ندیم وجدان صاحب کا تعارف

میرا نام ندیم وجدان ہے۔میں واہ کینٹ کا رہائشی ہوں اور پاکستان آرڈینینس فیکٹریز میں ملازمت کرتا ہوں اور ساتھ ہی پارٹ ٹائم ٹیوشن بھی پڑھاتا ہوں ۔میں نے پنجاب یونیورسٹی سے بی کام کیا ہوا ہے ۔کچھ روز پہلے کچھ تلاش کرتے کرتے ہماری اردو تک پہنچا تھا تو تب سے ہی شمولیت کا ارداہ کر لیا تھا لہذا آج آپ سب سے مخاطب ہوں ۔امید کرتا ہوں آپ سب سے بہت کچھ سیکھنے کو ملے گا۔ہماری اردو اور ہم سب کی پیاری اردو کے ساتھ میرا یہ سفر ضرور اچھا ثابت ہوگا۔ ان شاء اللہ

 

وعلیکم السلام ورحمۃ اللہ وبرکاتہ!
بہت شکریہ جناب آپ نے مجھے امتحان میں بیٹھنے کے قابل سمجھا۔

1- پورا نام؟ اور کس نے رکھا؟
جواب:پورا نام ندیم وجدان ہےاور میری خالہ نے رکھا تھا۔اس زمانے میں ندیم بیگ بہت مشہور تھے غالباً تبھی یہ نام رکھا گیا ہے۔امی بتاتی ہیں کہ تمھارے نام پربڑا ہنگامہ ہوا تھا کیونکہ دادی چاہتی تھیں کہ نام رضوان ہو اور خالہ ندیم رکھنا چاہتی تھیں اور پھرخالہ نے ماموں کی مدد سے دادی کے ساتھ دھاندلی کر کے نام یونین کونسل میں ندیم لکھوا دیا۔
2- لقب؟ اور کیوں رکھا گیا؟
جواب : دیمی لقب ہے ۔کیوں رکھا گیا کی وجہ تو نہیں پتا۔
3- عمر؟ (لڑکیوں کو غلط بیانی کی اجازت ہے۔)
جواب: 26 سال صرف۔
4- شہر، ملک؟ (کب سے یہاں ہیں؟)
جواب:واہ کینٹ، پاکستان اور2007 سے۔
5- تعلیم؟ (حاصل کرنا کیوں ضروری سمجھی؟)
جواب:بی کام کیا ہوا ہے۔اس وقت ورچوئل یونیورسٹی سے بی ایس سافٹ ویئر انجینیرنگ کر رہا ہوں۔(حاصل کرنا کیوں ضروری سمجھی؟) کے لیے
6- مشاغل؟ (اپنے بتانے ہیں، اُن کے نہیں۔)
جواب: ڈیوٹی اور فارغ اوقات میں ٹیوشن پڑھانا۔
7- پیشہ؟ (کاروبارِ محبت سے اِحتراز کریں۔)
جواب:سرکاری ملازمت اور پارٹ ٹائم ٹیچنگ۔
8- مستقبل کے عزائم؟ (اگر زیادہ خطرناک ہوں تو وضاحت سے بیان کریں۔)
جواب:ایک سکول بنانا چاہتا ہوں جہاں جدید ٹیکنالوجی کو استعمال کرتے ہوئے اپنی آنے والی نسل کو جدید دنیا سے ہم آہنگ کیا جا سکے۔
9- ہماری اردو سے تعارف کیسے ہوا ؟
جواب :انٹر نیٹ پر اردو شاعری کے بارے میں سرچ کرتے ہوئے حادثاتی طور پر ہماری اردو سے تعارف ہوا اور دل چاہا کہ کچھ مستفید ہوا جائے۔جس کے نتیجے میں آج پیپر دے رہا ہوں۔​

​

 

​