نئی بیت بازی

چاہت میں کیا دنیاداری عشق میں کیسی مجبوری
لوگوں کا کیا سمجھانے دو، انکی اپنی مجبوری

 

نہ جانے کون سی مجبوریوں کا قیدی ہو
جو ساتھ چھوڑ گیا ہے تو بے وفا نہ کہو​

 

مجھ کو اپنا بنا کے چھوڑ دیا
کیا اسیری ہے کیا رہائی ہے

 

کہا تھا اُس نے کہ، اپنا بنا کے چھوڑے گا
ہُوا بھی پھر یونہی ، اپنا بنا کہ چھوڑ گیا

 

چھوڑ لٹریچر کو اپنی ہسٹری کو بھول جا
شیخ و مکتب سے ناطہ ترک کر اسکول جا
چار دن کی زندگی ہے کوفت سے کیا فائدہ
کھا ڈبل روٹی، کلرکی کر، خوشی سے پھول جا
(ڈپٹی نظیر احمد)

 

ترکِ تعلقات پہ ، رویا نہ تُو نہ میں
لیکن یہ کیا کہ چین سے سویا نہ تُو نہ میں​

 

ترکِ تعلقات کو ایک لمحہ چاہیے
لیکن تمام عمر مجھے سوچنا پڑا

 

پھر ہم نے کیا ترکِ تعلق کا اِرادہ
پھر تم سے ملاقات کے پہلو نکل آئے​

 

ارادہ تھا ترک محبت کا لیکن، فریب تبسم میں پھر آ گئے ہم
ابھی کھا کے ٹھوکر سنبھلنے نہ پائے، کہ پھر کھائی ٹھوکر سنبھلتے سنبھلتے

 

ٹھوکر سے مرا پاؤں تو زخمی ہُوا ضرور
رستے میں جو پڑا تھا وہ کہسار ہٹ گیا​

 

مرنے کے بعد بھی مری آنکھیں کھلی رہیں
عادت جو پڑ گئی تھی ترے انتظار کی​

 

دشمن و دوست کی پہچان ضروری ہے نصیر
ایسوں ویسوں سے ذرا خود کو بچا کر چلیئے​

 

بنا بنا کے یہ دنیا مٹائی جاتی ہے
ضرور کوئی کمی ہے جو پائی جاتی ہے

جب کوئی اجنبی آتا ہے ان کی محفل میں
اک شمع اسی دم جلائی جاتی ہے

شمع جلا کے وہ فورا بجھا بھی دیتے ہیں
دھویں کی سمت پھر انگلی اٹھائی جاتی ہے

دھواں دکھا کے وہ کہتے ہیں آنے والوں سے
عاشقوں کی یہ حالت بنائی جاتی ہے

 

بہت پیارا شعر ہے، واہ!
----------------------------------

ضرور کچھ تو ہے اپنی حیات کا مقصد
سُنا ہے چیز کوئی دہر میں فضول نہیں​

 

قوتِ عشق سے ہر پست کو بالا کردے
دہر میں اسمِ محمد سے اجالا کر دے

 

میں خیال ہوں کسی اور کا مجھے سوچتا کوئی اور ہے
سرِ آئینہ میرا عکس تھا، پسِ آئینہ کوئی اور ہے

 

غمِ ہستی کا اسد کس سے ہو جز مرگِ علاج
شمع ہر رنگ میں جلتی ہے سحر ہونے تک

 

شب کو مئے خوب سی پی، صبح کو توبہ کر لی
رند کے رند رہے، ہاتھ سے جنت نہ گئی

 

یہ جنت مبارک رہے زاہدوں کو
کہ میں آپ کا سامنا چاہتا ہوں​

 

اے پردہ نشیں تم کو یہ پردہ مبارک ہو
ہم اپنے تصور میں تصویر بنا لیں گے

 

معصوم نظر، بھولا مُکھڑا، چہرے پہ تبسم، شوخ ادا
تصویر کا جب یہ عالم ہے ، وہ حُسنِ مجسّم کیا ہو گا​

 

یہ آرزو تھی تجھے گل کے رو برو کرتے
ہم اور بلبلِ بیتاب گفتگو کرتے