نعیم رضا کی شاعری

ہر سنگِ رہِ شوق بڑھاتا ہے قدم میرے
منزل کی تمنا مجھے رکنے نہیں دیتی​

 

Re: میرے اشعار

شکریہ عبد الجبار بھائی !

فی البدیہہ کہا تھا

 

Re: میرے اشعار

بہت خوب کہا نعیم صاحب آپ نے۔

اب میری پسند کی ایک غزل حاضر ہے

آنکھوں سے دور ہو گیا جو جھوٹ بول کے
میں راہ دیکھتی رہی دروازہ کھول کے

اب سوچتی ہوں میں کہ یہی میری بھول تھی
دیکھا نہیں جو اس کو ترازو میں تول کے

وہ جلد باز اس طرح واپس ہوا کہ ہم
مفہوم بھی سمجھ نہ سکے میل جول کے

اس بےوفا کے واسطے خود کو کروں تباہ
پاگل تو میں نہیں کہ پیوں زہر گھول کے

چاروں طرف ہے ایک اندھیرا سا اے انا
اس کے بغیر لگتے ہیں دن تارکول کے

(انا دہلوی)

 

Re: میرے اشعار

بہت خوب زاہرا جی !
یہ انا دہلوی ایک خاتون ہیں نا ؟

 

Re: میرے اشعار

اچھا کلام ہے لیکن مقطع میں تارکول ذرا نامناسب سا لگ رہا ہے۔

 

Re: میرے اشعار

تنہائیوں میں بھی دلِ تنہا نہیں لگتا
اور بھیڑ میں چہرہ بھی شناسا نہیں لگتا
وہ جانتا ہے رسم و رہِ دنیا نبھانا بھی
اک ہم سے ملنا ہی اسے اچھا نہیں لگتا​

 

Re: میرے اشعار

آندھی غم کی یوں چلی سارا باغ اجڑ گیا
بکھر گیا ہوں زمیں پہ زرد پتوں کی طرح

 

Re: میرے اشعار

لذتِ غم کو پی کر ہم نے جانا
زرد پتوں‌کا حسن کسے کہتے ہیں

 

Re: میرے اشعار

اک صحرائے وحشت اور میں آبلہ پا
تنہا یہ سفر مجھے کٹتا نظر نہیں آتا

 

Re: میرے اشعار

یہ دل ہی ناداں‌تھا تجھے ٹوٹ کے چاہا
اے میری محبت تجھے الزام بھی دوں‌کیونکر؟​

 

Re: میرے اشعار

محبت جسکوکہتے ہیں حقیقت اسکی اتنی ہے
زمانہ غرض کو اپنی محبت نام دیتا ہے​

 

Re: میرے اشعار

سرِ محفل تو ہنستے ہیں تنہائی میں روتے ہیں
یہ اہلِ‌محبت دنیا والو !‌کچھ کچھ پاگل ہوتے ہیں​

 

Re: میرے اشعار

کس کے تکنے سے دلِ ساکت دھڑکنے لگتا ہے
کون ہے جس کے دم سے ہے یہ دمِ ہستی؟​

 

Re: میرے اشعار

مجھے منزلوں‌کی فکر ہو کیا
جو سفر میں تو میرے ساتھ ہو​

 

Re: میرے اشعار

واہ جی واہ۔ اچھے اشعار ہیں

 

Re: میرے اشعار

کیوں شبِ غم خراب کرتے ہو
میری شامیں عذاب کرتے ہو
اے نکیرو !‌سکون لینے دو
کیا حساب و کتاب کرتے ہو؟​

 

Re: میرے اشعار

یوں تیری یاد کو دل میں بسا رکھا ہے
سلگتا دیا ہو گویا مزارِ ویراں‌ پر

 

Re: میرے اشعار

وہ اور تھے جو تیری طلب میں ہی کھو گئے
میں خود مراد ہوں تجھے کیونکر طلب کروں​

 

Re: میرے اشعار

پربتوں کی چھاؤں میں
بارشوں کے موسم میں
جب گلاب کھلتے ہیں
تتلیوں کے جتھے بھی
گردشوں میں آتے ہیں
کونپلیں بھی ٹہنی پہ
رنگ دکھانے لگتی ہیں
کوئلیں بھی باغوں میں
چہچہانے لگتی ہیں
اور سب پرندے بھی
مسکرانے لگتے ہیں
اس سہانے موسم میں
کہ جب
دل دلوں سے ملتے ہیں
زخم سارے بھرتے ہیں
یاد مجھ کو ساجن کی
آکے یوں رلاتی ہے
جیسے شبنمی قطرے
پنکھڑی کی نازکی پہ
آ کے یوں چپک جائیں
پنکھڑی بھی کِھل جائے
پھول مسکرا اٹھیں
چاہے زیرِ دامن میں
کانٹے سے چبھے جائیں
چھید چھید ہو جائیں
سرد آہیں دب جائیں
یوں ہی اشک میرے بھی
آنکھ کے کناروں پہ
آ کے رُک سے جاتے ہیں
ہونٹ مسکراتے ہیں
زخم چھپ سے جاتے ہیں
دل میں ٹیس اٹھتی ہے
آہیں بھی نکلتی ہیں
پھر بھی میرے ہونٹوں پہ
مسکراہٹیں پھیلیں
یاد تیری ہر لمحے
دل میں یوں سما جائے
نہ کسی کو بتلاؤں
نہ کوئی خبر پائے

(کلام : نعیم رضا)

 

Re: میرے اشعار

وقتِ نزع تو ایک ادائے نظر سے دیکھ
یوں بھی توتجھکو اپنی اداؤں پہ ناز ہے​

 

Re: میرے اشعار

زندگی ایک سفر ہے تو خدایا
معدوم اسکی منزلیں کیوں ہیں؟

 

بہت خوب بھئی نعیم صاحب !

بہت اچھا شعر ہے نعیم بھائی لیکن اگر “تیری“ کے بجائے اپنی ہوتا تو زیادہ مناسب معلوم ہوتا !

 

Re: میرے اشعار

شکریہ فیصل بھائی ۔
اپنی کردیا ہے۔ اصلاح کا شکریہ !

 

Re: میرے اشعار

شکریہ۔۔۔ ایسے ہی اول فول لکھتا جاتا ہوں۔

میں تو اسی پر شکر کرتا ہوں کہ آپ کم معیاری سمجھ کرحذف نہیں کرتے

 

Re: میرے اشعار

کتنی بے گانی سی اب دنیا لگے ہے تیرے بغیر
وہی آنگن وہی چلمن نہ اپنا لگے ہے تیرے بغیر​

 

Re: میرے اشعار

تیری وفا کے تذکرے کرتا ہے جو رقیب
روتا ہے دل میرا اسی سادہ نصیب پر​