نعت وہ لکھوں جس میں عجز ہو، قیدت ہو

نعت وہ لکھوں جس میں عجز ہو، عقیدت ہو

شاہین فصیحؔ ربانی​

نعت رسولِ مقبول ﷺ


حرف حرف عزت ہو، لفظ لفط مدحت ہو
سوچ سوچ ندرت ہو، شعر شعر حرمت ہو
لہجہ لہجہ امرت ہو، صفحہ صفحہ عظمت ہو
نعت وہ لکھوں جس میں عجز ہو، عقیدت ہو

پھول پھول نکہت ہو، نجم نجم رفعت ہو
زیست زیست چاہت ہو، خواب خواب قربت ہو
روح روح عشرت ہو، قلب قلب الفت ہو
نعت وہ لکھوں جس میں عجز ہو، عقیدت ہو

آپؐ ہی سے نسبت ہو، اس طرح کی قسمت ہو
رنج رنج راحت ہو، درد درد فرحت ہو
چشم چشم حسرت ہو، آپؐ کی محبت ہو
نعت وہ لکھوں جس میں عجز ہو، عقیدت ہو

سوچ ہو، بصیرت ہو، آپؐ ہی کی سیرت ہو
لمحہ لمحہ تسکیں ہو، لحظہ لحظہ راحت ہو
گاؤں گاؤں خوشحالی، شہر شہر جنت ہو
نعت وہ لکھوں جس میں عجز ہو، عقیدت ہو

زندگی کا رستہ ہو، ایک ہی تمنا ہو
اُنؐ کے در پہ جانا ہو، اور فصیحؔ ایسا ہو
پاؤں پاؤں چلنا ہو، عمر کی مسافت ہو
نعت وہ لکھوں جس میں عجز ہو، عقیدت ہو​

 

جواب: نعت وہ لکھوں جس میں عجز ہو، قیدت ہو

سبحان اللہ العظیم۔
اللھم صل علی سیدنا ومولانا محمد وعلی آلہ وصحبہ وبارک وسلم ۔

جزاک اللہ خیر۔ فصیح ربانی بھائی ۔ اللہ و رسول صلی اللہ علیہ وسلم کی بارگاہ میں قبولیت ہو۔ آمین

 

جواب: نعت وہ لکھوں جس میں عجز ہو، قیدت ہو

نعیم بھائی آپ کی ان دعاؤں کے لیے تہِ دل سے آپ کا شکرگزار ہوں،
ہر پل شاداں و فرحاں رہیے۔