نئی بیت بازی - حصہ دوم

وہ جب بھی ذرا روٹھا چپ بیٹھے رہے ہم بھی
اک بار منا لیتے تو ہر روزخفا ہوتا۔۔۔۔۔۔۔۔

 

برہم جو شکیل ان کی نظر ہو تو بلا سے
دیکھوں وہ کہاں مجھ سے خفا ہو کے رہے گی

 

دعا اُس نے بھیجی ہے کچھ اس ادا سے
سدا خوش رہو تم، ہماری بلا سے

 

اے سیلِ بلا سہل نہیں ہم سے الجھنا
ہم وہ ہیں کہ موجِ حوادث میں پلے ہیں

 

اک درد کا پھیلا ہوا صحرا ہے کہ میں ہوں
اک موج میں آیا ہوا دریا ہے کہ تم ہو

 

ابھی رزم گاہ کے درمیاں ہے میرا نشاں کھلا ہوا
ابھی تازہ دم ہے میرا فرض نئے معرکوں پہ تلا ہوا

 

درمیاں فاصلے کچھ کم نہیں ہونے پائے
زخم بڑھتے گئے کچھ کم نہیں ہونے پائے

 

ہر ایک زخم کا چہرہ گُلاب جیسا ہے
مگر یہ جاگتا منظر بھی خواب جیسا ہے

 

میں آپ اپنے گلے لگ کے بین کرتا ہوں
رووف امیر،میرے ویر،میرے سارے خواب

 

ہم سا بھی ہو گا نہ جہاں میں کوئ ناداں جاناں
بے رخی کو بھی جو سمجھے تیرا احساں جاناں

 

فراق یار کی بارش، ملال کا موسم
ھمارے شہر میں اترا کمال کا موسم

 

جِنسِ ویرانیِ صحرا میری دوکان میں ہے
کیا خریدے گا ترے شہر کا بازار مُجھے

 

زندگی لائی ہے کس لیے سرِِبازار ہمیں
ہم تو یوسف بھی نہیں کہ کوئی خریدار ملے

 

اس زندگی میں اتنی فراغت کسے نصیب
اتنا نہ یاد آ کہ تجھے بھول جائیں ہم

 

وہ راستے سے جو پلٹا تو رک گیا میں بھی
قدم قدم نہ رہے، پھر سفر سفر نہ رہا۔۔۔۔۔۔!!۔

 

سبھی راستے تو ہیں اجنبی مرے آشنا مرے ساتھ چل
مجھے اور اب نہ آزما مرے ہمنوا مرے ساتھ چل

 

اداس شامیں اجاڑ راستے کبھی بلایں تو لوٹ آنا
کسی کی آنکھوں میں رتجگوں کے عذاب آیئں تو لوٹ آنا