نعت رسول مقبول صلی اللہ علیہ وسلم

کروں میں کیا بیاں ان کا، یہ ہے لُطف و کرم ان کا
کر م سارا یہاں ان کا، یہ ہے لُطف و کرم ان کا

یہ دو عالم نہیں آقا کے جوڑے کے برابر بھی
ہے رب دوجہاں ان کا، یہ ہے لطف وکرم ان کا

کہ جبریل امیں آتے ہیں جوڑے چومنے ان کے
ہے لب پر بھی نشاں ان کا، یہ ہے لطف و کرم ان کا

مکین لامکاں جو ہیں وہ میرے دل میں رہتے ہیں
میرا دل ہے مکاں ان کا، یہ ہے لطف وکرم ان کا

ہے کُل عالم کے دولہا کی خدا کرتا ثناء خوانی
خدا ہے رازداں ان کا، یہ ہے لطف وکرم ان کا

خدا ان کا، ملائک بھی، یہ کائنات بھی ان کی
سراپا ہے قرآں ان کا، یہ ہے لطف وکرم ان کا

میری سرکار کے جلوؤں کا جلوہ دیکھنے والو
عیاں بھی ہے نہاں ان کا، یہ ہے لطف وکرم ان کا

جہاں میری ختم سوچیں، وہیں آغاز آقا ہے
یقیں ان کا، گماں ان کا، یہ ہے لطف وکرم ان کا

لکھوں میں کیا مدح سرکار کی، میرا قلم لرزاں
یہ ہے لطف و بیاں ان کا، یہ ہے لطف وکرم ان کا

سر محشر خدا کے روبرو جس دم بھی میں آؤں
کرم ہو پھر وہاں ان کا، یہ ہے لطف وکرم ان کا

محبت پنجتن کی ہے میرا سرمائہ محشر میں
ہے عشق جاوداں ان کا، یہ ہے لطف وکرم ان کا

 

شکریہ محترم۔

 

سبحان اللہ ۔ اللہ تعالٰی جزائے خیر عطا کرے آمین