نعت لکھنی ہے حضور آپﷺ کو کیا کیا لکھوں ۔۔۔ بے ہوش محبوب نگری

نعت لکھنی ہے حضور آپﷺ کو کیا کیا لکھوں
پر تو ذات لکھوں، ذات کا پردہ لکھوں

دونوں عالم کی ہر اک شئے کی تمہیں ہو بنیاد
یدِ بیضاء دم عیسیٰ کہو اب کیا لکھوں

مرتبہ آپ کا قرآں سے سمجھ میں آیا
تمہیں یٰسین لکھوں یا تمہیں طٰہ لکھوں

آپ کی دید سے ظاہر ہوا حق کا منشا
رُخِ زیبا کو میں قرآن کا پارہ لکھوں

واصلِ ذات بھی ہو شاملِ مخلوق بھی ہو
تمہیں با خطِ جلی برزخ کبریٰ لکھوں

ان کے جلوؤں سے ہے معمور مرا دل تنہا
کیوں نہ میں دل کو مرے گنبد خضریٰ لکھوں

ارض طیبہ تری آغوش میں ہیں ختم رسل
مجھ سے پوچھے کوئی جنت تو مدینہ لکھوں

منزل قرب کی ہر ایک ادا یاد تو ہے
قاب قوسین، لکھوں یا فتدلی لکھوں

آپ بے ہوشؔ کے آقا بھی ہیں ہوش کل بھی
ذات مطلق کی انا کا تمہیں منشا لکھوں
٭٭
بے ہوش محبوب نگری ۔۔۔ (ہوش عبدیت )​

 

اللہ تعالیٰ آپ کو بھی جزائے خیر عطا کرے آمین

 

مرتبہ آپ کا قرآں سے سمجھ میں آیا
تمہیں یٰسین لکھوں یا تمہیں طٰہ لکھوں​

 

ان کے جلوؤں سے ہے معمور مرا دل تنہا
کیوں نہ میں دل کو مرے گنبد خضریٰ لکھوں​

 

ارض طیبہ تری آغوش میں ہیں ختم رسل
مجھ سے پوچھے کوئی جنت تو مدینہ لکھوں​

 

سبحان اللہ ۔ جزاک اللہ

​

 

اللہ تعالیٰ آپ کو بھی جزائے خیر عطا کرے آمین

​

 

ماشاءاللہ
عمدہ کلام
جزاک اللہ خیراً کثیرا​

 

اللہ تعالٰی آپ کو بھی جزائے خیر عطا کرے آمین

​