نبیِ محتشم کی بات ہے

نے سکندر کی ، نہ کچھ دارا و جم کی بات ہے
<center>واہ ہم ہیں ،اور نبیِ محتشم کی بات ہے</center>اوج قسمت کا مرے اندازہ کرسکتا ہے کون
<center>میرے لب پہ خواجہ لوح و قلم کی بات ہے</center>خود رفعنا کہہ کہ رفعت دی خدائے پاک نے
<center>کتنی اونچی دیکھیئے شاہِ حرم کی بات ہے</center>مجھ سا ناداں معنی حم کیا سمجھے مگر
<center>گیسوئے والیل کے کچھ پیچ و خم کی بات ہے</center>قوم و قریہ تک نہیں محدود ان کی رحمتیں
<center>ان سے وابستہ تمام عرب وعجم کی بات ہے</center>بیوفائی اور وہ بھی رحمت کونین سے
<center>مرد مومن! سوچ یہ کتنے ستم کی بات ہے</center>فیصلہ ایماں سے کر ، عقل تیرہ سے نہ کر
<center>ان کا قرب وبعد ہی بود و عدم کی بات ہے</center>ان کے دشمن کی ذرا عزت نہیں دل میں مرے
<center>مجھ کو اچھا ہی نہیں لگتا، قسم کی بات ہے</center>کون اے جان مسیحا سن سکے تیرے سوا
<center>آہ یہ اک کشتہ رنج و الم کی بات ہے</center>نقش لاثانی کا آسی ذکر ہے وجہ سکوں
<center>کیوں نہ ہو اک مظہر فیض اتم کی بات ہے</center>