نعت پاک

*نعت مقدس*
..........................................................
*آؤ ہم محفل میلاد منا لیتے ہیں*
*اس طرح خلد میں گھر اپنا بنا لیتے ہیں*

*کیسے مشکل کوئی اب ہمکو پریشان کرے*
*رات و دن شام و سحر ماں کی دعا لیتے ہیں*

*عشق سرکار کی ملتی ہے جنہیں سرمستی*
*ہند میں بیٹھ کے جنت کا مزہ لیتے ہیں*

*پھول دنیا کے ہوں یاہوں وہ گلِ باغِ جناں*
*خارِ طیبہ سے مہکنے کی ادا لیتے ہیں*

*ہنستے ہنستے وہ لٹا دیتے ہیں اپنی جانیں*
*جو ترا عشق کلیجے سے لگا لیتے ہیں*

*گِر نہ جائیں تری یادوں کے مبارک آنسو*
*بس یہی سوچ کے آنکھوں میں چھپا لیتے ہیں*

*شب غم میں شہ کوثر کا قصیدہ پڑھ کر*
*دل بے غمگیں کو تڑپنے سے بچا لیتے ہیں*

*ناصر اس رحمت کل شاہ مدینہ کو سلام*
*دشمنوں کو بھی کلیجے سے لگا لیتے ہیں*
..........................................................

*از: ناصر خان نعمت مصباحی*
*ساہو دربھنگہ*