نعتِ حبیبِ کبریاء صل اللہ علیہ واٰلِہ وسلم

نعتِ حبیبِ کبریاء صل اللہ علیہ وا

نعتِ رسول صلی اللہ علیہ واٰلہ وسلم

جب بزمِ کائنات میں لایا گیا مجھے
کلمہ مرے نبی کا پڑھا یا گیا مجھے

اُس دن سے میری آنکھ شبستانِ نُور ہے
جِس دن سے وہ جمال دِکھایا گیا مجھے

بھٹکا میں جب کبھی بھی گناہوں کے دشت میں
ہر بار سیدھی راہ پہ لایا گیا مجھے

یوں ہر قدم پہ مجھ کو سہارا دیا گیا
گرنے سے پیشتر ہی اُٹھایا گیا مجھے

ذکرِ رسولِ پاک سے روشن رکھا گیا
یادِ شہِ شہاں سے سجایا گیا مجھے

اِک بے نوا سا پیڑ تھا دشتِ حیات میں
اُن کا کرم ، خزاں سے بچایا گیا مجھے

کی میری دستگیری فقط اُن کی ذات نے
دُنیا میں بار ہا جو ستایا گیا مجھے

اشرف مجھے تو اپنے مقدر پہ ناز ہے
اُن کا غلام کہہ کے بلایا گیا مجھے

اشرف نقوی​

 

Re: نعتِ حبیبِ کبریاء صل اللہ علیہ

ماشاءاللہ، اس سے بڑی ناز کی بات اور کیا ہو سکتی ہے۔ اللہ رب العزت درِ مصطفی سے وابستگی کو سلامت رکھے۔