"ناگزیر کُچھ بھی نہیں، ہم بھی نہیں تُم بھی نہیں

السلامُ علیکم دوستو! چند مصروفیات اور زندگی کے روزمرہ مسائل کے باعث کُچھ عرصے سے اس فورم پر حاضری کا سلسلہ ٹوٹا رہا تھا، جسکے لئے معذرت خواہ ہوں۔ کوشش کروں گا کہ آئندہ لمبا وقفہ نہ آنے پائے۔ فی الوقت مندرجہ ذیل نظم پیشِ خدمت ہے بطور "جُرمانہْ غیر حاضری":-

ناگزیر کُچھ بھی نہیں، ہم بھی نہیں تُم بھی نہیں
بے ثباتی کا گُماں رہنا ہے
تا حشر قائم جہاں رہنا ہے
زندگی یونہی رواں رہنا ہے
سلسلہ یونہی چلے گا جیون کا
ناگزیر کُچھ بھی نہیں، ہم بھی نہیں تُم بھی نہیں
زندگی کا ایسا ہی طور ہو گا
ہم نہ ہونگے تو کوئی اور ہو گا
ظُلمتوں کا ایسے ہی دور ہو گا
سلسلہ یونہی چلے گا جیون کا
ناگزیر کُچھ بھی نہیں، ہم بھی نہیں تُم بھی نہیں
ہر روز یونہی مارا ماری رہے گی
دیوانگی ایسے ہی طاری رہے گی
ابلیسیت آخر تک جاری رہے گی
سلسلہ یونہی چلے گا جیون کا
ناگزیر کُچھ بھی نہیں، ہم بھی نہیں تُم بھی نہیں
سارے رشتوں کو اِک رسم جانو
غنیمت ہے! جو مہلت بہم جانو
عمل اچھے دُنیا میں اہم جانو
سلسلہ یونہی چلے گا جیون کا
ناگزیر کُچھ بھی نہیں، ہم بھی نہیں تُم بھی نہیں
دُنیا کے رنگ میں نہ رنگ جا سُلطاں
کوئی غم ہر دم نہ ٹھہرا سُلطاں
فانی دُنیا سے نہ گھبرا سُلطاں
سلسلہ یونہی چلے گا جیون کا
ناگزیر کُچھ بھی نہیں، ہم بھی نہیں تُم بھی نہیں۔​

 

جواب: "ناگزیر کُچھ بھی نہیں، ہم بھی نہیں تُم بھی نہیں

سارے رشتوں کو اِک رسم جانو
غنیمت ہے! جو مہلت بہم جانو
عمل اچھے دُنیا میں اہم جانو
سلسلہ یونہی چلے گا جیون کا
ناگزیر کُچھ بھی نہیں، ہم بھی نہیں تُم بھی نہیں​

واہ بہت خوب۔ محترم سلطان صاحب۔
عمدہ کلام پر بہت سی داد قبول ہو۔

 

جواب: "ناگزیر کُچھ بھی نہیں، ہم بھی نہیں تُم بھی نہیں

ناگزیر کُچھ بھی نہیں، ہم بھی نہیں تُم بھی نہیں
واہ واہ کیا کہنے۔۔۔بہت خوب

 

جواب: "ناگزیر کُچھ بھی نہیں، ہم بھی نہیں تُم بھی نہیں

واہ واہ جی واہ

 

جواب: "ناگزیر کُچھ بھی نہیں، ہم بھی نہیں تُم بھی نہیں

ناگزیر کچھ بھی نہیں، ہم بھی نہیں تم بھی نہیں:
بہت خوب سلطان میر صاحب بہت خوب، اپنے غیر حاضر رہنے کا کیا خوب جرمانہ ادا کیا ہے آپ نے. اتنی اچھی شیئرنگ کا بہت بہت شکریہ