نعت شریف

جواب: نعت شریف

جزاک اللہ نوری جی ۔۔۔۔۔

 

جواب: نعت شریف

درِ شاہِ دو جہاں پر ، ملے حاضری مجھے بھی
کہوں بات اپنے دل کی ، سنے زندگی مجھے بھی

ہوئے روز و شب معطر ، رہا دھیان میں مدینہ
ترے آستاں پہ آوں ، عطا اک گھڑی مجھے بھی

جو ہو دھیان میں مدینہ ، ملے قلب کو قرینہ
جھکے سر جھکے یہ سینہ ، ملے بندگی مجھے بھی

شہِ عاشقاں سنو تو ! مری عرضِ صبح گاہی
میں ہوں قید خار و خس میں ، ملے زندگی مجھے بھی

ترا نام جب پکارا ، ہوا قلب میں سویرا
ترے ذکر سے ہمیشہ ، ملی روشنی مجھے بھی
(خاورچودھری) ​

 

جواب: نعت شریف

مدینےکا سفر ہے اور میں نم دیدہ نم دیدہ
جبیں افسردہ افسردہ ، قدم لغزیدہ لغزیدہ

چلا ہوں ایک مجرم کی طرح میں جانبِ طیبہ
نظر شرمندہ شرمندہ بدن لرزیدہ لرزیدہ

کسی کےہاتھ نے مجھ کو سہارا دے دیا ورنہ
کہاں میں اور کہاں یہ راستے پیچیدہ پیچیدہ

غلامانِ محمّد دور سے پہچانےجاتےہیں
دل گرویدہ گرویدہ، سرِ شوریدہ شوریدہ

کہاں میں اور کہاں اُس روضۂ اقدس کا نظارہ
نظر اُس سمت اٹھتی ہے مگر دُزدیدہ دُزدیدہ

بصارت کھو گئی لیکن بصیرت تو سلامت ہے
مدینہ ہم نےدیکھا ہے مگر نادیدہ نادیدہ

وہی اقبال جس کو ناز تھا کل خوش مزاجی پر
فراق طیبہ میں رہتا ہے اب رنجیدہ رنجیدہ

(اقبال عظیم) ​

 

جواب: نعت شریف

فیض احمد فیض کی ایک فارسی نعت پیشِ خدمت ہے ۔
اے تو کہ ہست ہر دلِ محزوں سرائے تو
آوردہ ام سرائے دِگر از برائے تو

خواجہ بہ تخت بندہ تشویشِ مُلک و مال
بر خاک رشکِ خسروِ دوراں گدائے تو

آنجا قصیدہ خوانیِ لذّاتِ سیم و زر
اینجا فقط حدیثِ نشاطِ لِقائے تو

آتش فشاں ز قہر و ملامت زبانِ شیخ
از اشک تر ز دردِ غریباں ردائے تو

باید کہ ظالمانِ جہاں را صدا کُنَد
روزے بسُوئے عدل و عنایت صدائے تو
(فیض احمد فیض، غبار ایام) ​

 

جواب: نعت شریف

یہ نازیہ انداز ہمارے نہیں ہوتے
جھولی میں اگرٹکڑے تمھارے نہیں ہوتے

جب تک کہ مدینے سے اشارے نہیں ہوتے
روشن کبھی قسمت کے ستارے نہیں ہوتے

دامانِ شفاعت میں ہمیں کون چھپاتا
سرکار اگر آپ ہمارے نہیں ہوتے

ملتی نہ اگر بھیک ہمیں آپ کے در سے
تو اس ٹھاٹ سے منگتوں کے گزارے نہیں ہوتے

بے دام ہی بک جایئے بازار نبی میں
اس شان کے سودے میں خسارے نہیں ہوتے

ہم جیسے نکموں کو گلے کون لگاتا
سرکار اگر آپ ہمارے نہیں ہوتے

خالد یہ تصدُق ہے فقط نعت کا ورنہ
محشر میں تیرے وارے نیارے نہیں ہوتے
( خالد ۔۔۔۔۔ ) ​

 

جواب: نعت شریف

ماشاءاللہ سبحان اللہ

جزاک اللہ خیر

 

جواب: نعت شریف

نعت شریف
آپ کے در پر پڑا ہوں
بے سہارا کب رہا ہوں

آپ ہی تو دے رہے ہیں
ٓآپ ہی سے تو مانگتا ہوں

آپ ہی کے دم قدم سے
خیر سے میں آ ملا ہوں

معجزہ ہے نعت کا سب
میں نظر جو آرہا ہوں

ہے ناز اب بس زباں پر
آپ کا تھا آپ کا ہوں

ناز جی​

 

جواب: نعت شریف

یہ کون طائر سدرہ سے ہمکلام آیا
جہان خاک کو پھر عرش کا سلام آیا
جبیں بھی سجدہ طلب ہے یہ کیا مقام آیا
زباں پہ بار خدایا یہ کس کا نام آیا
کہ میرے نطق نے بوسے مری زباں کے لیے
خط جبیں ترا ام الکتاب کی تفسیر
کہاں سے لاوں ترا مثل اور تری نظیر
دکھاوں پیکر الفاظ میں تری تصویر
مثال یہ مری کوشش کی ہے کہ مرغ اسیر
کرے قفس میں فراہم خس آشیاں کے لیے
کہاں وہ پیکر نوری کہاں قبائے غزل
کہاں وہ عرش مکیں اور کہاں نوائے غزل
کہاں وہ جلوہ معنی کہاں ردائے غزل
بقدرِ شوق نہیں ظرف تنگنائے دل
کچھ اور چاہیے وسعت مرے بیاں کے لیے
تھکی ہے فکر رسا اور مدح باقی ہے
قلم ہے آبلہ پا اور مدح باقی ہے
تمام عمر لکھا اور مدح باقی ہے
ورق تمام ہوا اور مدح باقی ہے
سفینہ چاہیے اس بحر بیکراں کے لیے

 

جواب: نعت شریف

مجھ میں ان کی ثناہ کا سلیقہ کہاں
وہ شہہ دو جہاں وہ کہاں میں کہاں
ان کا مدحا سرا خالق عین و عاں
وہ رسول زمان وہ کہاں میں کہاں

وہ مدینہ نگینہ ھے جو عرش کا
وہ مدینہ بھرم جو بنا فرش کا
وہ مدینے جہاں رحمتیں بیکراں
میں بھی پہنچوں وہاں وہ کہاں میں کہاں

میں سراپا عدم وہ سراپا وجود
ان پہ ہر دم سلام ان پہ ہر دم درود
وہ حقیقت میں افسانہ و داستاں
ان کا میں مدحا خواں وہ کہاں میں کہاں

شک نہیں اے ریاض اس میں ہر گز زرا
میں سراپا خطا وہ سراپا عطا
نام ان کا رہے کیوں نہ ورد زبان
ہے جو تسکین جاں وہ کہاں میں کہاں

 

جواب: نعت شریف

نعت
وہ جو رشک قند و نبات ہے
وہ میرے حضور کی ذات ہے
جو جواز "کن فیکون" ہے
وہی نام اصل نشاط ہے
میں ہوں ایک ذرہ ناتواں
فقط آپ ہی کو ثبات ہے
وہ گئے تھے فرش سے عرش تک
وہ بس ایک رات کی بات ہے
میں جو ان کے در کا فقیر ہوں
یہ مرے نصیب کی بات ہے
میں ہوں خاک پائے شہ الم
یہی مجھ کو فخر حیات ہے
مجھے عاقبت کی ہو فکر کیا
یہی نعت وجہ نجات ہے​

 

جواب: نعت شریف

درود پڑھتی ہیں میری سانسیں
سلام کرتی ہیں میری آنکھیں

یہ صرف آنسو نہیں ہیں میرے
جو قطرہ قطرہ چھلک رہے ہیں


یہ ایک انداز ِ گفتگو ہے
کلام کرتی ہیں میری آنکھیں

درود پڑھتی ہیں میری سانسیں
سلام کرتی ہیں میری آنکھیں

نہ کوئ رہبر نہ کوئ ساتھی
نہ کوئ زار ِ سفر ضروری


سفر مدینے کا بے سہارا
تمام کرتی ہیں میری آنکھیں

درود پڑھتی ہیں میری سانسیں
سلام کرتی ہیں میری آنکھی​

 

جواب: نعت شریف

آپ سا دونوں جہاں میں نظر آیا ہی نہیں
کیونکہ اللہ نے کوئی اور بنایا ہی نہیں

آپ نے جب سے نوازا ھے یارسول اللہ
میں نے دامن کسی چوکھٹ پہ پھیلایا ہی نہیں

جب کہا قبرمیں سرکار نے یہ میرا ھے
پھر نکیروں نے مجھے ہاتھ لگایا ہی نہیں

جو بھی مکے سے پلٹ آئے مدینے نہ گئے
یوں سمجھ لو انہیں سرکار نے بلایا ہی نہیں

نہ کوئی محبوب اور نہ محب کا ثانی
ایک کا جسم نہیں اور ایک کا سایہ ہی نہیں
​

 

جواب: نعت شریف

اے خاصہ خاصان رسل وقت دعا ہے
امت پہ تیری آ کے عجب وقت پڑا ہے

جو دین بڑی شان سے نکلا تھا وطن سے
پردیس میں وہ آج غریب الغربا ہے

وہ دین ہوئی بزم جہاں جس سے چراغاں
اب اس کی مجالس میں نہ بتی نہ دیا ہے

جو تفرقے اقوام کے آیا تھا مٹانے
اس دین میں خود تفرقہ اب آکے پڑا ہے

جس دین نے دل آ کے تھے غیروں کے ملاے
اس دین میں خود بھائی سے اب بھائی جدا ہے

ہے دین تیرا اب بھی وہی چشمہ صافی
دیں داروں میں پر آب ہے باقی نہ صفا ہے

جس قوم میں اور دین میں ہو علم نہ دولت
اس قوم کی اور دین کی پانی پہ بنا ہے​

 

جواب: نعت شریف

تو جو اللہ کا محبوب ہوا، خوب ہوا
یا نبی، خوب ہوا، خوب ہوا، خوب ہوا

شبِ معراج یہ کہتے تھے فرشتے باہم
سخنِ طالب و مطلوب ہوا، خوب ہوا

حشرِ میں اُمتِ عاصی کا ٹھکانا ہی نہ تھا
بخشوانا تجھے مرغوب ہوا، خوب ہوا

تھا سبھی پیشِ نظر معرکہء کرب و بلا
صبر میں ثانی ایوب ہوا، خوب ہوا

داغ ہے روزِ قیامت مری شرم اس کے ساتھ
میں گناہوں سے جو محجوب ہوا، خوب ہوا​

 

جواب: نعت شریف

دونوں جہان میں ہے تو ہی بس
ہے دِل کو مرے تیری جُستُجو ہی بس

چھُپ کے پردوں میں کب تو رہتا ہے
ہر تن لہو کے سنگ بہتا ہے

دِل میں سبھی کے تو دھڑکتا ہے
طُور پے شعلہ بن بھڑکتا ہے

جانے جو خود کو تُجھے پاتاہے
رُوح بن کر تُو ہی سماتا ہے

رُوح کے بعد پھر بچا کیا ہے
جسم پانی کا بُلبُلہ سا ہے

زندگی میں بھی عیاں تو ہی ہے
ظاہر ہے تو پنہاں بھی تو ہی ہے​

 

جواب: نعت شریف

یہ دنیا اک سمندر ہے مگر ساحل مدینہ ہے
ہر اک موج بلا کی راہ میں حائل مدینہ ہے

مدینے کے مسافر تجھ پہ میرے جان و دل قربان
تیری آنکھیں بتاتی ہیں تیری منزل مدینہ ہے

زمانہ دھوپ ہے اور چھاؤں ہے بس اک بستی میں
یہ دنیا جل کے بجھ جاتی مگر شامل مدینہ ہے

جہاں عشاق بستے ہوں وہ بستی ان کی بستی ہے
جہاں پہ ذکر ہو ان کا وہی محفل مدینہ ہے

شرف مجھ کو بھی حاصل ہے محمد(ص) کی غلامی کا
میں اتنی دور ہوں لیکن مجھے حاصل مدینہ ہے

کرم کتنا ہے فخری ان کی ذات پاک کا مجھ پر!
وہ میرے دل میں رہتے ہیں میرا بھی دل مدینہ ہے​

 

جواب: نعت شریف

جزاک اللہ۔۔۔۔۔۔۔۔۔