نام نہاد جہادیاں دے کرتوت اوناں دی زبانی

السلام عليکم سجنو تے مترو،
آج تحریک طالبان (ٹی ٹی پی) دے کرتوت تے سوچ اوناں دی اپنڑی زبانی تواڈے سا منڑیں رکھنڑاں چاھواں گا۔ ٹی ٹی پی نے اپنڑیں سیاسی مقاصد دے حصول لئی پاکستانی عوام دے خلاف بڑا ہی تشدد آمیز، ظالمانہ تے غیر انسانی کارروائیاں دا سلسلہ جاری رکھیا ہویا وے۔ طالبان اپنڑیں مذموم سیاسی عزائم نوں اگے ودھانڑ لئی انسانیت دے خلاف اناں جاری جرائم دا جواز پیش کرنڑ دی کوشش کررہے نے۔ اے نام نہاد جہادی پاکستانی عوام تے اپنڑیں نظریات تے سیاسی طاقت نوں تھوپنڑ لئی مجرمانہ انداز وچ مذہب دا استعمال کردے نے ۔ طاقت دے حصول لئی اے انتہا پسند مسیتاں، جنازیاں ، ہسپتالاں، بازاراں تے سکولاں وچ بے گناہ مسلماناں نوں مار رہے نے۔ اے اک ناقابل تردید حقیقت وے کہ اے درندہ صفت بنیاد پرست اصل مجرم نے جیڑے خطے وچ لوکاں دیاں زندگیاں وچ دکھہ تے تکلیف دا باعث بنے ہوئے نے۔

روزانہ لوکی ایس بربریت دا شکار ہورہے نے۔ ميں اراکين نوں تھلے پیش کیتی گئی نکی جئی فلم ویکھنڑ دی درخواست کرریہاں، خاص کر اوناں رائے دھندگان لئی جیڑے ٹی ٹی پی دیاں کاروایاں نوں غیر ملکی طاقتاں دی سازش یا اک ردعمل گرداندے نے۔ ایس فلم وچ تسی اناں نام نہاد جہادياں دے نا ختم ہونڑ آے ظلم ،اصل سياسی ارادے، تے انتہا پسند نظريات نوں اوناں دی اپنڑیں زبانی سن سکو گے۔ پاکستان وچ کوئی ایناں دے ظلم توں محفوظ نہی بشمول معصوم بال تے زنانیاں۔ ایدے وچ تے کوئی دوجی رائے ہونڑ رہ ہی نہی گئی کے اینا ظالماں انسانیت دیاں ساریاں حداں پار کر چھڈیاں نے۔ ایس فلم نوں ویکھنڑ توں بعد او تمام احباب کرام جیڑے کھل کے یا دبے اکھراں وچ طالبان دی حمایت کردے رہے نے اوناں نوں اک تگڑی طالبان مخالف زبان بن کے سادہ لوح پاکستانی نوجواناں نوں ایناں دی مذہب دی چادر وچ لپٹی ہوئی ظلم تے بربریت دی سوچ تو بچاونڑ دی ہر ممکن کوشش کرنی چاہی دی وے۔

TTP an Ideology or a Reaction - اک خاص سوچ دے نفاذ دی جبرا" کوشش​

 

​