نعت شریف : دو جہاں میں کامرانی آپﷺ کی الفت سے ہے

اسلام علیکم
الحمدللہ ایک نعت شریف کے کچھ اشعار کہنے کی سعادت نصیب ہوئی ہے - ایک نظر آپ بھی دیکھ لیں کہیں کوئی کوتاہی تو نہیں ہوئی ہے؟
جزاک اللہ خیر

دو جہاں میں کامرانی آپﷺ کی الفت سے ہے
ہم گنہگاروں کو رغبت آپﷺ کی مدحت سے ہے

ہم کو بھر بھر کے نوازا ہے خدا نے جھولیاں
یہ کرم ہم پر خدا کا آپﷺ کی نسبت سے ہے

دور ہیں آقاﷺ ، مدینے کا ہمیں ارمان ہے
زندگی میں بس یہی اک غم بڑی شدت سے ہے

سارے نبیوں میں نبی ہیں آپﷺ ہی بس آخری
وجہِ تخلیقِ جہاں بھی آپ ﷺ کی برکت سے ہے

پتھروں نے دی گواہی ، پیڑ بھی چلنے لگے
چاند بھی دو لخت آقا ﷺ آپ ﷺ کی عظمتسے ہے

آنچ آئے آپﷺ کی حرمت پہ ،ہے یہ اک سوال
جو مسلمانی کے دعویدار کی غیرت سے ہے

آپ کی الفت نہ ہو سعدی تو کیا ہے زندگی
زندگی کا لطف آقا ﷺ آپ ﷺ کی چاہت سے ہے

سعید سعدی
23-11-2020

 

ماشاءاللہ بہت خوصورت نعت ہے

 

ماشاءاللہ
بہت عمدہ
جزاک اللہ خیراً کثیرا

 

جزاک اللہ خیراً

 

وَأَنْتُمْ فَجَزَاكُمُ اللَّهُ خَيْرًا