدالجبار بھائی ۔ آپ کا حسنِ نظر ہے۔

 

نعیم بھائی مزید شاعری کا انتظار ہے

 

اگر کبھی حرف نصیب ہوگئے تو ضرور۔ انشاءاللہ

 

انتظار میں ہی کہیں بوڑھے ہو جائیں ہم

 

:a155:

 

اب کیا ہوا کیوں سر پھوڑ رہے ہیں

 

جواب: نعیم رضا کی شاعری

طویل عرصے بعد کچھ تک بندی ہوئی ہے۔ معاشرتی ماحول کے تناظر میں ملاحظہ فرمائیے گا۔

خوابِ غفلت میں رہے تو پھر نظر آئے گا کیا
گر ہے محرومِ تماشا ، راستہ بھائے گا کیا ؟

اپنی خواہش کی دیواروں میں مقید ہوگیا
اس حصارِ آرزو میں منزلیں پائے گا کیا !!

رابطہ ٹھہرا ہے جب تک آشنائے قہر سے
ابرِ رحمت ، کشتِ ویراں پہ بھلا چھائے گا کیا

نہ زمیں زرخیز، نہ ہی آب، نہ ہی بیج ہے
گلشنِ امید تیرا یوں ہی کھِل جائے گا کیا؟

واعظِ صدق و وفا ہے پیکرِ کذب و جفا
اثر ناصح کی زباں میں پھر بھلا آئے گا کیا

سونپتا ہے خود ہی راہزن کو مقامِ راہبری
موردِ الزام پھر قسمت کو ٹھہرائے گا کیا

باندھ اب رختِ سفر تنہا کہ مہلت ہے قلیل
انتظارِ قافلہ میں یہ بھی گنوائے گا کیا ؟

صُمُ بُکمُ سا جہاں ماحول ہوجائے رضا
کوئی پیغامِ پیغمبر اُن کو سنوائے گا کیا


محمد نعیم رضا۔ 04-جون-2010​

 

جواب: نعیم رضا کی شاعری

بہت خوب نعیم بھائی،!!!!
آپ کیا خوبصورت پیرائے میں لفظوں کو ڈھالتے ہیں، جواب نہیں آپکا،!!!!!

 

جواب: نعیم رضا کی شاعری

شکریہ بزم خیال بھائی ۔ بس تک بندی کی ہے۔ آپ کی پذیرائی کے لیے بہت ممنوں ہوں۔
طالب دعا

 

جواب: نعیم رضا کی شاعری

السلام علیکم سید بھائی ۔ کیسے ہیں آپ ؟
پذیرائی اور حوصلہ افزائی کا بہت شکریہ ۔
دعاؤں میں یاد رکھا کریں۔ جزاک اللہ

 

جواب: نعیم رضا کی شاعری

سب سے پہلے معذرت نعیم جی کہ میں مصروفیت کے باعث یہاں حاضر نہ ھو سکی ۔۔
اور آپکی شاعری کی تعریف کرنا سورج کو چراغ دکھانے کے مترادف ھے ۔۔
ماشاء اللہ بہت عمدہ و اعلیٰ
داد قبول کریں ، ھمیشہ خوش رہیں آمین

 

جواب: نعیم رضا کی شاعری

اقراء ناز بہنا ۔ ذرہ نوازی کا شکریہ
لیکن میں نے " تک بندی " کا لفظ سچی مچی ہی لکھا تھا۔
داد اور دعا کا بہت شکریہ ۔
اللہ تعالی آپکو دائمی خوشیاں دے۔ آمین

 

جواب: نعیم رضا کی شاعری

ملک بلال بھائی پسندیدگی اور حوصلہ افزائی کے لیے بہت شکریہ ۔

 

جواب: نعیم رضا کی شاعری

آپ کے کلام میں گوکہ مایوسی کی جھلک نمایاں ہے اور امید کم نظر آتی ہے
لیکن بہرحال بہت عمدہ کلام ہے۔ داد قبول کریں۔

 

جواب: نعیم رضا کی شاعری

مایوسی کی جھلک صرف اسی کلام کی حد تک ہے۔ اسکے پیچھے کچھ مخصوص محسوسات کا واقع ہونا اثر انداز ہوگیا۔
وگرنہ الحمدللہ میرا ایمان ہے کہ پاکستان قائم رہنے کے لیے بنا ہے اور قائم رہے گا۔ انشاءاللہ
پسندیدگی کا شکریہ ۔

 

جواب: نعیم رضا کی شاعری

السلام علیکم گذشتہ شب 26 رجب کو دھیان سرکار دوعالم کے سفر معراج کی جانب گیا تو بفضل اللہ تعالی کچھ نعتیہ اشعار ترتیب پا گئے ۔ اہل محبت کے پیش خدمت ہیں

سُبحان کے پردوں میں چھپ کر، وہ اسریٰ منانے جاتے ہیں
لیلا" کے لمحے حیراں ہیں۔ کب جاتے ہیں ، کب آتے ہیں

کیا اصلِ نور وحدت ہے، اس رات کھلی یہ حقیقت ہے
جب آقا تدلّی سے آگے اوادنی کی منزل پاتے ہیں

اِس مسجد سے اُس اقصیٰ تک ، اور اقصیٰ سے پھر سِدرہ تک
جبریل سواری کو تھامے ، کیا خوب سعادت پاتے ہیں

اقصیٰ میں امامت کی مسند، بس شاہِ رُسُل کو تھی مختص
میثاقِ نبوت کے وعدے یوں سارے نبی دُہراتے ہیں

اُس نورِ ازل کی آمد پر افلاک سجائے بیٹھے ہیں
دیدار کے پیاسے قدسی بھی نظروں کی پیاس بجھاتے ہیں

کیا شان ہے رحمتِ عالم کی ، خیرات وہاں بھی بٹتی رہی
حوروں میں نگینے بانٹتے ہیں، موسیٰ کو جلوے کراتے ہیں

اک عبدِ کامل کا رُتبہ ، خالق نے دکھایا عالم کو
قُدسی ہیں‌سراپا چشمِ براہ ، معراج کے دُولہا آتے ہیں

قربان میں اُنکی رحمت کے، بےمثل عطا و شفقت کے
معراج کے وصل و قربت میں ، امت کو بھول نہ پاتے ہیں

ہیں پیکرِ بشری، نورِ خدا، پر بات نہیں بس اس پہ رضا
وہ اُرفع ہیں اس جا سے جہاں، جبریل کے پر جل جاتے ہیں


محمد نعیم رضا۔ 2010-7-8 بروز جمعرات​