نئی بیت بازی

دل تو میرا اداس ہے ناصر
شہر کیوں سائیں سائیں کرتا ہے

 

فقیہِ شہر نے تہمت لگائی ساغر پر
یہ شخص درد کی دولت کو عام کرتا ہے​

 

ان آبلوں سے پاؤں کے گھبرا گیا تھا میں
جی خوش ہوا ہے راہ کو پُر خار دیکھ کر

 

رات بیتی تو گِنے آبلے اور پھر سوچا
کون تھا باعثِ آغازِ سفر شام کے بعد​

 

سوچا تھا اب نہ یاد کریں گے انہیں مگر
کچھ بھی نہ رہا یاد وہ جب یاد آ گئے

 

سوچا تھا اب نہ لوٹ کے جائیں گے پھر کبھی
آواز دی کسی نے تو مجبور ہو گئے​

 

کبھی اے حقیقتِ منتظر نظر آ لباس مجاز میں
کہ ہزاروں سجدے تڑپ رہے ہیں مری جبینِ نیاز میں

 

میں‌جو سَر بسجدہ ہُوا کبھی، تو زمیں سے آنے لگی صدا
تِرا دل تو ہے صنم آشنا، تُجھے کیا مِلے گا نماز میں؟​

 

کیا ہے پیار جسے ہم نے زندگی کی طرح
وہ آشنا بھی ملا ہم سے اجنبی کی طرح

 

تُو ہے سورج تجھے معلوم کہاں رات کا دُکھ
تُو کسی روز مرے گھر میں اُتر شام کے بعد​

 

ذکرِ شبِ فراق سے وحشت اُسے بھی تھی
میری طرح کسی سے محبت اُسے بھی تھی

مجھ سے بِچھڑ کے شہر میں گُھل مِل گیا وہ شخص
حالانکہ شہر بھر سے عداوت اُسے بھی تھی​

 

شب وصال ہے گل کر دو ان چراغوں کو
خوشی کی بزم میں کیا کام جلنے والوں کا

 

وہ ہمارے ہم اُن کے ہو جائیں
بات اتنی ہے اور کچھ بھی نہیں

جلنے والوں کو صرف جلنا ہے
اُن کی قسمت میں اور کچھ بھی نہیں​

 

قسمت میں میری چین سے جینا لکھ دے
ڈوبے نہ کبھی میرا سفینہ لکھ دے
جنت بھی گوارا ہے مگر میرے لیے
اے کاتب تقدیر مدینہ لکھ دے

 

سجدہ کروں تجھے تو کافر کہیں لوگ
یہ کون سوچتا ہے تجھے دیکھنے کے بعد​

 

اک سجدہ خلوص کی قیمت فضائے خلد
یارب نہ کر مذاق میری بندگی کے ساتھ

 

آؤ اِک سجدہ کریں عالمِ مدہوشی میں
لوگ کہتے ہیں‌کہ ساغر کو خُدا یاد نہیں​

 

تُو شمعِ رسالت ہے، عالم ترا پروانہ
تُو ماہِ نبوت ہے، اے! جلوہءِ جاناناں​

 

سوداگری نہیں یہ عبادت خدا کی ہے
اے بے خبر جزا کی تمنا بھی چھوڑ دے

 

اپنی مجبوری کو ہم دیوار و در کہنے لگے
قید کا ساماں کیا اور اس کو گھر کہنے لگے